دەرهاویشتەى ئەنجام هەڵوژاردنەیل ئسرائیلى لەبان دیمەن فلستینى
کوتلەى سەرۆک وەزیرەیل وەرین ئسرائیلى بنیامین نەتانیاهۆ، سەرکەفتن یەکلاکەرەوە دژ وەناو کوتلەى گۆڕان وەسەرۆکاتى سەرۆک وەزیرەیل ئیسە یائیر لابید جیوەجى کرد لە پەنجەمین هەڵوژاردن ک ئەنجام دریا لە ماوەى کەمتر لە چوار ساڵ.
وەیەیش کوتلەى نەتانیاهۆ بویە خاوەن 64 کوردسى لە جەم 120 کورسى لە کینیست ئسرائیلى، ک وەگوورەى ئەیەیش حکومەت زوورمینە وە سەرۆکایەتى نەتانیاهۆ دامەزریەید، و حزب زایۆنى ئایینییش وە سەرۆکایەتى ئیتمار بن غەفیر چوودە پاڵ حزب لیکۆد ک داواى کووچ وەپیکردن فلستینیەیل کەید و بەڵکوو لەناوبردنیانیش، یەیش بیجگە حزب شاس ک نوێنەرایەتى یەهوودیەیل ئایینى خورەهەڵاتى کەید، و حزب یەهوودەت هاتورا ک نوێنەرایەتى یەهوودیەیل ئایینى ئەشکانز(خوەرئاوایى)کەید.
هەرچەنى سیاسەت حکومەت لابید لەڕوێ جەوهەرییەوە دیار نییە لەچەو ئەو سیاسەتەیلە ک نەتانیاهۆ و کوتلەگەى دیریدەى وەرانوەر وە مللەت فلستینى و مافەیلى، وەلێ شیواز رەفتار زیاتر ئاشکرا و گوزارشە لە سیاسەتەیل ئسرائیلى.
کوتلەى لابید ک تیکەڵییگ لە حزبەیل گرتەسە خوەى، مقەیەتى لە وتار دبلۆماسى (هەڵخەڵەتانن) کردگە وەرانوەر ریڕەو سیاسى و دەسڵات فلستینى، و لابید باس لە هەڵوەشانەوەى دو دەوڵەت کرد لەبان سەکوو کۆمەڵەى گشتى نەتەوەیل یەکگرتگ، وەبى ئاڵشتکارى لە سیاسەتەیل دوشمنکارى و نیشتەجیکردن و وەیەهوودکردن لەبان خاک.
لە وەرانوەر ئەوەیش، سەرکەفت لە وەرگرتن رەزامەنى ناودەوڵەتى، و حکومەتەگەیشى بەخ داشت لە ئاست بەرزیگ لە شەرعیەت لە ژینگەى ناودەوڵەتى، ک هەرچەنى حکومەت گۆڕان وە سەرۆکایەتى لابید و جیگرەوەگەى نەفتالى بینیت زیاتر لە 200 فلستینى کوشت لە ماوەى کەمتر لە ساڵ و نیمیگ و پەلامار کەرت غەزە دا، و لەسەردەم خوەى شمارەى پەیمانەیى تۆمار کرد لە شمارەیگ لە کەمپەیل نیشتەجیکردن وە هەڵکوتان ئەرا بان حەوشەیل مزگفت ئەقسا، و هویچ دەسکەفتیگ سیاسى هویچ دەسکەفتیگ سیاسى نەیا، مەگەر تەنیا لە روخسارەوە وەبى ناوەڕووک.
گومان ئەوە کریەید ک حکومەت ئایندەى نەتانیاهۆ بتویەنید مقەیەتى لە هەمان ئاست بکەید لە رەزایەتى ناودەوڵەتى، ئەویش لەوەر ئەوەگ گوزارش لە روێ راسەقینەى ئسرائیل کەید وەبى ماکیاج و پاودەرەیلیگ ک جەهان وەپى بخەڵەتنید، ئەویش لەڕى وتار شۆڤێنى ک نەتانیاهۆ و هاوپەیمانەیلى دیرنەى، لەوانەیش حزب ئایینى زایۆنى و بن غەفیر سەرکردەى.
دیارترین ئەو دەرهاویشتەیلە ک دەنگ دەیدەوە لە دیمەن فلستینى دویاى ئەوەگ هاوپەیمان حزبەیل لیکۆد و ئایینى زایۆنى و حریدیم حوکم وەربگرن، وەى جوورە بوود.
- کۆمەڵگاى عەرەبى لە ناوخود فلستین داگیرکریاگ:
لەیرا جەنگ و روێ وەڕوێ بوینەوە لەناونى دەزگایەیل ئاشایش دوشمن و فلستینیەیل لە ناوچەى نەقەب داگیرکریاگ زیاترەوە بوود.
- کنار خوەرئاوا و قودس داگیرکریاگ:
دەسدریژیەیل فرەیگ لە کنار خوەرئاواى داگیرکریاگ کەفیدەوە، وەل کەفتنەوەى زیاتر سەرچەوەى نیشتەجیکردن.
سیاسەت دوشمنکارانەى حکومەت نەتانیاهۆ/ بن غەفیر، بەشدار بوود وەرانوەر وە کنار خوەرئاوا و فلستین داگیرکریاگ، ئەویش تویڕەیى مەردمى زیاترەو کەید و راپەرین چەکدارى زیاترەو کەید و فراوانترەو بوود.
لەلایگ ترەوە، دەرئەنجام هەڵوژاردنەیل ئسرائیلى بایەسە هاندەر بوود ئەرا دەسوەپیکردن وەپیاچگنەوەى گشتگیر حاڵەتەیل فلستینى، و لەوانەیش دەسنیشانکردن ریڕەو سیاسى ک ک سەرکردایەتى دەسڵات فلستینى گرتەسەى خوەى و هەماهەنگى وەل هیزەیل مقاومە.
وەو خاترشە نەتانیاهۆ وە گوورەى تواناى مکوڕ بوود لەبان دویرەوخستن حزب ئایینى زایۆنى لە دروسکردن بریارەیل گرنگ، وەتایبەت بریارەیل سەربازى، و هەوڵ دویرخستنەوەى بن غەفیر دەید لە وەزارەت ئەمن ناوخوەیى یا کەمەوکردن دەسڵاتەیلى لە حاڵەتیگ ئەگەر وەپى دریا.
بیگومان یەیش چەوارشەى زەرەدەیل کەید لە وێنەى دەرەکى دوشمن ک هووکارەگەى ئەنجام هەڵوژاردنەیلە، و ئى مەسەلەیش دەروازەى دەرفەت ئەرا عەرەب و فلستینیەیل کەیدەوە لەوەر خاتر بەشانن ریڕەوەیل ریککەفتن و ئاساییبوینەوە وەل حکومەت ئەبارتهاید، و قەوارەى داگیرکاریى نیشتەجیکردن شۆڤێنى، و هەوڵ لەناوبردن مللەتیگ دەید ک هەزاران ساڵە لەبان خاک خوەى ژیەید.