27/03/2023
وسام ئەبو شمالە
175 جار بینراوە

سیاسەت دەسڵات دویاى دانیشتنەیل شەرەم شێخ و عەقەبەو دەور خواست نیشتمانى

سەربار نەوین ئەجنداى سیاسى لە خستەى کارەیل هەردوگ دانیشتن عەقەبە و شەرەم شێخ، و بەرزبوینەوەى وەتیرەى دوشمنەیل لە کنار خوەرئاوا، و شەهیدبوین زیاتر 24 کەس دویاى ئەو دانیشتنەیلە، وەلێ دەسڵاتەیل فلستینى سەربار رەتەوکردن بەشدارى مەردمى و فەسیلەیل کرد.

دیدار دویەم ئەمنى لە شەرەم شێخ کریا، سەربار شکەست دیدار یەکەم لە عەقەبە، و لایەنەیل بەشدار(ولایەتەیل یەکگرتگ و "ئسرائیل" و دەسڵات فلستینى و مسر و ئوردن) ریککەفتن لەبان سازکردن دانیشتن سێیەم لە مانگ رەمەزان.

لە دیدار شەرەم شێخ، وەرگریکاریگ فلستینى پرووسەیگ قارەمانێتى لە نزیک ئاوایى حوارە جیوەجى کریا، و لەتى سەیارەیگ نیشتەجیکریاگ زایۆنى وەرپرس مەشقداین نیشتەجیکریاگەیل لەبان وەکارهاوردن چەک و گرتنەئامانج هاووڵاتیەیل فلستینى کریا ئامانج و وە سەختى زەخمدار کریا، وەلێ وەرگریکارەگە نواگیرى کرد لە وەئامانجگرتن مناڵەیل کەمپەگە و هاوسەرەگەى، و ئى رویداگیشە کەفتە هویر لە پرووسەى یەکەم حوارە ک لەتى دوو نیشتەجیکریاگ کوشیان لە هەمان وەخت دیدار یەکەم ئەمنى عەقەبە.

لە دەرئەنجام ئەو دیدارەیل شەرەم شێخ و عەقەبە، وەناو وەزیر دارایى زایۆنى بتسلئیل سموتریتش، لێدوانەیلیگ دا، ئمجا لە دویاى دیدار عەقەبە داواى ویرانکردن حوارە کرد، و دویاى دیدار شەرەم شێخیش وت: مللەت فلستینى وجوود نەیرید، یەیش لە ئشارەتیگ ئەرا دید و نوڕستنى سەبارەت وە ریشەکیشکردن لە خاک و لەڕى لەناوبردن و کووچ وەپیکردن.

سەربار نەوین ئەجنداى سیاسى لە خستەى کارەیل هەردوگ دانیشتن عەقەبە و شەرەم شێخ، و بەرزبوینەوەى وەتیرەى دوشمنەیل لە کنار خوەرئاوا، و شەهیدبوین زیاتر 24 کەس دویاى ئەو دانیشتنەیلە، وەلێ دەسڵاتەیل فلستینى سەربار رەتەوکردن بەشدارى مەردمى و فەسیلەیل کرد.

کەرتیگ پان لە بزووتنەوەى فەتح رەتیەو کرد، مەسەلەگەیش ک پەردەو شەرعیەت لاورد لەڕوێ نیشتمانى و مەردمییەوە، لەبان پەیوەسبوین وە دەسڵات وە بەشدارییەوە، و نەهیشتن مەهانەیل ک هاوردیادەى کار ئەرا بەشداریکردن لە دانیشتن دویەم ئەمنى لەلایگ، و وەردەوامى هەماهەنگى ئەمنى و گەردین لەشوون کدرەیل مقاومە لەلایگ ترەوە، وەرەو مەودایگ رەنگدانەوەى ئاست جواودانەوەى بەرزیگ لە ئیرادەى حکومەت فاشیست نەتانیاهۆ ک هەوڵ ئاڵشتکردن دەسڵات دەید ئەرا وەکلیگ ئەمنى لەوەر لەناوبردن مقاومە، ئەویش لە وەرانوەر خزمەتەیل ئابوورى و ئمتیازات، و دویرکەفتنەوە تەنیا لە خستنەڕوى مەسەلەیل سیاسى، لەوانەیش مەسەلەى قودس و نیشتەجیکردن و دیلەیل و دوشمنکارى و باوەتەیل تر.

فەرماندەیى دەسڵات فلستینى ئاگادارە لەوەگ لە حاڵەتیگ کزتر ژیەید، ئەویش لەبان ئاست ناوخوەیى ک شیویاگەو بەشبەشەو بویە، و ململانییگ ناوخوەیى هاتەسە تویشى لەبارەى خلافەت سەرۆکەگەى مەحمود عەباس(88 ساڵان).

ئاگاداریشە لەوەگ نوڕستنى لەبارەى ئاڵشتکاری لە دەسڵاتەوە ئەرا دەوڵەت ویران بوى لەبان کوچگ نیشتەجیکردن و وەیەهوودیکردن و دیوار و دوشمنکارى.

خاسیش زانید کەمترین تاکەیل هیزیش لەدەسداگە، ک تویەنستیاد وەپى دەسکەفتەیل نیشتمانى باریدە دەس، هەرچەنى کەمیش بودد، و تواناى ئەوە نەیرید و ئامادەیش نییە ئەرا وەرگریکردن لە شارەیل کنار خوەرئاوا و کەمپەیلى لە داگیرکارى و دوشمنکارى.

وەل ئەوەیشا مللەت فلستینى و پیکهاتەیل نیشتمانیى و ک زوورمینەى لە بزووتنەوەى فەتحە، ئاگادارە لەوەگ ریڕەو هەماهەنگى ئەمنى خەریکە پەیوەس بوودە بەرژەوەندیەیل کەسى ئەرا جەماعەتەیلیگ بەرژەوەندیخواز لەناو دەڵات فلستینى، و دەرفەتەیل ئاڵشتبوین دەسڵات ئەرا دەوڵەت خەریکە لە سفر نزیکەو بوود.

مەسەلەگەیش لەیرا ئەوەسە ک سەرکردایەتى جیوەجیکار لەناو دەسڵات خەریکە دویرگرتنیگ نیشتمانى و مەردمى وەخوەیەوە دوینید و تیکەڵبوین دەسڵات لە پلانەیل ئەمنى ک خوەى لە دانیشتنەیل عەقەبە و شەرەم شێخ دوینیدەوە خەریکە هەڕەشەیگ ئەرا وەیەکەوەژیان فلستینى دروس کەید.

یەیش لەیوا لەلى کەید کۆمەڵگەى نیشتمانى بگەردیدە شوون ئەو میکانیزمەیلە ک کار و دەور دەسڵات ئاڵشت بکەن و دویر لە هەماهەنگى ئەمنى وەل داگیرکار و لە هەمان وەختیش دەس کەید ئدارەکردن کاروبار حکومى و کاروبار مەدەنیى گشتى.

Copyright © 2017 Eshraqtv all rights reserved Created by AVESTA GROUP