ئاڵشتکارى ستراتیجى ساڵێگ دویاى جەنگ "سەیف ئەلقودس"
ساڵیگ وەسەر چى لەبان بەرپابوین جەنگ "سەیف ئەلقودس" لەناونى مقاومەى فلستینى و دوشمن ئسرائیلى و کیشەى فلستینیش شایەتیدەر ئەو ئاڵشتکاریەیل ستراتیجیە بوێ ک لەو جەنگە دروس بوێ ک هاوکیشەى تازەیگ لە ململانى وەل دوشمنا دامەزران و نەخشەى شوونەوار قوناغ دویاى "سەیف ئەلقودس" کیشا و لە یەکەم ساڵ دویاى جەنگ دەسکردە خوەى دەرخستن.
گفتگوویگ دریژ لەناونى من و یەکیگ لە دیارترین سەرکردەیل مقاومە لە کەرت غەززە رویدا سەبارەت وە جەنگ "سەیف ئەلقودس" و كاردانەوەیلى لەچوارچیوەى پیشهاتەیل و کاریگەریەیلیگ لە مانگ رەمەزان پیرووز گوزەیشت وەل کیشاننەوەى ئسرائیل بوى لە ریکخستن مەسیرەى ئعلام و ریگریکردن لە نیشتەجیکریاگەیل لە بەرزەوکردن ئاڵاى ئسرائیل لەناو حەوشەیل مزگفت ئەقسا و روێ وەڕوێ بوینەوەى هەوڵ تونڕەوەیل زایۆنى لە جموجویلیگ وەناو"أمناء الهیکل" لە "سەربڕین قوربانى" لە ناو مزگفت ئەقسا و زیایکردن هەوڵ ناوجیوانەیل وەخاتر ریگریکردن لە مقاومە لە جواودانەوەى دەسدریژیەیل داگیرکار.
ئەو سەرکردەى باڵا وتەپیم: ئیسە گشت جەهان ئەرایان دەرکەفت ک مقاومە لە جەنگ "سەیف ئەلقودس" چە کردگە و لەلایەن بڕیگ لە لایەنەیلیشەوە حزبەیل بى ئاگا بوین و حاشا کردیان و ئەڕایان دەرکەفت ک ئیمە سەرکەفتن ئاشکرایگ وەدەس هاوردیم لەبان دوشمن و یەیش بەشدارى لە ئاڵشتکارییە ستراتیجیەگان کەێد و بوودە هووکار شکستیگ سترایجى ک لە هەر روی وەڕوێ بوینەوەیگ لە ئایندە داگیرکار بشکنێد.
دەرئەنجامەیل جەنگ "سەیف ئەلقودس" و کاریگەریەیلى بویە هووکار بڕیگ لە ئاڵشتکاریەیل ستراتیجى لە ژینگەى ململانى وەل دوشمن، لەوانە:
- بەساننەوەى مەیدانەیل جەنگ کار فلستینى و یەکخستنیان ئەرا یەک جەبهەى ناجیا و شکستهاوردن وە دوشمن لە ڕەسین وە مەرامەیلى دویاى جەنگ ک ئەویش جیاکردنەوەى ناونى مەیدانەیل بوێ، دوشمن دگان وە شکست خوەى نا، دویاى شەپۆلیگ لە ئۆپراسیۆنەیل ک روێ کردە کنار روژئاواو قودس و ناوخود فلستین داگیرکریاێ و هەڕەشەى مقاومە لە کەرت غەززە و وەشانن شمارەیگ مووشەک لە غەززە و بەرەى باکوورەوە.
- ئاڵشتبوین مقاومە ئەرا حاڵە گشتى فلستینى و فرەیى جوورەیلى و پشینەى کار تەکلایەنى، ک گشت فلستینییگ تویەنست بڕیار روێ وەڕوێ بویەوەى دوشمن بیەێد وە ئاسانانترین شیوەیگ و دویاى ئەوەیش پلان و جیوەجیکردن پرووسەى سەرکەفتگ فیداکارى وەبى هەوەجەکردن وە خەت ریکخستن هەڕەمەکى، ک یەیش کار هەواڵگرى دوشمن سەختەو کرد و کاریگەرى خراو کردە بان ئاسایش دوشمن لەوەخت بەرپابوین جەنگ و روێ وەڕوێ بوینەوەى سەربازى و هەزاران فلستینى بوونە سەرباز نادیار و لە پشت خەتەیل دوشمنەوە جەنگ کەن.
- ئى جەنگە هوشیارى گشتگیر فلستینى و نەتەوەیى هاوردەوەو متمانە و ئومید بەخشا لە رزگارکردن فلستین و نیگەرانى لەلاى دوشمن دروسکرد و بویە سەدمەیگ ئەراى لە ناتوانایى سوپاى وەرانوەر وە مقاومە لە غەززە، ک یەیش رەخنەیل فرەیگ سوپاى ئسرائیل داگیر لەلى کەفتەوە ک جوور مانگاى پیرووز خوەى زانستیاد و بایەسە دەس لەلى نەدریەێد، وەلێ ئەو جەنگە بویە هووکار شکست سەربازەیل دوشمن و واینیان لە مەیدانەیل جەنگ.
- لەو جەنگ هاووڵاتى خاڵ کز دوشمن ئەراى دەرکەفت ک هەڕەشە لە بەرژەوەندى ستراتیجى و سەربازى و ئابوورى كرد و بەشدار بوى لە پەکخستن پرووژەیلى ک هەوڵ فرەیگ ئەرایان دا و ئەوە بوى وە روخسار ناشرین خوەى نیشان جەهان دا و لە جەنگ ئاشکرا کەفت و شەرعیەتى شکست هاورد و یەیش ناچار دوشمن کرد بژارەیلیگ تر و تونوتیژى کەمتر بگرێدە وەر ئەرا ئەوەگ کاردانەوەى ناودەوڵەتى لە جەنگەیل ئایندە لە دژى نەون.
- شکست سەربازيی ستراتیجی پیلان پەلامارکاریەیل دوشمن لە وەخت جەنگەگە پلانیگ بەرقى و لەڕوێ ئعلامەوە ناسریاێ وە پلان "میترۆ حەماس" بوی ک ئەرا ماوەى 3 ساڵ مەشق لەبانى کرد و لەتى زیاتر لە 60 تەیارە بەشدارى کردن، ك یەیش سەدمەى گەورایگ بوى و بەشبەشبوین دروسکرد لەناو سوپاى داگیرکار و لەیوا کرد سەرۆک ئەرکانەگەى وەرینى غادى ئیزینکۆت بریار بیەێد ک واین مقاومە لە غەززە مەحاڵە.
- ئەو جەنگە جەخت لە تواناى مقاومە کرد لەبان جیوەجیکردن مەرامەیل تەکتیکى وەبى هەوەجەکردن وە بەرپاکردن روێ وەڕوێ بوینەوەى سەربازى و هویچ تەقەکردنیگ، ک مقاومە گشت توانایگ سەربازى خوەى ئامادە کرد ئەرا جەنگ پڕ مەرام ستراتیجى.
- ئەو جەنگە قودس جوور ناویگ مەرکەزى و ئلهامبەخش ئەرا ململانى وەل دوشمن وەرجەسە کرد ک تواناى دەرخستن گشت توانایەیل دیرێد لەبان ئاست تاک و جەم، ک مقاومە پەرە دا محوەر خوەى تا بوودە هاوپەیمانییگ وەناونیشان"قودس محوەرە"و ئەو جەنگیشە هاوکیشەیلیگ لەناونى قودس و پایتەخت دەوڵەتەیل عەرەبى لە لوبنان و عیراق و یەمەن لەلى کەفتەوە.
- جەنگەگە و دەرئەنجامەیلى جورئەت لەى مقاومە زیاتر کرد لە روێ وەڕوێ بوینەوەى دوشمن و جواودانەوەى پەلامارەیلى و پەرەداین وە بنگەیل جەنگ وەلیا و لە هەمان وەخت لە هەماهەنگى و هاوکاریى هاوبەش ناونى مقاومەى فلستینى و محوەر مقاومە"محوەر قودس" زیاێ کرد.
- ئى جەنگە ئەرا گشت لایەنەیلیگ ئاشکراى کرد ک مقاومەى فلستینى سەر نەیزەس لە روێ وەڕوێ بوینەوەى دوشمن و تواناى بڕیار جەنگکردن دیرێد و ئیرادە و تواناى پتەویگ دیرێد لە ئەنجامداین جەنگ دریژماوە وەل دوشمن.
- ئاڵشتکاریەیل دویاى جەنگ " سەیف ئەلقودس " دەوڵەتەیل ئاساییکەر و دەسڵات فلستینى جیا کردەوە و ریەیل و "ریککەفتنەیل ئیبراهیمى" و ناچاریان کرد لەوەردەم مللەتەیلیان و کزیى دوشمن و ناتوانايى لە مقەیەتیکردن دەوڵەتەیل تر ئاشکرا کرد.
جەنگ "سەیف ئەلقودس" وەرچەرخانیگ گرنگ لە تاریخ ململانى وەل دوشمن دروسکرد، یەى ناو ئەلقودس هەڵگرد و شمشیرى بەرزەو کرد لە ڕوێ دوشمن نەتەوە و هیمان شمشیرى بەرزە و مقاومەیش ئاششکراى کرد ک "سەیف ئەلقودس" وەردەوامە تا هاتنەوەى قودس لەژیر دەسڵات داگیرکەرەیلى.