21/02/2018
ئيشراق 813 جار بینراوە
خاسسازيگى سرۆك وه‌زير ره‌سيه كوورا؟
ديار و ئاشكراس كه سرۆك حكومت عراقى ئاشكراى سركفتن كرد لبان تيرۆر و هيمان جنگيل فريگ گڕگرتگ چوڕيه و لليانيش چوڕى يكلاكردنوه كيگ و لليانيش هس چوڕى بڕيار دسوه‌پيكردن و جنگ ديارتر كن و بگر جنگ چارنويسساز جوير جنگ گناتكارى.
ليرا وسيليل سركفتن له جنگ گناتكارى له عراق دسوه‌ره، ولێ كزى زاڵبوين لبانى وجوود ديريد ول كاركردن لبان جيوه‌جيكردن ده‌سكفتن راسكانى كه مللت ئرا ماوى 14 ساڵه چوڕيى كه‌ن و هر واده و قوڵ ژنفن، بڵكم چوڕى ئويش كرييگ كه بڵاى ئستغلالكلردن هاووڵاتى بنبڕ بكرييگ و ئى سامان نيشتمانه له تاڵان بارييگو و ول ئويشا درفت چوڕى كس نيكيگ و دوباريشو نيوگ.
ول ئويشا بيگومانه كه مللت چوڕى سركفتن كن له جنگ دژ گناتكارى، ئونه چوڕى عبادى نيكن ئرا ئاشكراكردن ناو گورا گناتكاريل لوانگ ليژنى باڵاى دژه گناتكارى ئاشكرايان كرد، ييش نك جوير خوسو بوغزيگ له عبادى، بڵكم لور ئاسايى متمانكردن مللت وه ليوا لێدوانيليگ.
ئنجا لاين موهم ئوسه كه مللت ئهميت وه شيوازيل قداست نين ك زويتر بخشريانه كسايتييل و دور سياسى گورايگ نيشاندان له دوڵت و كاريگرى فراوان داشت له سمود حزبيل كه قودسيت و ئايين جوير منهج ئرا كاريليان وكار تيرن، بڵكم له ئويش دويرتر ئوسه ك مرجع ئايينى خود خوى ئڕاى چى كه ئاشكراى شكست كرد له عراق و ورپرسيارێتى خسته بان گشت حزبيل سياسى و ديداريش ول چن كسيگ گوراى سياسى رتو كرد.
ئرا مسلى جنگ لبان گناتكارى هوجه وه وشدارى نيكيگ، بڵكم هوجه وه پلان كيگ و هوجيش وه قوڵ نيكيگ، بڵكم هوجه وه كردوه كيگ و ييش تكليف نيه، بڵكم واجبه.
لة همان وخت توينيم بويشيم ول ئويشا وجوود پلان و كار و زانستن واجب بسه ئرا رمانن گورا گناتكاريل كه دس له گناتكارى داشتنه كه پۆستت و پلى سياسى يا ئايينييشى هرچى بووگ، چوينكه ئى كاريله گرنگ نيه ئرا هاووڵاتى عراقى كه ئاگاداره لوگ مويسى و فقيريى له هووكار حورمتگرتن زياى سركرديله، كه ئو سركرديليشه تنيا له وخت هڵوژاردن مللت ناسن.س/ حدس