28/01/2018
ئيشراق 645 جار بینراوە
ديموكراسيت گناتكاريل
ئوگ باوڕى ئوسه كه ئيمه له واقعيگ ديموكراسى ژييم، ئوه ماناى ديموكراسيت نازانێد، ئوكيش باوڕى ئوه بووگ كه هڵوژاردنيل پرلمانى دليليگ قاتعه لبانى، ئوه يا نابيناس يا برژوندى لتى ديريگ.
ديموكراسيت وه مانا پاكگى دويره له ئى واقعه كه لتى ژييم له رووژيگو ناوى ژنفتيمنه تائيسه، هر ئقڵداريگيش تدقيق له شيواز رويدايل بكيگ لو كردويل ارهاسه و تناقزاته و چشتيل تر ك رويداگه ئراى دركفيگ ك ئى ديموكراسيت ئيسه چشتيگ نيه بيجگه ئاژاوه و كيشمكيشيگ ك وه دسكرد پيا بويه بان دس جراحيليگ سياسى ئمريكى و لناونيانيش برايمر تا دروو وپى نيشان بين و تزويرى بكن.
ديموكراسيت ليوا وپى كردنه جوير رييگه ئرا هاتگ و رفتنى و ئرا رسين وه مرام شخسى يا ئرا جيوجيكردن برژوندييل يكترى وبى ئوگ عراق بشيگ له ئهتمامى داشتووگ له ساى ئجنداى قرباڵغى له معادلات قانجاز و خسارت.
ئمجا وه گوورى ئى منتق گناتكاره، هر بايسه گناتكاريل واز له كاريل بارن و بايس بوى كيشمكيش نفكردن و كارايگ له ناونيان روێ بياتاگ لبان بشكردن غنيمت خاس وه مهانه و دسپيچگ جياجيا.
ول ئويشا ويل ئرا ئوانگ توان لليان نزيكو بوون وه دافع نيشتمانى راسكانى و لور قورتاركردن وڵات لى كارساته كه هاتسه تويشى، كه ئگر كار ليوا بچووگه رى، ئوه فريگ له‌ه وسف و نعتيل سخت ئامادن ئرا رماننى له حزيرت خيانت يا كافريل وه كمترينن تقدير له حزيريل پياويل رژيم رمياگ.
ئنجا ديموكراسيتيان قودسيت موتڵقيگ ديريگ و ختيل قرمزيگ ديريگ و نبايد تجاوز بكرييگ، ول ئويشا كش و هواى خوى ديريگ كه كسيليگ نيانسنى مگر خاون كرشيل گورا و رسيديل بانكى و ژيانداريل بى ئهميت.
ليرايش توينيم بويشيم ئيمى عراقييل بسمانه كه بژييم ول ئوو همگه ژان و مينتى و خميل و دڵتنگيليمان له كشيگ ديموكراسى تنانت ئگه‌ر ديموكراسيتيگ گناتكاريليش بويه.
انيس الانصاري