26/11/2017
ئيشراق 636 جار بینراوە
خزمت وه ئنسانيت
رابر گوراى شوڕش ئسلامى ئيران له جواو نامى ليوا قاسم سلێمانى كه مزگانى كۆتايى دسڵات داعش دا، فرمايش كرد: هڵوشانو و رمانن داعش خزمتيگ گورا وه جهان ئسلام و گشت مللتيل و ئنسانيته.
وه دريژايى چوار ساڵ گوزيشت دياردى داعش كه خونينويگ غڵت و ويرانكرانه بوى له ئسلام و قورئان، وه ئاشكرا و له وردم چو جهان خويان نيشاندان و مردميل بيتاوان كه وه ئاسانى سربڕيان و وه زينگى سزاننيان و دسدريژى كريا بان ژنيل و ئوانگ دسگير كريان.
ئوگ له يادورى ئنسانيت تائيسه له شيواز تون وتيژى له جنگيل مندسو، لاى گرووپيل تكفيرى وه تايبت داعش دوينريا.
داعش وه تنيا ئاشكراكردن دسڵاتيگ له بشيگ له دو وڵات سوريا و عراق نه‌وى، ئوان زياتر لوگ كه داگيرى كردوين خويان نيشان ديان، تنانت له چنها وڵات ئۆرپى ئاست تون وتيژى خويان خستنه روى.
ئوگيش كه ئى بارودوخه ديارديگ سروشتى بوى يا درئنجام و برهم هاوبش دزگاييل هواڵگرى ئه‌مريكا و ئسرائيل و بريتانيا، پرسياريگ كوين و وه چنها جار دوبات بويسو. كه ئمڕوو وه بڵگيگ ئسپاتكرياێ جواو ئى پرسيار ئاشكرا بويه كه داعش برهم ئمريكا بويه.
ئى باوته فره موهمه كه بزانيم راسپارده ى سركى ئى روت رسوا چه بويه؟ داعش و وه زوورمينى تكفيريگان ئوه لبانيان بويه كه رواڵتيگ تر له ئسلام نيشان بين و روتى گلوخواردن ئنسانيت ئرا دوياخرين ئايين ئاسمانى و دويا پيغمبر خودا تويش وسيان بكه‌ن، تاوان گوراتر داعش نيشانداين شيويگ بى رحمان و تون وتيژى و قبوڵ نكرياگ له پێغمبر گوراى ئسلام بوى.
گومانيش لوه نيه كه ئمڕوو سرجم كسايتيل و فكرمنيل جهان كه هڵگر ئايدۆلۆجيا ده‌سكردگان جهان بوين له وارنور هه‌وجى ئاسمانى ئنسانيل تواناى جواودانو نياشتنه. ئسلام و قورئان جواودروى گشت ئيانن و پيغمبر گوراى ئسلام(س . خ) و وه تايبت كلتوور ئال بيت ريزداريان جواودروى هر هوجيگ ئمڕوو ئنسانيتن.