26/10/2017
ئيشراق 653 جار بینراوە
لى وزعه بايسه چه بكريگ؟
هريم كوردستان لشوون رميان دسڵات بعس له ساڵ 2003 تائيسه ئونى ئاڵشتكارييل كركوك و ناوچيل كيشه لسر تر روى وه ڕوى وزع نخوازياگ و كيشه و گرفت نويسو، تنانت هڕشه و جنگ داعشيش ئونه كورد و سركردايتى كوردستان نيگران نكرد.
بتوايم يا نتوايم، وه هر شيوازيگ شيوكرن ئراى بكيم، ئى و ئو تومتبار كيم، بويشن پيلان هريمى بويه يا هر مانايگ تر، ئيمه ناوچيگ گرينگ جوير كركوك يا شار ئاڵتوينه سيگه له دسمان چى، ئو شاره كه كرت ئابوورى كوردستان ئايندمان له بان خزينت وزه بنيات نا، ولێ وه خوندنوى هڵيگ ورجه ريفراندۆم و نوين يكڕزى ناوخويى ئى درفته لده‌سدا.
فارسيل ئويشن ئاويگ له جوويگ چى قد گلو نيخويگ، ييش ماناى ئوسه ك ئوگ رويداگه نيوگ دسويخه بويمن و خم لدسچگن بخويم، بڵكم وچواشوه لشوون هر چشتيگ هڵسانويگ هس و كورديش توينيگ لبان سياستيگ حكيمانه و ريزگرتن ورانور دسكفتيل جارانى مسۆگر بكيگ.
ليرا پرسيار ئوسه كه ئايا ئيسه بايسه چه بكريگ؟ كورد چوين مامڵه ول ئى بارودوخ تازه بكيگ؟
با له راسييل ئمروو هريم كوردستان بفاميم. ئيمه چنها ساڵ پۆست سرۆكايتى ديريم و چارسريگ ئراى پيا نكرياگه و پرلمان پكخرياگه، ئو دانيشتنيشه تنيا لور شرعيت بخشين بوى وه ئنجامداين ريفراندۆم بوى.
له ليوا وزعيگ ئگر كورد ناوماڵ خوى ريك بخيگ توينيگ هوير له دانيشتنيگ شفاف بكيگ وه ئاراستى چارسركردن كيشيل ول بغدا و مسۆگربوين مافيل رواى مللت كورد، ولێ ئزمون حوكمڕانى پارتى و يكيتى له هريم كوردستان ئرا رسين وى ئاسته زحمت كردگه، ئايا ئى هردوگ حزبه واز له چسپانن خويان تيرن؟
ئايا هيزيل پێشمرگه له ژير دسڵات حزبييو خرييگه خزمت نيشتمان؟ ئايا داهات و سروت و سامان ئى وڵاته رسيگه تاك و ئايا مافيا و گناتكاريل واز له برژوندى خويان تيرن و ديان پرسيار تر؟
بيگومان ئگر ئيه كريا، ئوه توينيم بويشيم كه كوردستان كفتسه بان ڕى راس و رێ پيشكه‌فتن و گامناين ورو ئاينديگ رووشن، وه چواشى ييش دو ئداريگى جاران چوڕيمان كيگ و وختيل فريگه ئشارتيليشى ئرا مردم هرێم كوردستان دركفتگه. س/ جام کوردی
سروت هلبجيى