نیشانەیل بڵاوکردنەوەى ئحداسیەی سەکوو کاریش لەلایەن حزبوڵڵا!

حزبوڵڵاى لوبنانى گرتەیگ ڤیدیۆیى بڵاوکرد و لەتى ئحداسیەى سەکووەیل دراوردن غاز ئاشکرا کرد لە کناراوەیل فلستین داگیرکریاى، و سەر وە دەریاوانى دوشمن ئسرائیلى، و لەوبارەیشەوە ئەمیندار گشتى حزبوڵڵا سەید حەسەن نەسروڵڵا هەڕەشە لە دوشمن کرد وە ئەوەگ توانا دیرید سەکوو کاریش و گشت سەکووەیل تر دوسمن و کەرتەیلى دەریاوانیى بگریدە نیشان لەحاڵەت دراوردن غاز لە ئەیلوول/سپتەمبەر.

ئەو نیشانەو پەیامەیلە چەن ک بڵاوکردنەوەى ئحداسیات دارەى؟

حزبوڵڵا لە پەخشکردن پەیامیگى دوشمن ئسرائیلى کردە نیشان، دەسکردە شیواز هەڕەشە، لە نک هەرەم سەرکردایەتى لە حزب، وە خود سەید نەسروڵلا، ئەویش لە ئشارەتیگ ئەرا دوسمن، ناوەڕووکەگەى جدییە لە هەڕەشە.

هەر لەو چوارچیوەى هەڕەشەداینە، وشەى جەنگ زیاتر لە جاریگ دوبارەوە کریا، بەڵکوو وادەگەیشى باس کریا، ک ئەویش لە ئەسلوول/سپتەمبەر، و پەیوەسکردنى وە نیازەیل دوشمن ئەرا دەسکردن وە دراوردن غاز.

ئى مەسەلەیشە ک باس لە وەخت و شوون کەێد پەیوەس کریا مەزنەکردن هەڵویست دوشمن، وەلێ شوون و مەیدان و توانایەیل جواودانەوە مینێدە بان گامەیل دوشمن لە حاڵەتیگ ئەگەر ئى کارە کەفتەوە، ئەوە دریغى نیەکەێد لەبان مەیدان دەریاوانى، بەڵکوو گشت فلستین داگیرکریاگ گریدەوە وە زەمین و دەریاوە، وەگوورەى ئەو تەسریحەیلە ک سەید نەسروڵلا دارەى.

لە ئەنجامەیل بڵاوکردنەوەى ئى هەرەشەیلە، حزبوڵڵا دەسکردە گامەیلیگ ک لەتى هەڕەشەیلى ئەرا سەرکردەیل دوشمن تەوزیح کریەێد، یەکەمجاریش وە باڵەوداین تەیارەیل بى تەیارەوان وەرەو سەکوو کاریش، و دویەمیش بڵاوکردنەوەى ڤیدیۆ ک لەتى سەکووەیل دوشمن دیاردەێد لە گۆڵ مووشەکەیل مقاومەى لوبنانى.

وەل ئەوەیشا حزبوڵڵا گامەیل تر پیشکەش کرد  وەگوورەى رویداگەیل لەبان ئاست هەڵویستەیل دوشمن و ریڕەو دانیشتنەیل ناڕاسەوخۆ لەبارەى تەرسیم و نەخشەى مەرزەیل دەریاوانى.

 حزبوڵلا هەوڵ لە مەترسیەیل دوشمن کرد وە ئەوەگ تواناى جواودانەوەى هەس لە مەیدان دەریاوانى، یەیش لە کەمترین جواویگەى ئەراى وە بەراورد وە کارەیل تر، لەوانەیش چەک تەیارەوانى، بیجگە دەرئەنجامەیل ئابوورى مەترسیدار لەبان دوشمن ک وەگشتى پشت وە لەبان هاوردە کەێد لەڕى جیوازکردن دەریایى.

لەیرا ڤیدیۆى ئحداسیات کلکریەێد ئەرا لایەنەیل ئەوروپى جوور پەیامیگ گومانکردن لەبارەى توانایى ئسرائیل لەبان ئەوەگ بەدیلیگ لە ناوچەگە تواید دامەزرنێد لەجیاى غاز رووسى، یەیش پەیامیگە ک شایەد لەتى هەماهەنگى بوود لەناونى حزبوڵڵا و روسیا.

وەل ئەوەیشا ئەو گرتەى ڤیدیۆییە پەیامەیل هەواڵگرى و دەروینى و ئعلامى لەتى بەتاڵ نیە، ک جووریگ لە زاڵبوین هەواڵگرى ئەرا مقاومەى لوبنانى لە کناراوەیل فلستین داگیرکریاگ لەتى دوینریەێد، ک یەیش ترس و لەرز لەلاى دوشمن پەیا کەێد و لەیوا لەلى کەێد هویرەو لە دویارە بڵاوکردنەوەى کەرتەیل دەریایى بکەێد.

لە هەمان وەخت یەکیگیشە لە هووکارەیل جەنگ دەروینى ک وەیەکیگ لە وەسیلەیل کیشمەکیش دانریەێد ک وەرج جەنگ وەکار تیەریەێد و لەوەخت جەنگ و تەنانەت لە دویاى جەنگیش.

یەیش لەیوا دیارە ک سەرکردایەتى مقاومە ئاگادارە لە گرنگى کەرەستەیل جەنگ دەروینى لە کاریگەرى لە هوشیارى دوشمن و سوپا و بەرە ناوخوەیەگەى، وەل ئەوەیشا حزبوڵڵا ئاگادارە لەوەگ ک تویەنید ئامانجەیلى جیوەجى بکەێد لەڕى بڵاوردن پەیامەیل وەرپەرچدانەوەى ئعلامى و دەروینى و هەواڵگیرییەوە و لەهەمان وەخت دەسوەپیکردن ئامادەیى جەنگى و مەیدانى و ئامادەیى بەرزى ئەرا روی وەڕوێ بوینەوەى سەربازى.

دوشمن لەى زووان هەڕەشەى حزبوڵڵا ترسیەێد و ترس ئەوەیش دیرید جەنگ وەل حزبوڵڵا بەرپا بوود ک دوشمن لە جەنگ تەمووز/یۆلیۆ 2006 تائیسە هەوڵ دویرەوکەفتن لەلى دەێد و ترسیەێد ئەو دیمەنە ک لەساڵ 2022 دوبارەوە بوود و حزبوڵڵا موفاجئە ئەراى بکەێد و دویاتریش بوودە جەنگ هەرێى فرەلایەنى ک یەیش جەنگیگە دوشمن زویتر نەکردەسە، لە جەنگ تشرین یەکەم/ ئوکتۆبەرەوە لەساڵ 1973.

لەلایگ تریشەوە، پەیامەیل حزبوڵڵا، لەڕى تەیارەیل بى تەیارەوان و بڵاوکردنەوەى ئحداسیات سەکوو غاز دوشمن رەسیەسە گشت لایەنەیل محوەر مقاومە، مەسەلەگەیش ئەوەسە ک یەیش لە ئاست ئامادەیى و ئامادەکارى لەلاى پیکهاتەیل محوەر زیای کەێد ئەرا سیناریۆى وەرنگاربوینەوەى سەربازى.