20/02/2018
ئيشراق 675 جار بینراوە
شانۆگەريه‌گه‌ى نتانیاهۆ لە میونشن
لە کۆنفرانس ئمساڵ میونشن کە ساڵانە وە بەشداری کەسایەتی و گەورە وەرپرسان وڵاتان جه‌هان وە ئامانج تاوتوێکردن دوخ ئەمنی لە ئەڵمانیا وەڕێوە چووگ شانۆگەرییگ تازه لە لایەن ڕەوت ستەمکار جهانییەوە دوينريا.
سه‌به‌ب وەڕێوەچگن ئى کۆنفرانسە لەو ئاست باڵا و وەو خه‌رج فره‌وه ئەوەسه کە چارەسەريگ ئه‌را قەیرانەيل ئەمنى جهان وە تایبەت لە ناوچەی ڕۆژهەڵات ناوڕاس بوينيگه‌وه نەک ئەوەگ لە لایەن ئەمریکا و ڕژێم زایۆنیستییەوە وەک سەرچاوە و هووکار ڕاستەقینەی قەیرانەيل ئەمنی ئى ناوچە وە شانۆيگ بى ناوەڕۆک سەرقاڵ بکريه‌يگ.
ڕژێم زایۆنیستی لە سەرەتای پێکهێنانییەوە تا ئيسه وە پاشێلکردن مافەيل سەرەتایى فلستينيه‌يل، کوشتن و زه‌خمدارکردن ئنسانه‌يل بێ تاوان وە تایبەت ژنه‌يل و مناڵه‌يل وه بنەڕەت و دامەزرنەر تیرۆر فەرمی ناسرياگه.
ڕژێميگ کە گشت ئه‌و تاوان و کوشتارە تەنیا بە پاڵپشت ئەمریکاوە جيوه‌ەجێ کردگە، لە ساڵان قەیران سوریايش وەردەوام پاڵپشتی گرووپە تیرۆریستییەگان كردگە تا ئى وڵاتە کە وە یەکيگ لە جەمسەرەيل گرنگ بەرەی خه‌بات ناسريه‌يگ وه‌ره‌و كنار رميان و له‌ناوبردن بووه‌يگ.
ئيسه‌يش كه وه ئاماده‌بوين سه‌ربازى روسيا و هاوكارى راوێژكاره‌يل سه‌ربازى ئيران، سوريا له سه‌ركه‌فتتن وه‌رانوه‌ر وه پيلانكارى و تيرۆريسته‌يل نزيكه‌و بووگ، سه‌رۆك وه‌زير وه‌زيره‌يل رژيم زايۆنيستى وه مه‌هانه‌ى بى بنه‌ما پاساو ئه‌را ده‌سدريژيه‌يلى ئه‌را بان ئى وڵاته دوينيگه‌و.
محه‌مه‌د جه‌واد زه‌ريف وه‌زير خارجيه‌ى كۆمار ئسلامى ئيران كه وه كه‌سايه‌تييگ ئاقڵمه‌ند له‌باان ئاست جه‌هان ناسرياگه و جى ريز و حورمه‌ت مه‌ردم جه‌هان و گه‌ورا وه‌رپرسه‌يل وڵاته‌يله، وه جوانى جواو شانۆگه‌ريه‌گه‌ێ نتانياهۆ داره‌وه‌و وه‌رانوه‌ر وه ئاماده‌بويه‌يل كۆنفرانس ميونشن وت: ئيوه ئمڕوو شانۆگه‌رييگ دينه چه‌و.س/ جام كوردى