31/10/2017
ئيشراق 805 جار بینراوە
چارنويس ئۆرپا لاى فرنسييل
تا رسين وه قوناغ دويم هڵوژاردنيل سرۆكايتى فرنسا له رووژ 7 مانگ مى پيشنيار ئاڵشتكارى گورا كريا، هر لور ئويش هيمان زوى كه ئاهنگ ساز بكرياتاد، ولێ تنانت بيجگه ئويش كه مارى لۆپن كانديد نتوه پرس و پوپۆليست هيمان له گرمى ركابرى بوى، شيگ فرى چوديريل لو باوڕه بوين كه ئمانويل ماكرۆن سركفتگ بوود له قوناغ يكم هڵوژاردن و بووگه سه‌رۆك كۆمار ئاينده فرنسا.
وه سركفتن ماكرۆن، ئۆرپا جاريگتر ريگرى له رميان خوى كرد، سرۆك كۆماريگ جوير لۆپن كۆتايى وه وجوود يكتى ئۆرپا بارێد، جيابوينوى فرنسا له ناوچى يۆرۆ جوير چوين كه لۆپن قه‌وڵ دا، بووگه هووكار هه‌ڵوشانن يه‌كێتى ئۆرپا.
دوياى ئويش جوير دۆمنيگ بازاڕ هاوبش و دامزرياگه سه‌ركيگان وجووديان نيمينيد، وه ييش ئۆرپا كفيده كنار رميان و 60 ساڵ پيشكفتن سياسى و ئابوورى و كۆمڵايتى لناو چووگ.
بيجگه ئيانيش لۆن وت: فرنسا له ريكخرياگ ناتۆ جيا بووگوه و هوڵ پيوه‌ندييگ نزيكتر ول فلاديمير پۆتين سرۆك كۆمار روسيا ديگ، ييش هل ومرج ئمنى ئيسى ئۆرپا تويش مترسى كيگ و شايت بووگه هووكار ترس و دڵڕاوكى سرمايداران و كفتن كيشى كشور ئۆرپا له قيرانيگ دارايى.
ئنجا دوياى قوناغ دويم دنگداين، شايت ئۆرپا له ئى خو مترسيداره مقيتكر بووگ، وه لاين كمو ئه‌را ماويگ يا ئرا پنج ساڵ ئاينده، وه ييش سركرديل ئۆرپا ئرا قورتاربوين له مترسييل ئيسه بايسه له هڵوژاردنيل سرۆكايتى فرنسا درس خواست وربگرن.
يكێتى ئۆرپا دامزرياگيگ گوراس كه نك تنيا وه سه‌ركردايه‌تى هاوبش المانيا – فرنسا و وه هاوكارى ئه‌نداميل تر ورو نوا چووگ، ييش درسيگ گرينگه كه سركردايتى ئۆرپا بايسه له هڵوژاردنيل فرنسا وريبگرن.س/ جام کوردی