07/02/2018
ئيشراق 658 جار بینراوە
سقامگيرى و تنميه وه يكو
له وخت وهويرخستن سێ ساڵ گوزيشت كه هاته بان ئابوورى عراقى، باز ديد ئرا يادورى هڵويستيل و برياريل ئابوورى كه ئمڕوو حكمتى دركفت وه شيويگ تواو، ئويش دوياى ئوگ بشدار بوى له گوزركردن ئو ساڵيل سخته.
له نواى گشتيانيش سياستيل دزگاى بانكى عراقى وه گشتى و بانك ناوندى وه تايبت تييگ له سياق بتوكردن دارايى حكومى له ڕى وه‌كاربردن سنديل حكومى كه هرچنى رخنه‌يل ناوجييگيش گريا كه بانك ناوندى تويشى هات و له رخنكاريليش باس لوه كردن كه كاميان تويننستن تنيا مانگيگ وبى مووچه؟!
زوورم ئو رخنيله بوو سياست للى دركفت و مهانيل ئابوورى وپيو بوى له واقع، مردمانيگيش دخاڵت هاوردنه بان بانك ناوندى له قرزيل وه ئوگ ياساييلى نواگيرى له قرزيل حكومت كيگ ئرا ئستقلاليتى، ييش راسه ك تنيا خود ياسا رى وه بانك ناوندى ديگ قرز ناراسوخۆ بكيگ له ڕى بازار سانوى و ييش رويدا.
ول ئويشا دوياخر بايسه باوڕ وه ئويش نكيد ك ئستقلاليت بانك ناوندى پيوندييگه جوير تڵاق ول حكومه‌ت، به‌لكوو تمسيل توانى ناوندى كيگ لبان ورگرتن بڕياريليگ كه وه گونجياگ دوينيگيان وه بى فشاريل سياسى.
دويم ڕيوشوون كه ئهميتى له يكمين كمتر نيه تمسيل دور تنموى كيگ ك بانك ناوندى داواى كرد له ڕى ده‌سپيشخرى قرزيل پرووژى پيشسازى و كشتوكاڵى و نيشتجيكردن وه بڕ پنج تريليۆن دينار، ييش بيجگه تمويلكردن پرووژيل بويچگ و نيمچه گورا وه بڕ يك تريليۆن دينار، كه هرچنى سركفتن دسپيشخريگه له بواريل پيشسازى و كشتوكاڵى دياريش بوى و لور هووكاريل تر ديشت تواناى لاينيل تمويليه، ولێ ول ئويشا توينيم بويشيم سركفتن دسپيشخرى سكنى وه تنيا بسه ئه‌را ئهميت ئى پرووژه و سرخستنى.
للايگ تريشه‌و، ئى دسپيشخريه شوونوار ناراسوخۆ خاسيگ ديريگ له جيوجيكردن سقامگيرى نرخى كه بانك ناوندى گريگى ئامانج و وزن نسبى ئرا نرخ ماڵيل و ئيجاريش گوراتره له ناونى هووكاريل پيكهاتگ شمارى قياسى ئرا نرخيل له عراق و دوياخريش ئى گامه نيشانى هوشيارى گورايگه للاين ستڵ نقدى له تحفيزكردن پره‌داين و جيوجيكردن سقامگيرى سعرى وه يكو.
د. باسم الابراهيمي