25/02/2018
ئيشراق 557 جار بینراوە
ئايا مه‌ردم كويه‌ن ئه‌هوار يه‌كگرتگ بوين؟!
له عراق كويه‌ن، مه‌ردم ئه‌هوار له قاميش مه‌خلوقيگ ئحساسدار دوينستيان، چوينكه ژيانيان وه‌پيه‌و په‌يوه‌س بوى و له‌وه‌ر ئه‌وه‌گ هه‌ر له زوييشه‌و ژيانيان وه‌پيه‌و په‌يوه‌س بوى، باوه‌ڕيان ئه‌وه بوێ ك قاميش سفه‌ته‌يل ئه‌ڵڵاجه‌وێ و خاس و گياندار ديريگ و هيزيگ بته‌و ها له‌تى و تواناى هاوردن چشت ئه‌ڵڵاجه‌وى ديرێگ.
قاميش، ئه‌و كائنه، ئسحاله‌ى فره‌يگ بوى و مه‌ردم كويه‌ن ئه‌هوار جوور ئه‌وه‌گ ئمڕوو باقييان له‌ژيان مه‌ندن، باوه‌ڕيان ئه‌وه‌سه ئى هيز بته‌وه وجوود له‌گشت قاميشيگ ديريگ نه‌ك له ته‌نيا يه‌ك قاميش.
له قاميش سه‌قفيگ ديرنه‌و چيانه ژيريه‌و له وه‌خته‌يل گه‌رم و سه‌ردى، گه‌رمايى و سوزه‌مه‌نى له‌لى كرديانه دێ، وه‌ل ئه‌وه‌يشا شه‌وخه‌ف و برتاڵيش داشتن و له‌و قاميشه ئه‌را خواردن په‌س و پوڵه‌يانيش هاورديانه كار و له ريشگ قاميش خوه‌شترين خوه‌راكيش له‌لى په‌يا كرديان و له‌وانه‌يش "خه‌ريت" ئى شرينى خوه‌شه ك ئه‌گه‌ر هه‌ر يه‌كيگ له‌ليمان وه ريك و پيكى له‌لى بخوه‌ێد هويچ وه‌ختيگ تويش نه‌خوه‌شى شه‌كه‌ر نيايگ!
ئه‌هواريه‌يل له قاميش مۆسيقايگ جوان دينه‌وه، له چوكڵه‌يلێ ئامێره‌يل مۆسيقى دروس كرديان ك ته‌نيا تايبه‌ت بوى وه خوه‌يان و هه‌ر له‌و چوكڵه‌يليش نيشانه‌يل يه‌كه‌م ئه‌را نويسانن دروس كردن.
مه‌ردم ئه‌هوار تائيسه‌يش قسه وه‌ل قاميش كرديان و جوور ئه‌وه‌گ قاميش زووانيان بووگ، هه‌ر له‌وه‌ر ئه‌وه‌يش ئه‌قڵ مه‌ردم كويه‌ن ئه‌هوار ئى هيز سحريه وه ئه‌وه دوينستيان كه له‌گشت قاميشيگ هه‌س ك شه‌وكيان و ئيواران وه‌پى قسه كرديان و شايسته‌ى ئه‌وه بوى بڕه‌سياده خوداوه‌ند سۆمه‌ريه‌يل.
ئه‌را ناويگ ئه‌راێ گه‌رديان، ناوى نان(نيدابا)، و خوداوه‌ند(نيدابا) كه ئحساس جوان دياگه قاميش و هيشتياگه‌ى جوانى داشتووگ وه خوشترين ئاوازه‌يليگ له (دوزه‌له) يا شمشاڵ كه ئه‌هواره‌يل دروسى كرديان.
ئه‌هواريه‌يل كه هويچ دونيايگ بيچگه دونياى خوه‌يان نه‌زانستيان، هه‌ر له فتره‌ته‌و يه‌كگرتگ بوين، جوور ئه‌وه‌گ ئمڕوو هه‌ن و له‌گشت كاره‌يليگ، ناويگ تر نانه قه‌ى خوداوه‌ند قاميش، ناويگ جيا له‌ناو پيرووز خوداوه‌ند په‌روه‌ردگار.
قسه‌يليگ وه‌رجه ئسلام: (نيدابا) ئه‌را گشت قاميشيگ – (نيدابا) خوداوه‌ند قاميش، (نيدابا) خوداوه‌ند قاميش..!
قاسم العجرش