11/03/2018
ئيشراق 539 جار بینراوە
هه‌ڵوژاردن و تووڕه‌يل كۆمه‌ڵايه‌تى
له هه‌ڵمه‌ت هه‌ڵوژاردن ليست و كانديده‌يل بايه‌سه هه‌ڵويست مه‌ردم له‌وه‌رچه‌و بگريه‌يگ، ئه‌ويش له‌وه‌ر ئه‌وه‌گ تا بتويه‌نن پلان هه‌ڵمه‌ت هه‌ڵوژاردن وه شيوه‌يگ زانستى و كاريگه‌ر پيشكه‌ش بكه‌ن.
له‌يرا هه‌ڵويست مه‌ردم وه‌گشتى دابه‌ش بووگ ئه‌را په‌نج گرووپ:
1- بڕیار بەشداری داگە و دەنگ ئه‌را لیست و كاندیديگ دیاریكرياگە.
2- بڕیار بەشداری داگە و دەنگ ئه‌را لیستيگ دياريكرياگه، وه‌لێ ئه‌را كاندیديگ لیستەكە بڕیار نەياگه.
3- بڕیار بەشداری داگە، وه‌لێ دەنگی ئه‌را هیويچ لیست و كاندیديگ یەكلایی نەكرده‌سەو.
4- دوودڵە لە بەشداری.
5- بڕیار بایكۆت داگە.
بێگومان هەریەك لەم گرووپه‌يله هه‌وه‌جه وه په‌يام تايبه‌ت وه‌خوه‌ى ديريگ و وه شيواز جيا بايه‌سه كاريگه‌رى له‌بانيان دابنريه‌يگ، يه‌يش داوا له كانديده‌يل ئه‌كا هه‌ر ليستيگ ك ئامانجيان گرده‌وكردن فره‌ترين ده‌نگه ئه‌را خوه‌يان و ليسته‌گه‌يان به‌رنامه‌و پلان گونجياگ ئاراسته‌ى هه‌ر گرووپيگ بكه‌ن له وه‌خت هه‌ڵمه‌ت هه‌ڵوژاردن.
وه‌ل ئه‌وه‌يشا بايه‌سه قورسايى هه‌ڵمه‌ت هه‌ڵوژاردنه‌يليان وه نسبه‌ى جياواز ئاراسته‌ى هه‌ر گرووپيك له‌و گرووپه‌يله بكه‌ن ك ئاماژه وه‌پيان كرديم، ئه‌ويش ئه‌را ئه‌وه‌گ فره‌ترين ده‌نگ گرده‌و بكه‌ن وه كه‌مترين وه‌خت.
له دونيا شيواز جياواز وه‌كار تيه‌يگ له هه‌ڵمه‌ت هه‌ڵوژاردن و داناين كاريگه‌رى له‌بان ده‌نگده‌ره‌يل. يه‌كيگ له‌وانه‌يش تووڕه‌يل كۆمه‌ڵايه‌تيه ك فه‌يسبوك و تويته‌ر ناودارترين و كاريگه‌رترينيانن.