21/01/2018
ئيشراق 711 جار بینراوە
رۆل حه‌شد له جه‌نگ داعش
ئيمه هميشه باس كرديمنه و وتيمنه دروو نيكه‌م ئگر بويشم حشد ئو ئحساسه دا پيمان كه عراق هيبت و قوتى هاوردو، گشت وڵاتيليش ئحساس كردن ئى وڵاته تيكيگ سائغ نيه و توينيد ورگرى له خاك و مردمى بكيد.
بيگومان كه ئگر حشد نوياتاد عراق گوم بوى، ئى جومله لى رووژيله فره دوباره بوود، بڵى حشد سياج گوران ك نواى ترۆر گرتن له عراق و له جهان، له جياى گشت دوڵتيل جهان جنگ كردن، حشد تنيا نك هر مواجهى ريكخرياگيگ وه چكداريليگ و چكيليگ ئاسايى كرد، بڵكم داعش پيكهات له شماريگ دوڵت له يك ريكخرياگ و چكيانيش له حشدمان زياتر بوى.
له‌يرا داعش سياسه‌ت رخوبردن هاورده كار وه گشت شيويگ و لاينگريليشى وه زوور هاورده كار، تنيا بڕيگ له خاون عقيده ى خراو نه‌ود لليان و بڕيگ له بعسييل و مرتزقيل تر حكومه‌تيل و دوڵه‌تيل خراوكار، ئوانه تيكڵ وه داعش بوين و شانازى وه داعش كردن و سوجده ئراى كردن.
ئگريش خاستر هوير بكه‌يم له‌ى ئانيشه پياويليگ دركفتن، هوير نيانه بازرگانى يا فروشتن و سندن، ئى پياويله فتواى مرجعيت ئايينى جيوجى كردن ك فتوايگ ورگرى بوى لبان خاك و شرف نيشتمان، هر لور ئويش پير و جوان جوور يك ول گشت شنفيل هيزيل امنى يكه‌و گرتن وه فرمان سركردى گشتى هيزيل چكدار كه نزيكى 67 فسيل بوين و گشت جوانى دونيا وڵكردن و لليان بوى بش فريگ له لاشى نمند و وردواميش بوى له ئنتما ئرا حشد و لليانيش بوى خيزانى و كس وكارى ئرا نزيكى ساڵيگ وه چو نه ى و لليانيش بوى وه ئاڵاى شهادت هاورياوه، ئنجا زوورم كسيل سر وه حشد خڵك باشوور عراق بوين، عراقيش بويه سياجيگ قايم ئرا ورگرى له خاك خوى و له جهان.
جوانيليگ له دس دايم خاك لليان رخى چياد و پيريليگيش سفات ئوليا داشتن، هرچنى بوينه قوربانى و له كيسمان چين، ولى ئيمه سركفتيم، جنگيش وه بى قوربانى و ورگرى نيه له وڵاتيگ له خاسترين پيرووزييله، سركفتنيگ گورا لبان خراوترين ريكخرياگيل ناودوڵتى، ئويش وه فه‌زڵ مرجعيت و حشدمان كه نواى ئو دوڵتيله سه‌ر وه داعشه كردن خاك و شرفمان پيس بكن.
ول ئويشا ئو دنگيل نشازيشه خاس ها هويردان ك حشد توهمتبار كردن و چشتيل خراو وه بانيان هڵواسين، ييش هوڵيگ بوى ئرا دوياخستن پيشڕوكردنيان، گشت ئو دنگيليشه شكست هاوردن و حشديش سركفت.
نوري الشطري