14/03/2018
ئيشراق 548 جار بینراوە
كزى وڵاته‌يل عه‌ره‌بى هان ترامپ دا له‌بان بڕيار جيوازكردن باڵوێزخانه ئه‌را قودس
له‌ڕى هه‌ڵويسته‌يل كز و شه‌رمه‌زارانه‌ى عه‌ره‌بيه‌و ك دوياى ئعلانه‌گه‌ى دوناڵد ترامپ سه‌رۆك ئه‌مريكى ده‌رچى له‌باره‌ى جيوازكردن باڵوێزخانه‌ى سه‌مريكى له ته‌ل ئه‌بيب ئه‌را قودس، ئه‌و ده‌ركه‌فت ك حكومه‌ته‌يل عه‌ره‌بى گرينگى راسكانى وه لێدوانه‌يل ترامپ نه‌يان له‌وه‌خت هه‌ڵمه‌ته‌يل پڕوپاگه‌نده‌گه‌ێ له هه‌ڵوژاردنه‌يل سه‌رۆكايه‌تى ساڵ گوزه‌يشته‌ى ئه‌مريكى.
بڕيگ له‌ى حكومه‌ته‌يله لێدوانه‌يل ترامپ و قه‌وڵه‌يلێ له‌وه‌خته‌يل هه‌ڵوژاردنه‌يل له‌باره‌ى جيوازكردن باڵوێزخانه ئه‌را قودس ته‌نيا وه دعايه‌يگ هه‌ڵوژاردن زاستن له چوارچيوه‌ى رازيكردن لووبى زايۆنى له ئه‌مريكاو لايه‌نه‌يل راس له ئسرائيل.
وه‌لى ئه‌ڵڵاجه‌وێ ها له هه‌ڵويست حكومه‌ته‌يل عه‌ره‌بى ك دوياخر ده‌ركه‌فت وه ته‌مامى ئاگادار بوينه له هه‌ڵويست ترامپ و مه‌يلى ئه‌را جيوه‌جيكردن بڕيار جيوازكردن و دوياخريش ئى حكومه‌ته‌يله ئاماده‌ى روى وه‌ڕوى بوينه‌وه‌ى ئه‌و بڕيار ئه‌مريكيه نه‌وين، به‌ڵكوو ئاماده ئه‌را روى وه‌ڕوێ بوينه‌وه‌ى هه‌ر كاردانه‌وه‌يگ مه‌ردمى و مللى پيشبينيكرياێ بوين وه‌رانوه‌ر ئه‌و برياره.
به‌ڵكوو خراوتريش له‌گشت ئه‌وانه‌يش ئه‌وه بوى ك ده‌زگاييل هه‌واڵگرێ ئسرائيلى ئاشكراى كرد له زانياريه‌يليگ ك روڵ عه‌ره‌بى ده‌مكوت كرودوێد ئه‌را پيلان ئاوڕويه‌به‌ر له‌ى باوه‌ته‌و.
ك له‌ى باوه‌تيشه‌و يسرائيل كاتس وه‌زير هه‌واڵگرى ئسرائيلى ئه‌وه ده‌رخست ك ئعلانه‌گه‌ى ترامپ وه ريككه‌فتن ته‌ماميگ وه‌ل بڕيگ له سه‌ركرده‌يل عه‌ره‌ب ئه‌نجام گرتگه‌و داوايش له‌ليان كردگه به‌شدارى بكه‌ن له كپه‌وكردن تويڕه‌يى ئه‌گه‌ركرياگ فلستينى و نواگيرى له‌ليان بكه‌ن له هه‌ر بڕيار يا گاميگ يا كاردانه‌وه‌يگ له‌بان ئى بڕيار جيوازكردنه.
وه‌ل ئه‌وه‌يشا هه‌ڵويسته‌يل خراو فه‌رمانڕه‌وايه‌يل عه‌ره‌بى به‌شدار بوى له پشتگيرى فيشتر ترامپ له‌ى بواره‌و سه‌رچه‌وه‌يل ئسرائيلييش له زووان وه‌رپرسيگ گه‌وراى ئه‌مريكى ئه‌وه ده‌رخستن ك حكومه‌ت ئه‌مريكى ئحساس وه راحه‌ت فره‌يگ گردگه‌و جوور ئدانه‌يگيش ئدانه‌ى ده‌وڵه‌ته‌يل عه‌ره‌بى كريا له‌باره‌ێ ئى بريار ترامپه.
أحمد القزويني