10/01/2018
ئيشراق 707 جار بینراوە
دوباره مللت
رويداگيل ئى دوياخر ئيرانه وه تايبت له شاريل بويچگ له چندين ئاست شيوكردن ئراى كرييگ، ليرايش لبان دو بش شيوكردن ئراى كرياگه.
گرووپ يكم ئاژاوكارى و ئو كسيله بوين كه ئامانجيان دروسكردن بشيوى و سختى و شيوانن بار ناوخويى وڵاتيل و وه پيوندى ول دوشمنيل ئيران ئسلامى ئى رييله گرستنسه ور، چارنويس ئى گرووپه لاى راى گشتى و دسڵات ئاشكراس و بى گومان شيواز هڵسوكفت ول ئوان ريڕويگ ياسايى دياريكرياگ ديريگ.
گرووپ دويم ئو كسيلنه ك داواكارى روا ديرن و دوريگ له ئاژاوناين و رويداگيل سختى نيرن.
له راسى ئيران ئسلامى وه بوونى سياسه‌تيل دژ وه روت ستمكارى جيهانى و چالاكييلى له ناوچگه لور خاتر ورگرى له مردم زوڵمليكرياێ روژهڵات ناوراس وه سنى و شيعوه، هميشه للاين دوشمنيلوه روى وه‌ڕوى پلامار و هڕشه بويسو.
ئاساييه كه كار دوشمن دوشمنايتيه و هوڵ ئوه ديگ زيان و زرديل گورايگ وه ئيمه بڕسنيگ و كۆمار ئسلامى ئيران له ناوخوييوه تويش كيشه بكيگ. ئى دوشمنيله شايت له چندين رييو جوير يارمتى داراييل، قوڵيل بى بنماو چشتيل له ناونى مردم ئاسايى شماريگ فره كم له مردم له دورگرد خويان گردو كردوين كه وه گشتى ئى كسيله لوانن كه دوشمنايتييان ئرا مردم ئيران هر له وختيليگه ئاشكرا بويه.
ئوگ لى دوياخره له سختييل دوينريا، ئوسه كه براورد وه ريژى مردم نيشتجى شاريل، شمارى ئى كسيله له جاديل فره كم بويه و دگان ووه خوى گرتن هيزيل ئمنى بوى وه بوونى ئوگ كه ئو بارودوخيشه نمينيگ، لور ئوگ كه مردم وه فرترين وخت خت خويان له ئاژاوه دروسكردن جيا كردنوه وه ريپيوان سدان هزار كسى و تنانت مليۆنى و خويان دژ وه پيلان دوژمنيل هڵسيان.
ول ئويشا ئوميدواريم كه گشت قدرزان نعمت رابرى و ئى مللت شوڕشكاره بويمن و لور خاتر گشو پيشكفتن زياتر وڵات ئسلاميمان هوڵ زياتر و خاستر بييم.
داود عامری