18/03/2018
ئيشراق 592 جار بینراوە
ئه‌مريكا ته‌نيا له‌وه‌ر به‌رژه‌وه‌ندى روێ له ناوچه‌گه كردگه
ھویچ دەوڵەتيگ لە رۆژھەڵات نيه‌تويه‌نيگ وه وينه‌ى دووس مه‌زه‌نه‌ى ئه‌مريكا بكه‌يگ. وه‌ل هاتن سيستم سه‌رمايه‌دارى ئه‌را روژهه‌ڵات، مشه‌خوه‌ريگ گه‌وراهيز وه‌ل خوه‌يا هاورد، ئى گه‌وراهيز مشه‌خوه‌ره جه‌هان رۆژهه‌ڵات وه بازاڕيگ دوينيگ.
به‌عزه جاريگيش له‌ڕێ ئاوه‌دانكردن و بردن نه‌فته‌وه، له هه‌ردوگ ديمه‌گه رۆژهه‌ڵات وه گشت ئشكاليه‌گان ناوخوه‌ييه‌و بووگه بازاڕيگ ئه‌را مشه‌خوه‌ريگ ك زياى له سه‌ده‌يگه تارمايه‌يلى له‌بان گشت ده‌وڵه‌ته‌يل وجوود ديرێگ و له‌وه‌ر خاتر به‌رژه‌وه‌نديه‌يل ئابوورى خوه‌ى وه‌و جووره هويره‌و كه‌يگ ك بايه‌سه هويره‌و بكه‌يگ.
دى بووگ بويشريه‌يگ ئه‌و گوفتاره كووتايى وه‌پى هاتويگ ك وتياگ (ئه‌مريكا رزگاركه‌ره)، ئه‌ويش بايه‌سه بويشيه‌يگ (ئه‌مريكا به‌رژه‌وه‌ندى ديريگ) هاته‌سه شوونى. زوورم ده‌سڵاته‌يل سته‌مكار سه‌ده‌ى بيس و سه‌ده‌ى بيس و يه‌ك پيكهاتنه له‌و ده‌سڵاته‌يله كه مقه‌يه‌تى له به‌رژه‌وه‌نديه‌يل ئى گه‌وراهيزه كردنه.
نه‌خشه كويه‌نه‌گه‌ى رۆژهه‌ڵات، وه‌و مانا(ده‌وڵه‌ته‌يل)وه‌و ئاسانييه ئاڵشتكارى نيايگه بانى، وسيان ئه‌را مقه‌يه‌تيكردن ئى نه‌خشه‌ى كويه‌نه ماناى نائوميدى نيه له ناوچه‌گه، ماناى ره‌سينه‌وه‌س له به‌رژه‌وه‌ندى گه‌وراهيزه‌يل، له‌يرا ماناى ئه‌وه‌سه تا وه‌ختيگ له‌ى به‌رژه‌وه‌نديه‌يله نه‌ڕه‌سيمنه‌وه له نه‌خشه‌يليش نيه‌ڕه‌سيمنه‌و.
هه‌ر له‌وه‌ر ئه‌وه‌يش شيه‌وكردن(ئه‌مريكا رزگاركه‌ره)وه كه‌ڵك ئى سه‌رده‌مه نيايگ و بايه‌سه له‌جياتى ئه‌و شيه‌وكردن كلاسيك بى بنه‌ما، به‌رژه‌وه‌ندى بايگه شوونه‌گه‌ى. دو رويداگ نزيك له ئيسه به‌سن ئه‌را ئه‌وه‌گ بڕه‌سيمنه‌و ك كه‌ره‌سه‌يگيم ئه‌را ئه‌مريكا نه‌ك دووس.
سه‌لمان ئه‌لئه‌مينى