12/12/2017
ئيشراق 607 جار بینراوە
روى راسكانى ئمريكا
بيس ساڵ ورجه ئيسه كه كۆنگرس ئمريكى پرووژى جيوازكردن باڵويزخانه ى ئى وڵاته ئرا قودس پيروز و ناساننى جور پايتخت رژيم زايۆنيستى پسن كر، سرۆك كۆماريل ئمريكا تواناى وه فرمى ناساندن ئى بڕياره و جيوجيكردنى نياشتنه.
ترامپ له رووژ لدايگبوين پيغمبر ئزيز ئسلام (د . خ)و له بڕياريگ غلت ئى پسنكرياگه ئمزا كرد و له راسى جنگيگ راسوخۆ ول موسڵمانيل جهان ئاشكرا كرد.
بيگومان ئى برياره كه وه چواشى برياريل نتويل يكگرتگه، ئاگر تويڕبوين موسڵمانيل ها شوونى، ئويش لور ئوگ قودس پيروز پيوندى وه گشت موسڵمانيلو ديريگ و كيشى فلستينيش له سفتيگ نتويى – ناوچيى ئالشت بووگ ئرا كيشيگ گوراى جيهانى.
ترامپ وه ئى بريار غڵته كوتايى وه دانيشتنيل وه ناو ئاشتى ول فلستين هاورد و گشت پيڵيل گفتگوو ول سازشكارترين فلستينى رمان.
ئوگ ئرا ترامپ پنا وى برياره برد، لور چن هووكاريگه، ليرا ناويرياگ توايگ روێ راسكانى ئمريكا نيشان بييگ!
شكستيل وردوام ئمريكا له ناوچگه و پويچڵكردنوى پيلانيل ئى وڵاته دژ وه حكومت و مللتيل موسڵمان ناوچگه للاين ئمريكاو رژيم زايۆنستى، له ئاكام كوشك چرمگ رسانه ئوه كه پيلانيگ گورا لبان ئاست جهان جيوجى كيگ.
ئى برياره نيشاندر شيواز هويروكردن شيتانيه له كوشگ چرمگ و بيگومانيش دروازيل دوزخ له روى ئمريكا و رژيم زايۆنيستى واز كيگ.
ناكووكييل ناوخويى رژيم زايۆنيستى و پردپووشكردن گناتكارييل وتايبت ملفيل سرۆك وزيريل ئى رژيمه ئوه خوازێد كه ديد و نوڕستن ناوخويى لى رژيمه وه ئاراستى ديشت ئالشت بكرييگ.
ئمريكييل وى بريار غڵته جنها گام ئرا ئازادى فلستين نانه و چنها ساڵيش هڵوشاننوى رژيم زايۆتيستى هاوردنه نواوه.
ئنجا نك وه تنيا موسڵمانيل جهان، بڵكم لاينگريل تر ئايينى و ئازاديخوازيل جهانيش لى ئى شووڕشه بشدارى كن, هووكار دژايتى ئۆرپايش ول بڕيارگى ترامپ هر ئوسه ك نيتوان هاوڕى ئى بڕياره بوون كه گشت موسلمانيگ هاوردسه دنگ.
قودس هريم ئسلامه له ئيسه كه روێ راسكانى ئمريكا ئاشكرا بويه، توينيك وه دروشم ورگريكردن له قودس پيروز، ئازادى ئى خاك پيروزه مسۆگر بكيم.
محمد كازم انبارلويى