27/02/2018
ئيشراق 595 جار بینراوە
گوزه‌يشته‌مان وه‌پيمان ئويشيد په‌يوه‌نديه‌يل وه‌هيزتره‌و بوون
سه‌باره‌ت وه په‌يوه‌ندى ناونى كۆمار ئسلامى ئيران و كورده‌يل عراق وه‌رجه رميان ده‌سلات ديكتاتۆرى سه‌دام، گومان له‌وه نيه كه له‌و سه‌رده‌مه‌و له‌وه‌ر خاتر روى وه‌ڕوى بوينه‌وه‌ى دوژمنيگ هاوبه‌ش، بنه‌ڕه‌ت په‌يوه‌نديه‌يل وه‌هيز ناونى هه‌ردولا دانريا.
ئه‌و په‌يوه‌نديه و وجوود يه‌ك سه‌نگه‌رى خه‌بات له‌و وه‌خته له‌يوا كردگه كه كۆمار ئسلامى ئيران وه چه‌ويگ تره‌و ته‌ماشاى كورده‌يل عراق بكه‌يگ، چه‌و هاوكارى و برايه‌تى، وه چه‌واشه‌ى بڕيگ وڵاته‌يل تر ك له‌سه‌رده‌م رژيم سه‌دام ده‌سه‌برا و هاوكارى ئه‌و ديكتاتۆره بوين دژ وه كورد و هاوبه‌ش ئه‌و تاوانيشه بوين كه له‌و سه‌رده‌مه به‌عسيه‌يل دژ وه كورده‌يل جيوه‌جيى كردنه.
کارنامەی هاوکاریه‌يل کۆمار ئسلامی ئێران ئه‌را کورده‌يل عراق فره ئاشكراسه‌و ئه‌وه‌گ گرينگه ئه‌وه‌سه ك كورده‌يل خۆیان دگان وه‌ى راسيه نه‌ن کە وڵات ئێران هەميشه پەنا و پاڵپشت ئەوان بويە، لە سەردەم کیمیاواران هەڵەبجە، جه‌مڕه‌ويه گه‌وراگه‌ى كورده‌يل، هاوکاریه‌يل دوياى رميان دەسەڵات بەعس و تا ره‌سيگه جه‌نگ دژ وە داعش کە وە وتەی گەورە وەرپرسان کورد، ئێران یەکەم وڵات بويە لە وەرانوەر ئى گرووپ تیرۆریستيه هاوکاریه‌يلى پێشکەش وە حکومەت هەولێر کردگه.
دەیان هەوڵ لاوازکردن ئى پەیوەندیه‌يله لە لایەن وڵاتان تر وەک ئەمریکا و سعودیه جيوەجێ کريا، وه‌لێ هەوڵەيل ئەوان ئەنجاميگ چه‌واشه داشت، لە وەر ئەوەگ کە پەیوەندیه‌يل ناونى تاران و هەولێر پشت وە مێژووييگ دەوڵەمەن به‌سيگ کە ستەمە وە هەوڵ له‌ى جووره‌يگ کاریگەری بنەڕەتیی بكه‌فيگه وه‌رى.
سەردانەگەی نێچیرڤان بارزانی و شاند یاوەری ئه‌را تاران کە وە باوه‌ڕ گەورا شيه‌ه‌وكاره‌يل کورد، وەرەوپێشكه‌فتن زیاتر لە پەیوەندیه‌يل ها شوونى، ڕاستییگ وه گشتلايگ نيشان داگه کە یەکەم، تاران گرنگی وه هەرێم کوردستان لە چوارچێوەی عراق فیدراڵ دەيگ و تەنانەت هەوڵ ناوجيكه‌رى ئه‌وه‌يش داگه‌و وەردەوام بووگ کە بەغدا مافە دەستوورییەگان هەرێم دابین بکه‌يگ.
دويەم ئەوەگ هەولێریش ره‌سيه ئه‌وه کە تاران هێزيگ کاریگەر ناوچەگه‌سه و پڕوپاگەندەی وڵاته‌يل تر هویچ لە ڕۆڵ ئى کاراکتەر گرنگە کەمه‌و نيه‌گه‌يگ. وڵاتێک کە لە جه‌نگ دژ وە تیرۆریسته‌يل داعش لە سوریا و عێراق سەرکەفتگانه داعش لە ڕوی سەربازییەوە وەرەو کۆتایی بردگە.
وە بوونەی ساڵياد سەرکەفتن شۆڕش ئسلامی و ٢٢ ڕێبەندان وەک ڕۆژ نیشتمانی ئێرانیه‌يل، شماره‌ى فره‌يگ لە گەورە وەرپرسان و کەسایەتی حزبی و حکومی لە هەرێم کوردستان سەردان کونسووڵخانەی کۆمار ئسلامی ئێران لە شار هەولێر کردن و لە نزیکەو پیروزبایی ئى بوونه لە گەل و حکومەت ئێران کردن.
لە سەرجەم ئەو ديداره‌يليشه جەخت لە بان گرنگی پيشكه‌فتن په‌يوه‌نديه‌يل ناونى تاران و هەولێر کريایە. يه‌يش نيشانده‌ر ئه‌و گووزه‌يشت و مێژوو دەوڵەمەنه‌سه کە لە په‌يوه‌نديه‌يل ناونى هەر دوو لادا دوينريه‌يگ و هەر ئەوەيش له‌يوا كردگه ئاينده‌يگ ئاشكرا و گەش چه‌وه‌ڕى په‌يوه‌نديه‌يل بكه‌يگ، ئەو ئاينده کە بێگومان ڕۆڵ وەرپرسان و حكمه‌ت کەسایەتیه‌يل سياسى لە تاران و هەولێر له‌تى وه گرينگ دانريه‌يگ.س/جام