02/01/2018
ئيشراق 619 جار بینراوە
كوتايى 2017 و چوڕى ئاشتى جهانى له 2018
پاپ فرانسيس رابر مسيحييل كاتۆليكى جهان له‌ه وتاريگ تايبت خوى شويگ ورجه كريسمس داوا له مردم جهان كرد كه مليۆنها كس ئاواره له شوون و ماواى خويان له هوير نون.
پاپ فرانسيس داوا له زياتر له يه‌ك مليار و 200 مليۆن كاتۆليكى سرانسر جهان كرد كه پيشوازى له پنابريل بيگانه بكن له سرتاسر جهان و هڵسوكفتيگ ئنسانيانه وليانا بكن، پياميگ كه گرينگى فريگ ديريگ جى ستايشه، وڵێم له همان وخت وه هويرخر رويداگ و ئاڵشتكارييل ساڵ 2017ى زايينيه.
ساڵ 2017 رويداگ جوراوجور لتى دوينريا، ساڵيگ كه لتى دوناڵد ترامپ كم ئزموون و خويپرس و رگزپرس له وڵاتيل يكگرتگ ئمريكا رسيه پۆست سرۆكايتى كۆمار ئى وڵاته و ئاڵشتكارييل جهان ورو ديكتاتۆرى و نوين هاوكارى ناودوڵتى برد.
وه گوورى ئويش ساڵ 2017 ساڵ بتوبوين دوڵتيل ناوچگه بويه له ورانور گرووپيل تيرۆريستى وه گشتى و ساڵ بتوتربوين ئيران وه تايبت. ئويش له هلومرجيگ كه‌ه وڵاتيل عربى ناوچگه وه ريككفتنه سربازيگان خويان ول وڵاتيل روژئاوا بشدارى له جنگ دژ ئنسانيانى يمن و هوڵ نزيكبوينوه له رژيم زايۆنى تا راديگ فره پايو روايت خويان لدسدان.
ول ئويشا كۆمار ئسلامى ئيران وه بوونى سياست ميانڕو و داناين پيوندييلى ول وڵاتيل جهان لبان بنماى دپلۆماسى ريز ورانور و هاوكارى، روى وه ڕوى بوينه‌وه‌ى جددى و كاريگرى تيرۆريستيل وه كردوه بويه‌ه هيز يكم ناوچگه.
سياست حكومت كۆمار ئسلامى ئيران هويچ وختيگ لبان بنماى روى وه روى بوينوى ول وڵاتيل ناوچگه و جهان نويه و جوير ئوگ چوين سرۆك كۆمار ئيران له پيام پيروزبايى خوى ئرا مسيحييل جهاند ئاشكرا كرد، برنامو سياست تاران له ساڵ 2018 زايينى ويكوژيان ئاشتيانه وه ئامانج گامناين له رى ئاشتى و دادپرورى و يكسانى و برايتى و ميانڕۆيى و دابينكردن هاكارى خواستيگه له ناونى فكرمنيل و زاناييل و لاينگريل ئايينيل ئاسمانى تا ساڵ 2018 بووگه ساڵيگ پڕ له سركفتن و ئاسووديى ئرا مردم جهان و دوريركفتنيان له جنگ و تون وتيژى.