دڵسۆزی ئێران بۆ مام جلال

هه‌ر له‌سه‌ره‌تای شۆڕشه‌وه‌ تا كۆچی دوایی نزیكترین هاوڕێ و پشتیوانی و هاوكاری ته‌نیا ووڵاتی دۆست و دراوسێ كۆماری ئیسلامی ئێران بوو،

ئه‌وكاته‌ی مام جلال ده‌ستی كرد به‌دانانی یه‌كه‌مین به‌ردی بناغه‌ی شۆڕشی نوێ ته‌نیا هه‌موو به‌رزی و نزمیه‌كانی بڕی و دواجار له‌ساڵی 2005 به‌پشتیوانی كۆماری ئیسلامی ئێران مام جلال گه‌یشته‌ پۆستی سه‌ركۆماری عێراق هه‌رگیز له‌كاتی بوونی كێشه‌ و گرفتێك كۆماری ئیسلامی ئێران پشتگیری له‌لایه‌نێكی شیعه‌ نه‌ده‌كرد به‌ڵكو هه‌رچیه‌ك مام جلال گوتبای هه‌ر ئه‌وه‌ ڕاست بوو هه‌ر قسه‌ی مام جلال قسه‌ی كۆتایی بوو لای كۆماری ئیسلامی ئێران،.

 ئه‌وكاته‌ی هه‌واڵی نه‌خۆشكه‌وتنی مام جلال تاڵه‌بانی سكرتێری گشتی یه‌كێتی نیشتیمانی كوردستان له‌ساڵی 2012 بڵاوكرایه‌وه‌ ئێران یه‌كه‌مین ووڵات بوو كه‌ئاماده‌ی نیشاندا بۆ چاره‌سه‌ری ته‌ندروستی مام جلال چونكه‌ ئێران هه‌م ئه‌ركی هاوڕێیه‌تی و برایه‌تی و هه‌م ئه‌ركی دراوسێیه‌تی له‌به‌رچاوگرتبوو تێگه‌یشتنی هه‌بوو كه‌ ئه‌ركه‌كه‌ی به‌رامبه‌ر ئه‌و سه‌ركرده‌ مه‌زنه‌ی كورد كۆتایی نه‌هاتووه‌ ئه‌م وه‌فا و دڵسۆزیه‌ی كۆماری ئیسلامی ئێران تا ساتی كۆچی دوایی و به‌خاك سپاردنی به‌رده‌وامی هه‌بوو،

كاتێك هه‌واڵی كۆچی دوایی مام جلال ده‌بێته‌ سه‌ردێڕی هه‌واڵی میدیاكانی جیهان سه‌ركرده‌ و به‌رپرسه‌كانی ئێران یه‌ك یه‌ك پرسه‌ و ماته‌مینی و دڵته‌نگی و خه‌مگینی خۆیان ئاڕاسته‌ی هه‌موو گه‌لی كورد و تێكڕای گه‌لانی عێراق كرد چونكه‌ كۆماری ئیسلامی ئێران زۆر باش مامی گه‌وره‌ی ئه‌ناسی و ئه‌یزانی چۆن كه‌سایه‌تیه‌كه‌ هه‌میشه‌ به‌چاوی ڕێزه‌وه‌ سه‌یری ئه‌كرد،.

به‌رپرسێكی كۆماری ئیسلامی ئێران له‌باره‌ی به‌شداری به‌رپرسانی ووڵاته‌كه‌ی له‌پێشوازی و به‌خاكسپاردنی مام جلال ده‌ڵێت هه‌موو به‌رپرسانی ووڵات حه‌زیان هه‌یه‌ بۆ به‌شداربوون له‌مه‌راسیمی پێشوازی و به‌خاكسپاردن به‌ڵام ئاماده‌بوونی وه‌فدێكی باڵای كۆماری ئیسلامی ئێران به‌سه‌رۆكایه‌تی د.محمد جه‌واد زه‌ریف وه‌زیری ده‌ره‌وه‌ی كۆماری ئیسلامی ئێران له‌مه‌راسیمی پێشوازی ته‌رمی سكرتێری گشتی یه‌كێتی نیشتیمانی كوردستان،.

جگه‌ له‌وه‌ش بروسكه‌ی ماته‌مینی سه‌رۆك كۆماری ئیسلامی ئێران و سه‌رۆكی په‌رله‌مانی ئێران و وه‌زیری ده‌ره‌وه‌ و زۆرینه‌ی په‌ربرسه‌ باڵاكانی تری كۆماری ئیسلامی ئێران بۆ كۆچی دوایی مام جلال تاڵه‌بانی سكرتێری گشتی یه‌كێتی نیشتیمانی كوردستان و سه‌ركۆماری پێشوی عێراق كه‌ 42 ساڵه‌ ئه‌و ڕێبه‌ره‌ مه‌زنه‌ی كوردایه‌تی په‌یوه‌ندی له‌گه‌ڵ كۆماری ئیسلامی ئێران هه‌یه‌،.

وه‌فا و خۆشه‌ویستی كۆماری ئیسلامی ئێران له‌هه‌موو ئاسته‌ باڵا جیاجیاكان ته‌نیا یه‌ك ڕاستی ده‌رده‌خات ئه‌ویش ئه‌وه‌یه‌ كۆماری ئیسلامی ئێران له‌و ڕۆژه‌ی په‌یوه‌ندیت هه‌یه‌ له‌گه‌ڵی تا ئه‌وساته‌ی له‌ژیاندایت و له‌دوای كۆچه‌كه‌شت به‌وه‌فا ئه‌بێت بۆت نه‌ك ئه‌وكاته‌ی ئیشی پێت هه‌یه‌ دواتر وه‌ڵامی سڵاوت نه‌داته‌وه‌ له‌به‌رئه‌وه‌ زۆر گرینگه‌ سه‌ركردایه‌تی یه‌كێتی له‌هاوخه‌می كۆماری ئیسلامی ئێران بۆ هاوڕێ و دۆستی دێرینی 42 ساڵه‌یان كه‌ به‌ڕێز مام جلال تاڵه‌بانیه‌ باش تێبگه‌ن و خوێندنه‌وه‌ی بۆ بكه‌ن چونكه‌ قازانجی گرینگ و به‌رهه‌مدار له‌وه‌دایه‌ كه‌تێبگه‌ن ئێران دۆستێكه‌ ئه‌توانێت له‌هه‌موو قۆناغێكی ژیان له‌گه‌ڵت بێت له‌كاتی سه‌ركه‌وتن دڵخۆش بێت و له‌كاتی ته‌نگانه‌ هاوكارت بێت.

 ئه‌وه‌ش ئه‌و جیاوازیه‌ی كه‌ له‌ساتی مه‌راسیمی پێشوازی له‌ته‌رمی سه‌ركۆماری پێشوی عێراق و سكرتێری گشتی یه‌كێتی نیشتیمانی كوردستان له‌فڕۆكه‌خانه‌ی سلێمانی هه‌ستی پێكرا سه‌رجه‌م ووڵاتانی به‌شداربوو له‌سه‌ر ئاستی باڵوێز به‌شدارییان كرد به‌ڵام جیاوازی كۆماری ئیسلامی ئێران ئه‌وه‌بوو كه‌ به‌وه‌زیر و باڵوێز و كونسوڵی هه‌ولێر و سلێمانی له‌وێ بوون چاوه‌ڕێی ئه‌وه‌ش له‌كۆماری ئیسلامی ئێران ده‌كرێت له‌ڕۆژانی داهاتوو له‌ئاستی باڵاتر وه‌فدیان بێت بۆ به‌شداری له‌پرسه‌ی مام جلال تاڵه‌بانی وه‌ك چۆن كۆماری ئیسلامی ئێران به‌وه‌فا بوو بۆ مام،.

مامیش هه‌روا بوو بۆ ئه‌و ووڵاته‌ مانگێك له‌مه‌وپێش سه‌ره‌ڕای سه‌ختی نه‌خۆشی بۆ دواجار سه‌ردانی كۆماری ئیسلامی ئێرانی كرد و چاوی به‌هه‌موو دۆسته‌ دێرینه‌كانی كه‌وت،.

ئه‌گه‌ر یه‌كێتی تێگه‌یشتنی هه‌بوو درێژه‌ی به‌ڕێبازی مام دا وه‌ك جه‌واد زه‌ریف گوتی ئه‌وا خۆی قازانج ده‌كات.
سه‌رچاوه‌/  pukmedia