04/03/2018
ئيشراق 674 جار بینراوە
كانديد عراقى و تواناى له‌بان وه‌رگه‌ى وه‌رپرسيارێتى
گشت ره‌وت و حزبه‌يل سياسى و مه‌ردمى ئاماده‌ى خوه‌يان كه‌ن ئه‌را به‌شدارى له مافه‌يل هه‌ڵوژاردن له‌وه‌ر ره‌سمكردن نه‌خشه‌ى ئاينده، كه ئه‌ويش هه‌ڵوژاردنه‌يليگ په‌رله‌مانيه وه‌گووره‌ى ئه‌وه‌گ جيگير كرياگه له ده‌ستوور گشت چوار ساڵ جاريگ.
هه‌ر له‌وه‌ر ئه‌وه‌يش گفتگوو له‌بان هاوپه‌يمانێتى هه‌ڵوژاردنه‌يل و په‌يوه‌نديه‌يل ناونى حزبه‌يل و ره‌وته‌يل جياجيا ده‌سوه‌پيكرد، كه گشتلايگ ئاگادارن له مه‌ترسى و گرينگى ئه‌نجومه‌ن ئاينده‌ى نوێنه‌ره‌يل كه جوور يه‌كيگه له موهمترين په‌رله‌مان له تاريخ عراق و بايه‌سه پێوه‌ره‌يليگ بووگ ئه‌را هه‌ڵوژاردن هه‌ر كانديديگ و ئه‌و پێوه‌ره‌يليشه كه بايه‌سه ده‌سه‌وه‌ر بوون له‌تى ئه‌وه‌سه كه خاوه‌ن ئه‌خلاق بووگ جوور ئه‌وه‌گ په‌يغه‌مبه‌ر سڵام خود له‌خوه‌ى و ئالوبه‌يتى فه‌رمايش كرد «إنما جئت لأتمم مكارم الأخلاق».
يه‌يش بيجگه لايه‌ن رووشنهويرى و ئاگاداربوين له نزيكه‌و له ياسايه‌يل و برياره‌يل ده‌ستوورى و بايه‌سه تواناى ره‌سانن ده‌نگى ئه‌را سه‌ركردايه‌تيه‌يل باڵايش داشتووگ وه به‌ڵگه‌يل مه‌نتقى و بايه‌سه ركابه‌رى هه‌ڵوژاردنيش له چوارچێوه‌ى ركابه‌رى ساقيگ بووگ نه‌ك له‌بان مه‌سه‌له‌ێ مه‌زه‌وى و تايفى.
كانديد بايه‌سه ئحساس مه‌نتقى خاسيگ داشتووگ و سووزدارى له‌بانى زاڵ نه‌وگ، چوينكه ئهتمام ده‌يگه كيشه‌يل ملله‌ت و كۆمه‌ڵگا وه‌گشت چينه‌يليه‌و، وه‌ل ئه‌وه‌يشا بايه‌سه ئحساس نيشتمانييش داشتووگ و په‌يوه‌س بووگ وه ناسنامه‌ى نيشتمانى و وه‌رگريكردن له‌لى.
كه‌س كانديدكرياگ بايه‌سه واقعى و مه‌نتقى بووگ وه قه‌وڵه‌يلى ئه‌را تاكه‌يل كۆمه‌ڵگا و بيوه‌فا ده‌رنه‌چووگ له قه‌وڵه‌يلى و خوه‌ى نه‌يه‌يگ له قاڵب مه‌زه‌وايه‌تى وه‌ل ريز و حورمه‌تمان ئه‌را نه‌رين و ئايينمان و ته‌ماشاى دوير بكه‌يگ له ده‌ور ريادى ئه‌را چگن وه‌ناو ته‌جروبه‌ى ئه‌ندامێتى ئه‌نجومه‌ن نوێنه‌ره‌يل وه‌و جووره‌گ بگونجيه‌يگ وه‌ل پله‌وپايه.
له‌يرا خاستر ئه‌وه‌سه پشت وه كه‌سه‌يليگ بووه‌سيه‌ێگ موور نموونه‌يى داشتوون ته‌نانه‌ت هه‌رچه‌نى تايبه‌تمه‌نديه‌يل ئه‌كاديمييان به‌حت نه‌وگ كه هه‌رچه‌نى خاستريشه بياشتووگه‌ێ، به‌ڵكوو ئى كه‌ه‌سايه‌تيه ئسبات كرده‌وه‌ێ كه‌يگ له‌وه‌خت ئه‌جامداين ئه‌ركه‌يل وه ئازايه‌تى و مه‌هاره‌ت و وجوودى له پرووسه‌ى سياسى و كۆمه‌ڵايه‌تى.
هاووڵاتى وه‌گووره‌ى به‌رژه‌وه‌ندى گشتى بايه‌سه كانديدكرياگ هه‌ڵوژنيگ نه‌ك له‌چوارچيوه‌ى مه‌حسوبيات، ئنجا تنيش ئه‌گه‌ر ده‌سميه‌ت كانديد خاسيگ دايد ماناى ئه‌وه‌سه له‌ڕاسى ده‌سميه‌تده‌ريد ئه‌را دروسكردن سه‌ركرده‌يل كۆمه‌ڵايه‌تى و نيشتمانيه‌يل ئه‌مينيگ له‌بان ئامانجه‌يل.
عبد الخالق الفلاح