25/03/2018
ئيشراق 605 جار بینراوە
دوياى غۆته‌ى ديمه‌شقى
هه‌ڕه‌شه‌يل ئه‌مريكى وه له‌ليداين سوريا نه‌مه‌ند و ئسرائيليه‌يليش شكه‌ست هاوردن له چنينه‌وه‌ى به‌ر ته‌حريزكردن له دژى، وه‌لێ فلاديمير بوتين سه‌رۆك روسى به‌ر هه‌ڵوژاردنه‌يل گرنگ چنيگه‌و كه سه‌ركرده‌يگ مێژوويى روسى ته‌كريسى كرد و پاڵيگ نه‌يگه سياسه‌ته خارجيه‌گه‌ى ل جه‌نگى دژ تيرۆر، وه‌تايبه‌ت له سوريا.
ئه‌و هووكاره‌يل ده‌ره‌كيه له ماوه‌ى رووژه‌يل گوزه‌يشت ده‌ركه‌فت، له‌بان كه‌فتنه‌وه‌ى جه‌نگيگ سه‌ربازى له‌لايه‌ن سوپاى سوريه‌و دژ چه‌كداره‌يل ئه‌نجام گريگ له غۆته‌ى روژهه‌ڵات له ريف ديمه‌شق پايته‌خت.
واشنتۆن سه‌قف هه‌ڕه‌شه‌يلێ به‌رزه‌و كرد له سه‌ره‌تاى جه‌نگ ريفى، ئه‌ويش تاڕاده‌يگ پلان ئه‌را هه‌وڵ چه‌سپانن بڕياريگ ناونه‌ته‌وه‌يى دانه‌يگ له‌وه‌ر وسانن زيايبوين سوپا له‌ژير ناونيشان مقه‌يه‌تى مه‌ده‌نيه‌يل.
ئه‌مريكيه‌يل هه‌وأڵه‌يليگ له‌ليان كه‌فته ده‌يشت له‌بان ئاماده‌كاريه‌يل ده‌رياوانى ئه‌مريكى له‌وه‌ر ئاراسته‌كردن مووشه‌كه‌يل كرۆز وه‌ره‌و بنگه‌يل و گردبوينه‌وه‌يل سوپاى سورى و كوشك سه‌رۆكايه‌تى له ديمه‌شق و باره‌گايه‌يل حكومى وه‌تايبه‌ت وه‌رگرى و ناوخوه‌يى.
ئامانج ئه‌مريكى ئه‌وه بوى نواگيرى له به‌شار ئه‌سه‌د سه‌رۆك سورى بكه‌يگ له مه‌سه‌له‌ێ وه‌رده‌وامى بڕيار جه‌نگ غۆته‌و ناچاركردن رووسه‌يل ئه‌را ئه‌وه‌گ گووش له خواسته‌يل ئه‌مريكى بگرن، وه‌لێ مۆسكۆ موفاجئه‌يگ كرد ئه‌را ئه‌مريكيه‌يل وه ئعلام له‌بان داين چه‌ك وه ديمه‌شق ئه‌را وه‌ئامانجگرتن بنگه‌يل ئه‌مريكى له ناوچه‌گه.
وه‌ل ئه‌وه‌يشا قسه‌ێ رووس ئاشكراس له‌باره‌ى ئه‌وه‌گ ك وه‌ئامانجگرتن سوريا له‌لايه‌ن ئه‌مريكاوه ناچار رووسه‌يل كه‌يگ بانه جواو، وه‌لێ كاردانه‌وه‌ى تر گه‌ردينه‌گه‌ى ئه‌سه‌د بوى له ناوچه‌يل به‌ره‌ى جه‌نگ له غۆته ك سوپاى سورى له‌تيان وجوود ديريگ.
وازييگه له‌ناونى رووسه‌يل و ئه‌مريكيه‌يل له‌باره‌ى سوريا، واشنتۆن كارت قرمز له‌ێ فراوانبوين سوپاى سورى وه‌ره‌و ريف به‌رزه‌و كرد، سوريايش كه له‌لايه‌ن روسياوه پشتگيرى كريه‌يگ گووش وه‌و كارته نه‌يا.
ناڕه‌زايى ئه‌مريكيه‌يل له‌بان يه‌كلاكردنه‌وه‌ى دوسيه‌ى غۆته، له‌و فه‌ره‌زيه‌وه سه‌رچه‌وه گريگ كه وجوود ديريگ له‌بان زه‌وى واقع، كه ئه‌ويش كووتايى جه‌نگه‌يل غۆته ماناى هاتنه‌وه‌ى شام ئه‌را ئه‌مان و سه‌قامگيرى، يه‌يش ماناى ته‌ماسك سورى و هسكردن وه كووتايى جه‌نگ وه سه‌ركه‌فتن ده‌وڵه‌ت و واين دژه‌يلى.
عباس ظاهر