18/02/2018
ئيشراق 628 جار بینراوە
ئاينده ها ده‌س ملله‌ت
ئه‌وه كه بريار ده‌يگ كاره‌يل چوين گوزه‌رن و حوكم روێداگ كه‌يگ وه‌ره‌و گشت لايگ و هه‌ر له‌بان مه‌يل ئه‌ويشه گه‌ناته‌كاره‌يل ره‌سن يا خاسكرده‌يل له‌وانه‌گ شه‌راكه‌ت و ريه‌يل په‌ره‌سن وه‌ره‌و ئاينده‌يگ ك گشت كه‌سه‌يليگ ئوميدى كه‌ن له وڵاتيگ كه مه‌ويسى جه‌نگه‌يل و حسار و ديكتاتۆريت يه‌ك له‌شوون يه‌ك روى له‌لى كرد، وه‌لێ هيمان وه‌ل ئه‌وه‌يشا ئشاره‌يل ته‌حه‌دى نيشان ده‌يگ وه‌ل هيز و توانا، هه‌ر له‌وه‌ر ئه‌وه‌يش ئوميد له‌لى نيه‌وڕيه‌يگ وه جموجويل مه‌ردم، چوينكه ئه‌وان هه‌ميشه له سته‌مكار بته‌وترن.
ورسگى سته‌مكاريگ بى به‌زه‌يى و ناڕيك، وه‌لێ ملله‌ت بايه‌سه بكوشيگه‌ى.
فه‌قيرييش ديكتاتۆريگ بوو گه‌نه، ئيمام عه‌لى كوڕ ئه‌بو تالب سڵام له‌لى بووگن وت: ئه‌گه‌ر فه‌قيرى پياويگ بوياتاگ كوشتيامه‌ى. بيبه‌شبوينيش له هه‌قه‌يل فكره‌يگ سته‌مكاريه، يا سه‌ركرده‌يگ سته‌مكار و شه‌ريكه‌يلى دويره‌و خه‌يگ كه بايه‌سه راو بنريه‌يگ.
نه‌فامييش ديكتاتۆره، يه‌يش بيجگه بيكارى و دوياكه‌فتن و تايفى و تونڕه‌وى كوورانه‌و هووزايه‌تى و گه‌ناته‌كارى و زاڵبوين له‌بان فه‌قيره‌يل و بيده‌سڵاته‌يل ك هويچ ده‌سڵات و په‌ناگه‌يگ نه‌يرن و تواناى وه‌رگرى له مه‌زڵوميه‌ت خوه‌يان نه‌يرن و هه‌وه‌جه وه سه‌ركرده‌يليگ وه ئنساف ديرن تا ئنسافيان بكه‌يگ و له خزمه‌ت ملله‌ت بوون و مقه‌يه‌تى له به‌رژه‌وه‌نديه‌يلى بكه‌يك وه‌ل خواسته‌يل ژيانيان.
هه‌ڵوژاردنه‌يل كه ته‌نانه‌ت موغرييش نه‌وگ، وه‌لێ وه‌سيله‌يگه ئه‌را قورتاربوين له روخساره‌يل ناپه‌سه‌ن و قه‌يزه‌وه‌ن، هه‌ر له‌وه‌ر ئه‌وه‌يش قورتاربوين له شه‌ڕخوازه‌يل وه واين له‌ليان ته‌مام نيه‌وگ، به‌ڵكوو وه روى وه‌ڕوى بوينه‌وه‌يان و ده‌نگداين وه ركابه‌ره‌يليان ك ته‌مسيل ديد تازه كه‌ن و فكره‌يل ئازايخواز زياتر ديرن و تواناى ركابه‌رى و چه‌سپانن مه‌رجه‌يل وازى تازه‌ى سياسى ديرن كه په‌يوه‌سه وه ئيراده‌ى مه‌ردم و ده‌سڵات ياساى مقه‌يه‌تيكه‌ر له‌وه‌ر به‌رژه‌وه‌نديه‌يل گشتى.
ملله‌ت بايه‌سه له‌بانى بڕيار روێ ئاينده‌ى خوه‌ى بيه‌يگ و ئه‌و داوه‌ته‌يله پشتگووش بخه‌يگ له‌لى داوڕيه‌ن، چوينكه وازى شه‌ڕخوازانه گام وه‌ره‌و شكه‌ست ناگه، يه‌يش هه‌ق له ده‌نگداين له‌غو نيه‌كه‌يگ، يا نه‌چگن ئه‌را هه‌ڵوژاردنه‌يل كه له‌گشت حاڵه‌ته‌يليگ ئه‌نجام گريگ و ئه‌وانه‌گ له‌تى به‌شدارى كه‌ن كه فرسه‌تيگ ئه‌رايان ئه‌رايان هه‌ڵكه‌فيگ تا ده‌سكه‌فته‌يل تايبه‌تيان جيوه‌جى بكه‌ن، كه وه‌ل ئه‌وه‌يشا شايه‌ت گه‌ناته‌كاريگيش بووگ و شايسته‌ى ئه‌وه نه‌وگ وه‌رپرسيارێتى وه‌ربگريگ كه په‌يوه‌سه وه به‌رژه‌وه‌نديه‌يل گشتى و ئاينده‌و دڵنياكردنيان له‌وه‌گ هانه بان ڕى راس.
هادي جلو مرعي