22/10/2017
ئيشراق 624 جار بینراوە
گفتگوو تنيا چارسره نك شيوانن ميديايى
بارودوخ كركوك جوير شاريگ كيشه دار له ناونى هريم كوردستان و حكومت ناوندى عراق وه تنيا توينيد له رى دانيشتن و گفتگوو چارسر بكرييد.
دوياى ئوگ ك وه گوورى دستوور، حكومت عراق كۆنترۆڵ شار كركوك كرد و هوڵيل وه ئاراستى چارسربوين كيشيل للاين بڕيگ له ئقڵمنديل وردوامه، ولى وه داخوه جنگيگ ميديايى للاين كناڵيل سر وه لاينيگ سياسى وه ئنقز و وه پلانيگ دانرياگ كفتسه هڵمت شيواتت بارودوخ شارگه و توايگ وه هر شيوازيگ بووگ سختى و ئاژاوه دروس بكيگ.
كردويى چن رووژيگ گوزيشت ئو كناڵيله ليوا كردگه كه مترسييگ گورا لبان ئاسايش و سقامگيرى هريم كوردستان و عراق وجوود داشتووگ و وه دڵنياييشو بارودوخ له ئى شيوه خزمت وه وپيكوژيان پيكهاتيل ئى وڵاته رسنێد.
ساڵيليگه پيكهاتيل ناوچيل كيشه دار وه يكو وه گيان برايتى و تبايى ژيان گوزرن و ئگريش حزبيل سياسى واز لليان بارن، ئه‌و هويچ كيشيگ يا گرفتيگ له ناونيان نيكفيگو و هويچ گيچڵيگ روى نييگ.
له شوون ريفراندۆم و نوين پشتگيرى ناوخويى و عراقى و ناوچيى و ناودوڵتى ئرا بڕيار تكلاينى و لاينيگ سياسى بڕيگ حزب نزيك لليان، هوڵيل ئرا شيوانن بارودوخ كوردستان و عراق وردوام بويه و ييش هڵمتيگ واينه له راسييل.
بيگومان دانيشتن و گفتگوو تنيا چارسر كيشه و گرفتيل ناونى هولير و بغداسه و سركردايتى سياسى كورد بايسه هوڵ ئرا چارسركردن ئو كيشيله بييگ نه‌ك ميدياييل ليوا وه ئامانج دروسكردن ئاژاو و بشيوى كار بكن.
ئيسيش كه سرۆك وزيريل عراق و ئنجومن وزيريل هرێم پيشوازى له دانيشتن كردنه، تنيا رى ئارامكردنوى بارودوخگه وسانن ئو هڵمتيل ميديايى چن كناڵيگ دياريكرياگه.
ئو كناڵيله كه خزمت وه مللت كوردستان نيكن و وه چواشوه له ڕى دروسكردن دژمنايتى ول لاينيل ناوخويى كوردستان و حكومت عراقى و وڵاتيل تر، وه تنيا نهامتى ئرا ئو مردمه دروس ئكن. س/ جام كوردى