17/01/2018
ئيشراق 625 جار بینراوە
لە گرنگی قسيل جناب باڵۆێز
ئيرج مسجدى باڵوێز كۆمار ئسلامى ئيران له عراق وه گووره ى كۆنگريگ رووژنامگرى له شار تاران ئاشكراى كرد كه په‌يوندييل ناونى كۆمار ئسلامى و كورديل عراق تاريخى و فره وه هيزه.
مسجدى وت كه تاران هوڵ ئاساييكردنوى پيوندييل ناونى هولێر و بغدايش داگه، ئويش وه گوورى دابينكردن برژوندييل هردوگلا وه جوورى خاسيگ.
قسيل باڵوێز كۆمار ئسلامى ئيران و وكارهاوردن وشى پيوندى بتو، راسييل تاريخى پيوندييل تاران و كورديل عراق خيگه هويرمان، هردوگلا له سردم دسڵاتدارێتى رژيم بعس رمياگ وه گوورى ئوگ دوژمنيگ هاوبشيان بوى، ساڵانيگ خبات هاوبش دژ وه رژيميگ دڕنده و دژ ئنسان داشتنه كه تونيم بويشيم كه‌متر سركرده و گورا ورپرسيل ئيرانى هن له‌ژير كاريگرى ئو خبات هاوبشه له ئيسه ورانور وه ورپرسيل و لاينيل هرێم كوردستان دستواژى براييل كورد عراق وكار ناريگ.
هر لو سردمه كه وه چك وڵاتيل روژئاوا و وه پشتيوانى ئوان رژيم سدام وه هيز و پڕچككريا و ئو چكيليشه دژ وه كورديل وه كار هاورد جوير بشيگ له نيشتجييل عراق و له ئاكاميش له كردويگ دژ ئنسانى جوير بوردمان كيمياوى هڵبجه وه هزاران كورد بى تاوان كريانه قوربانى.
هر له كۆمار ئسلامى ئيران بوى كه بيجگه كردنوى مرزيل و باوش واز كرد ئرا ليقومياگيل ئى كارساته، كه دور گورايگ له پشتگيرى ئوان نيشاندا. له همان وخت له ڕوى ميدياييشو و له ئو وخته كه تاوانه‌يل سدام سانسۆر كريا، ميدياييل ئيرانى وه هاوكارى نوێنرايتيگان ئى وڵاته له ديشت وڵات دور گرينگ له ناسانن ئى تاوانه داشت وه جهان و رسانن هاوار ليقومياگيل كورديل و هه‌ر ئيسيش بڵگه و ئرشيفيل ئسپات ئو راسييله كن كه كى له وخت تنگى خوى وه برا و پشتگير كورديل عراق زانستگه و ئوانگ كه ئيسه وه دوس كورد ناسرين هر ئوانه بوين كه ريگه ئرا بتوبوين سدام خوش كردن وه ئو چكيله جمكوشه.س/ جام کوردی