14/02/2018
ئيشراق 654 جار بینراوە
ئايا خستنه‌خواره‌وه‌ى ته‌ياره‌ى ئێف 16ى ئسرائيلى هاوكيشه‌يل قه‌ڵبه‌و كه‌يگ؟
ئه‌و پرسياره كه خوه‌ى ده‌رخه‌يگ دوياى خستنه‌خواره‌وه‌ى ته‌ياره ئسرائيليه‌گه له‌لايه‌ن هيزه‌يل وه‌رگرى سوريه‌و، ئاياهاوكيشه‌يل كويه‌ن شيونێد له واقع؟ يا هه‌يبه‌ت چه‌ك ئاسمانى ئسرائيلى تويش له‌رزه‌ى گه‌ورايگ هات كه سه‌ركرده‌يل ئسرائيلى پيشبينيى نه‌كردوين؟ ئه‌ويش وه جووريگ كه جاده‌ى ئسرائيلى بنيامين نه‌تانياهۆ تومه‌تبار كردن وه وه‌كارهاوردن جواو سه‌ربازێ ئه‌را هه‌نارده‌ى قه‌يرانه ناوخوه‌يه‌گه‌ێ! يا سه‌ركرديل له سوريا پلان و نه‌خشه‌ى سيناريۆى خستنه‌خواره‌وه‌ى ته‌ياره‌گه دانان وه مقه‌يه‌تى فريگ و ئسرائيل و سه‌ركرده‌يلى خستنه ته‌نگى گه‌ورايگ كه ئاقبه‌تى گه‌ورا بووگ له واقع كيشمه‌كيش عه‌ره‌بى ئسرائيلى؟
خستنه‌خواره‌وه‌ى ئى ته‌ياره‌ى پيشكه‌فتگه ماناى چه ده‌يگ ك ئسرائيليه‌يل وه مواسفاتى شانازى كه‌ن و جوور هيزيگ جواوده‌ره‌وه‌ى ئسرائيلى تاريفى كه‌ن دوياى چه‌كه نه‌وه‌ويه‌گه‌ى، دى ماناى ئه‌وه‌سه خستنه‌خواره‌وه‌ى f 16 ئاماژه وه ئه‌وه كه‌يگ ئى رويداگه ره‌دكه‌ر يا رويداگ سودفه‌يگ نه‌ويه، به‌ڵكوو ئه‌را دروسكردن واقع تازه‌يگ و ئه‌را چه‌سپانن هاوكيشه‌و له‌يه‌كڕه‌سينه‌وه‌يل تازه له‌بان خاك سورى، به‌ڵكوو مه‌ردمانيگيش له‌يوا زاننه‌ى كه روسيا ئشاره‌ت سه‌وز داسه سوريه‌يل ئه‌را خستنه‌خواره‌وه‌ى ته‌ياره‌گه، ئه‌ويش له جياى ئه‌و ته‌ياره‌ى سيخۆ25 روسيه كه له‌لايه‌ن تيرۆريسته‌يله‌و له ئه‌دليب خريا خوار كه باوه‌ڕ ئه‌وه‌سه ئه‌مريكيه‌يل يا ئسرائيليه‌يل چه‌ك ئه‌را خستنه‌خواره‌وه‌ى دانه.
بڕيار ئسرائيل وه فه‌رمى ئه‌را خستنه‌خواره‌وه‌ى ته‌ياره‌گه له‌لايه‌ن هيزه‌يل وه‌رگرى سوريه‌و دوياى ئه‌وه‌گ بنگه‌يل سورى و ئيرانى بوردمان كرد وه گووره‌ى قسه‌ى قسه‌كه‌ر ئسرائيلى، قه‌يران سورى خه‌يگه ريره‌و تازه‌يگ دوياى ئه‌وه‌گ لايه‌ن ئسرائيلى جه‌خت له‌وه كرد كه ئه‌و په‌لاماره له ئه‌نجام جواودانه‌وه‌ى ته‌قه‌يل ته‌ياره بى ته‌ياره‌وانه ئيرانيه‌گه بويه له بواره ئاسمانيه‌گه‌ى له ناوچه‌ى ته‌دمر له سوريا، كه يه‌يش يه‌كه‌مجاره ئسرائيل ده‌س له بنگه‌يل ئيرانى بووه‌شنيگ له سوريا و ئه‌را يه‌كه‌مجاريشه ته‌ياره‌يگ ئسرائيلى له‌لايه‌ن سوريه‌يله‌و بخريه‌يگه خوار.
ئى رويداگه ئاسان و له‌هويربرياگ نيه، به‌ڵكوو شيوازيگه جووريگ له بنماى وازى جيوازى كرد وه‌ل دڵ بڕيگ هاوكيشه‌يل ك باڵ گرتويگه بان ناوچه‌گه وه‌تايبه‌ت له‌بان واقع سورى، ئه‌ويش دوياى ئى جه‌نگ ويرانكه‌ره ك دوژمن تيرۆريستى تازه‌يه‌و كرد وه‌گشت شيوازيگه‌و وه‌ل ئه‌و كرده‌وه‌يله ك بڕيگ له ده‌وڵه‌تيل عه‌ره‌بى و هه‌رێمى گرتنه‌سه‌ى خوه‌يان ئه‌را دريژه‌وكردن عومر ئى جه‌نگ مه‌جنونه. ئى ئاڵشتكارى له‌ناكاويشه رخ خسته دڵ ئسرائيليه‌يل و ئه‌را وساننه‌وه‌ى گرژيه‌يل په‌نا وه روسيه‌يل برد، چوينكه خاس زانست خاوه‌ن بڕياره‌يل ستراتيجى له سوريا سه‌رۆك بۆتينه!
رفعت نافع الكناني