20/11/2017
ئيشراق 624 جار بینراوە
بارودوخ عراق و شيواز بشبشوبوين
ئوانگ باوڕيان ئوسه كه توينن وزعگه له عراق وه شيوى گورجيگ خاسو بكن له سردم تازه چينيگ سياسى برزو بوين و هويچ تجربيگ نيرن له حوكم و دسڵات و هيز خا دسيان و كيشمكيش و ناكوكييش كيان دوڵت خراو كردگه وه تمامى.
ليرا تونيم بويشيمن كه دسڵاتيل و حكومتيل يك لشوون يك له چينيل حزبى دامزريان له ئدارى حوكم، ئويش كه لبان اساس هاوپمانى و محاسسه خراو ك هويچ وختيگ ئعتماد لبان بنما و ستراتيجيت خاسيگ نيكيد و نيريد.
ول ئويشا ئو تجاوزاته كه پشتگيرى دياردى ئستبداد و برزوبوين كوشتن ئازادييل و زفتكردن راى و چشتيل تر كرد، رويورى فراوانتر بوى كه دزيل وه ئازادى لتى جموجويل كن، چوينكه قاعيده ى مردمى راسكانييگ نيريد پشت وپى بوسييد له كشف و مواجهت تاوانبار و كزى كار هواڵگرى.
ئنجا لبان ئو بنمايشه تئسير له دسڵات كريا ول مقيتى له ئداره و دزگاييل له برژوندى ئو حزبيله و حاڵتيگ له تردد و ترس زرع كرد ول رخچگن له روى وه روى بوينوى غڵتيل حكومت، و كتمان هق و چوديرى پياويل دسڵات، هر لور ئويش هر وختيگ وادى هڵوژاردن گشتى له عراق بايد، دوينيد ئى چين سياسيه دس كنه جومليگ مناورات و تكتيكات دروو وه خاتر مومارسى خداع ژير وه ژير يا ئاشكرا ئرا مردم و توان وه ئو كاره له دسڵات بمينن وه هر جووريگ بويه و لوانيش بشبشبوين شكلى ئرا خستن خوڵكوو له چو و تئبين مرگ ئاينده و پايماڵكردن شكست و تواناى پيشكشكردن هويچ مبادريگ نيريد وڵات قورتار بكيد يا دراريدى لو ژانه كفتسه تى و تواناى پيشكشكردن هويچ منجزاتيگ سياسى يا ئابورى يا خزمتگوزارى يا رووشنهويرى نيريد.
بيجگه ئويش حاڵت ئمنييش رويداگيگ بى ناچاريه، هرچنى لايگى خاس كرييد جوور ئوگ وخت فريگ لبانى چيه له جنگ و خوين و مويسى ول دوياكفتن كار ركب حزارى ك گشت حهان ممارسى كن، ييش كزو بويه و هر له شوون خوى مندگه و ناڵنيد وه ده‌س داوزين مستواى سياسى للاى زوورم چين سياسى وه بوونى ممارسات سيه وه تايوتت له سردم بعس، كه ئو حوكمه له 2003 تمام بوى و هاووڵاتى وه ئوميد ژيا ئرا ئوگ ويرانى مجتمع و ژينگه و ئقڵيت خراو خاسو بوود.
ئگر ئيمه دقت خاسيگ بكيم ييش لاوكردن زوورم سياسييل بوى ئرا لاى مصلحت خويان وه بى خاسوكردن زات خويان و گشت دزگاييل رووشنهويرى و ئجتماعى و سربازى و ئابورى و سياسييش ويران كريا و ئاڵشت كريا ئرا پيكهاتيى و تايفى و رىى وه محاسسه دريا عراق ويران بكيد و هويچ عقيد ئجتماعى له ناونى مجتمع و دوڵت نمند و چين تازى سياسى توانايان لدسدان و فكريليان وه دارايى و برژوندى ئالشت بوى و گناتكارى و دزى و رشوه و وازيكردن وه ماڵ گشتى زياى بوى له ساى نوين ياسا و سيستم و ئححساس نيشتمانى بويه چينايتى.
ئيمه تونيم بويشيم كه نوخب دور خاس و موهم ديرن له ئدارى كشفكردن و لناوبردن گناتكارى و راسوكردن شكست حكومى كه هرچنى حجمى بوود يا هر جووريگ بوود، ييش بيجگه ئوگ رووشنهويريل و خاون علميل دور ديرن له رووشنهويركردن مردم و رينمايكردن ئرا پشتگيرى هق و دژايتى ناهق، چوينكه ئى ريه ها وه قوربانى و خسارت و دوياخريش رييگه نجاتبوين له زوڵم و راسوكردن كار حكومت و لناوبردن گناتكار و هاوردن قياداتيگ وه گوورى عدالت و يكسانى وڵات بوونه رييو.
ئگر مردميش تماشاى هق نكردن و نزانستن چوين باريدو و ڕييلى گوم بكيد، ئوه واجب نوخبيل ئوسه ئو رييله ئرايان ئاشكرا بكن تا بتوينن ئو هقيليانه بارنو، له حاڵت تردديش يا واين لو مسوليتيشه يا ئداى دول يكلاكر له ئى مجاله ئوه بايسه لبانمان چوڕى كارسات گواريگ بكيم له مجتمع كفيد و ختر زياتر دروس كيد ول ويراانكردن دوڵت و قيامت تيريده ور چوى.
عبدباالخالق الفلاح