25/01/2018
ئيشراق 665 جار بینراوە
ئى ئديبيل سردم ورق تمام بوى
ئيقاع ژيان وه گورجه فريگو ئالشت بووگ و تقنييل زانستى و تكنۆلۆجى فريگيش وليا ئالشت بووگ و پره سينيگ ئه‌را سردم ئلكترۆنى ساحريگ و وه سورعتيگ و خزمتيگ و جموجويل برهمدار وردومى.
ييش ئوسه كه سردم ئلكترۆنيات رابتيگ مركزيه له هوجيل ژيان و جوير ئوه‌گ توفلر ئمريكى وه شووڕش سێيم تاريفى كرد له شوون هردوگ شووڕش كشتوكاڵى و پيشسازى يك لشوون يك.
سردم رووژنامى ورقيى ها ختر، ليوا خونيم، ئمجا رووژنامى ئلكترۆنى خريكه ركابرى ئى رووژنامى ورقينه كيگ و رويور فراوانيگ له كۆمڵگاييل گرتسه خوى و مركو رووژناميل رووژانيش خريكه وشكو بووگ تا ڕاديگ كه مركويل ئلكترۆنى شوونى بگرێد كه ييش بى بووه تاڕاديگ و ييش بسرييه و فرجار پشت وه وێنه و رويداگ بسيگ.
ئى كاريگرى تازيشه راسى تازيگه كه بايه‌سه بشى بكيم و قبولى بكيم ول گوزركردن سردم وێنه ى رووژنامه‌گرى و رويداگيل وختى كه دويا نيكفيگ، ييش وه مزاحمت ئكيديگ له ميدياييل و كناڵيل ئاسمانى ك وه ترپى چويگ رويداگ ئرا دوينر رسنيگ له سورعتيگ قياسى.
ولێ ئايا بوو مركويل و ورقه لدس ديم؟ ئايا خشخشى رووژنامه له ناونى پنجيلمان لدس ديم؟ ئايا مانشێتيل وه حرفيل گوراى ئالشت بوون ك هووكارى بويمن له خونين رووژنامه؟
له سردم رووژنامى ورقيى ژيايم و شيوازيل ناسرياێ فرى و له ورجه ئيميش نويليگ يك لشوون يك له‌ى سردميله لتى ژيان، كه له‌و وختيله پرووژيل زانستى و تقنى باڵ كيشاوينه بان رووژگار ئرا ئوگ باز وه ژيان بين له تور كشتوكاڵى كه بدائىگورايگ بوى ئرا سردم كار و ئارزوو و پيشسازى و ئاكامگيشى ئالت و چاپمنى و رووژنامى ورقى بوى كه هيمان تائيسيش وسيليگه له وسيليل پيوندى رووژانه وه مردم له گشت شوونيگ و يكيگ بوى له روخساريل رووشنهويرى و ژيارى وڵاتيل.
ولێ سردم رووژنامى ورقى كه هرچنى تقنيات و وسيليل چاپمنى تازيگيش ئراى تيرييگه كار، ول ئويشا حسر بويه هر له هزارى دويم له وختيگو شوورش ئلكترۆنى دركفت وه وسيليل پيوندى جياجيا و ئازاد وبى چوديرى حكومى لور ئوگ سردم رووژنامه له ختر راسكانى بووگ لوردم زحف گورج ئلكترۆنى.
ليرا ژيان گشت چشتيگ كه تييگ، رووشنهويرييش وه گشت ناويلێ بشيگه له ژيان، رووژنامى ورقييش وه تمامى لناو نيچووگ، ولێ دى نيخرييگه ژير دروازيل پاريزريل و دابش نيكرييگ لبان خاننشينيل چايخانيل، چوينكه مۆبايل نموونيگ زينگ گشت چشتيگه.
وارد بدر السالم