12/11/2017
ئيشراق 610 جار بینراوە
سعوديه و ئاژاوناين دوياى شكستيل وردوام
دوياى دسلكاركيشانوى چسپياگ سعد حريرى سرۆك وزيريل لوبنان له رياز، شيواز تسريح ورپرسيل سعوديه دژ وه ئيران و حزبوڵڵا تونتر بوى. دسلكاركيشانوى حريرى بويه مهانيگ كه سعوديه موجيگ ميديايى دژ وه تهران و حزبوڵڵاى لوبنانى دس وپى بكيگ.
بيجگه ئويش پلامار موشك گرووپيل شوڕشكار يمنى ئرا بان تيارخانيگ له رياز بويه هووكار ئوگ كه ئو پلاماريله تونتر و فراوانتر بوون.
سعوديه ك له چن دوسييگ موهم ناوچگه مندسو، وه مانايگ تر تويش شكست بويه، ئيران وه سبب ئى شكستيله زانيگ و تنانت له ناوڕوك نامى نويسرياگ دسلكاريكيشانوى سعد حريرى ئى تومتيله دژ وه ئيران و حزبوڵڵا دوپات بوينسو.
ليرا پرسيار موهم ئوسه كه ئامانج سعوديه له دسوپيكردن ئى هڵمت ميدياييه دژ وه ئيران چس؟ هلأوسكفت تازى دسڵاتداريل پاشايتى سعوديه چوين خونينوه ئراى كرييگ؟
نوڕستينگ وه بان بارودوخ ئيسه ى ناوچگه ئيجوره نيشان ديگ كه سعوديه تواناى برپاكردن جنگ تاويگ نيريگ، لور ئوگ كه توانى بشداربوين راسوخۆ له چنها جبهه نيريگ، سعوديه ئيسه له يمن رسيسه قوناخ سختيگ و وه هر شيوازيگ هوڵ قورتاربوين له ئى گيژاوه ديگ.
له سوريا و ئرا مرام رمانن دسڵات ياسايى بشار اسد سدان مليار دۆلار ئرا پشتگيرى دارايى و سربازى له گرووپيل تيرۆريستى وه كار هاوردگه، ولى دوينيم كه حكومت ديمشق بتوتر بوى و دسڵات پاشايتى سعوديه نڕسيسه ئامانجيلى.
له عراقيش دوياى هناردكردن تيرۆر و تيرۆريستيل ئرا ئى وڵاته وه ئامانج شكستكردن ئزموون ديموكراسى، سعوديه سركفتگ نوى و له وڵات لوبنانيش تا ئيسه لور وجوود هيزيل سبردار و خباتكار پيلانيل رياز تويش شكست هاتنه.