17/12/2017
ئيشراق 695 جار بینراوە
سركفتن چوڕيكرياگمان
دوياجاريش سركفتنه ئه‌منيگمان لبان داعش تاوانكار هاته دى و چوڕى جنگ ئايندمان كيم دژ گناتكارى ئرا هاورنوى مليارها پويل دزرياگ و دسكردن وه پرداين و خزمتكردن هاووڵاتى و دامزرانن دوڵت مدنى وه جووريگ ئعتراف وه تايفى و عونسرى و موحاسسه نكيگ.
هر بايسه ول ويشا ئعتراف وه ئوه بكيم كه جنگ لبان گناتكارى زياتر سخته‌و گيچڵتره له جنگ دژ تيرۆر ئرا داخڵبوين وه بنگه و ئختراق گناتكارى گشت دسڵاتيل و حزبيل و ريكخرياگيل و نقابه و زوورم كسايتييل ناسرياگ وه ئو جوورگ كه مردمانيگ وسفيان كن وه ئوگ رمزيگن يا نزيكن له مرجعيل ئايننى و قيادى و ياسايى و رساننكار و رووشنهوير و ئاسايشى و په‌يوندييش وه مافيات ناخويى و دركييش ديرن و له هويچ رفتاريليگ خراو تردد نيرن ئرا وردوامى نفوزى لور تاڵانكردن و خنستن لبان فقيريل و هلورگرتن له سووز و ئاڵشتكرن ريرويان ورو كيشيليگ سانوى و چو بساننيان تا دوشمن راسكانى خويان نناسن كه وه خوينيان بازرگانى كرد و ئوميديان دزى.
هوجه وه ئوه كرييگ كسيگ قياده ى خاسسازى بگرێده خوى و جنگ لبان گناتكارييش ديد ئاشكرايگه و توانايگه ئرا جياكردنه‌وى رنگيل.
ليرا موسڵح خاس و ئازا وه قسى نرم نيخڵتييد و هووكاريل ئختراقيش لبانى گوزر نيكيگ و بهرجى ئعلامييش ئغراى نيكيگ و قسى منافقيليش و رسمكردن كسيل تر له ڕى نزيكيليگو كاريگرى نيريد لبانيان لو كسيله ك گناتكار جوانو كن و مردم پاك و خاس خراو كن و ستر لبانيان كن.
موسڵح كه ئعتماد لبان ستراتيجيت ئازايگ كيگ ئرا گشت هڵويستيگ ئحتمالات دانيگ و تفاسيل و كرسو ئمزاييليگ ديريگ للى نيترسيگ و رخى له دينسورات نيچوگ كه هرچنى گورايش بووگ و دنگى برز بووگ و سوڵته‌يش داشتووگ، كه جوور سنميل قوريش شكين وه مرجيگ روى وه روييان بويمنو.
هر لور ئويش ئويشيم له ئمڕوو وه دوياو له شوون ئو همگه قوربانييل مللت زوڵمليكرياگمانه، دى قبول نيه رخمان بچووگ و ئوگ كرياو ئنجام دريا دى تازه چى و هر لور ئويش سركفتن چوڕيكرياگمان ئرا قساس له داعشيل گوراى فساد بايسه ورجه بويچگيل بووگ.
د .هاشم حسن التميمي