07/03/2018
ئيشراق 591 جار بینراوە
رووژ جه‌هانى ئافره‌ته‌يل
گشت ساڵێگ له نزيك رووژ 8 مارت، ريكخرياگ ژنه‌يل و حزبه‌يل چه‌پ و خوه‌ى وه‌چه‌پزان و ريكخرياگه‌يل كۆمه‌ڵگاى مه‌ده‌نى، ئه‌را نيشانداين بڕيگ چالاكى ره‌سانن و رووشنهويرى وه‌و بوونه‌وه، كه‌فنه خوه‌يان.
دياره ئى يادكردنه ئه‌هميه‌تيگ نيشانه‌دار ديريگ و ره‌مزيگيشه ئه‌را پيشكه‌فتن كه‌يس ژنه‌يل و بيجگه ئه‌وه‌يش ئه‌و لايه‌نه‌يله چه‌نيگ باوه‌ڕ وه مافه‌يل ره‌واى ژنه‌يل ديرن: راسگوويانه ريز له‌ى ياده گرن يا ديماگووگيانه هه‌ڵسووكه‌فت وه‌ليا كه‌ن.
يه‌يش ئه‌را خوه‌ى تازه‌كردنه‌وه‌ى بانگه‌وازيگ تاريخيه ئه‌را نه‌هيشتن چه‌وساننه‌وه‌ى ئاده‌ميزاد له‌لايه‌ن ئاده‌ميزاده‌وه، كه ئازادى و يه‌كسانى ناونى ئاده‌ميزاد وه خه‌ردوگ ره‌گه‌زه‌وه وه‌رجه‌سه‌ى كه‌يگ و شوون و پله‌ى ژنه‌يل له‌و هاوكيشه كه پله دوو و لايه‌ن چه‌وسياگه ئه‌هميه‌تيگ وه‌رچه‌وتر وه‌پى به‌خشيگ.
لەڕاستی سروشت کەیس ژنه‌يل و واقع کۆمەڵایەتی کۆمەڵگای ئێمە، نە وه رووژيگ يادكردن و نه‌يش وه چه‌ن رووژيگ چالاكى سياسى و رووشنهويرى ئاڵشتكارييگ وه‌رچه‌و نيايگه بانى.
کەڵەکەبوين تاوانەيل جوراوجوور سەرانسەری مێژوو چەوساننەوەی ژنه‌يل، بەرنامەڕیژیی و خەبات بى وچان رووژانەو وەردەوام توايگ، كه خوازيگ وه دريژايى ساڵ و ، له‌بان چەندین ئاست وكه‌يس، ژنه‌يل و پیاوان ئازادیخوازو یەکسانیخواز وەرەو پاکسازيكردن ئەو مێژوو تيه‌ريكى ئاراسته بكه‌يك تا وه‌ديهاتن ئازادانه‌ى ماف برياردان چاره‌نويس ره‌گه‌زيى مرۆيانه ده‌سه‌وه‌ر بكه‌يگ.
لەى نوڕستنه‌و بايه‌سه كه‌يس ژنه‌يل وه‌ك كه‌يسيگ سیاسی و چینایەتی ته‌ماشا بكريه‌يگ و وه پرسيگ بنبڕكردن ئه‌ڵڵاجه‌وى ئاده‌ميزاد و هه‌ڵوه‌شاننه‌وه‌ى خاوه‌ندارێتى تايبه‌ت و كار كراگرته‌وه بوووه‌سيه‌يگه‌وه.
فوئاد قەرەداغی