په‌يوه‌ندى مابه‌ين ژينگه‌و زانست ئابوورى
په‌يوه‌ندى مابه‌ين ژينگه‌و علم ئابورى له‌ڕى واجهه‌ى هه‌وه‌جه‌يل به‌شه‌رى جياجياو نووه‌و كرياى وه‌ره‌و به‌رزى و گه‌ردين وه‌رده‌وام له مه‌وجوده‌يل ژينگه‌ى ته‌بيعى ئه‌را ئستغلال مه‌وورده‌يلى وه‌شيوه‌يگ ته‌وليفى جوراوجوور كه نه‌زريه‌ى ئقتصادى پيشنيارى كه‌يد و كاركردن له‌بان چاره‌سه‌ر كيشه‌يل ژينگه‌يى له‌ڕى چشته‌يليگ زه‌ره‌د وه ژينگه نه‌ياشتوود، له‌يوا كرد وه‌ل ئه‌وه‌يشه‌و علم ئقتصاد ژينگه ده‌ربكه‌فيد ك ئشاره‌ت وه ته‌سخير ريڕه‌وه‌يل ئى فكره كه‌يد له وه‌كارهاوردن خاستر ئه‌را مه‌وارد ژينگه‌يى وه‌گشت ديديگه‌و جوور:
1- فراوان له نه‌فكردن.
2- پڕه‌وكردن هه‌وه‌جه‌يل ئنسانى وه كه‌مترين خه‌رج(ئقتصادى و ژينگه‌يى).
3- زه‌مانه‌تكردن ئستغلال ژينگه‌يى ئه‌قڵانيه‌تيگ كه مقه‌يه‌تى له هاوسه‌نگى ژينگه‌يى بكه‌يد.
علم ئقتصاد ژينگه ئشاره‌ت وه تايبه‌تمه‌نى علمى كه‌يد ك روى له يه‌كه‌يل په‌يمانه‌سازى ژينگه‌يى كه‌يد ئه‌را گشت لايه‌نه‌يل نه‌زه‌رى و ته‌حليلى و موحاسبى ئه‌را ژيان ئقتصادى و مه‌راميشى ئه‌وه‌سه مقه‌يه‌تى له هاوسه‌نگيه‌يل ژينگه‌يى بكه‌يد وه جووريگ زه‌مانه‌ت وه‌رده‌وامى په‌ره‌سه‌ندن داشتوود.
له وه‌رايوه‌ر ئه‌وه‌يشه ئايه‌مه‌يليگ هه‌ن مناێ فكر ئقتصادى كه‌ن و به‌شيگ له مه‌سئوليه‌ت خه‌يده بانى له‌و ئاكامه‌يله ك بويه سه‌به‌ب خراوبوين بار ژينگه، ئه‌ويش وه‌و هجه‌ته كه چوارچيوه‌ى ته‌قه‌نيه‌ت به‌رهه‌م و ئستهلاكردن وه‌تاڵان برياگ مه‌وارد ژينگه‌و قودره‌ت سروشتى ده‌رخستگه.
دى وه‌خاتر ئه‌وه‌يش دوينيم ژينگه له نه‌زه‌ر فكر ئقتصادى له‌بان هووكاره‌يل به‌رهه‌م چوارى نيه‌شماريه‌ێد و نمايشكردنى دڵخوه‌شكه‌ر نيه‌و وه‌و خاتريشه هويچ ئه‌رزشيگ نه‌يرێد.
ژينگه‌يش له ئه‌ده‌ب ئقتصادى كاڵايگ يا خزمه‌تيگ نيه سه‌ر وه موڵكيه‌ت تايوه‌تيگ بوود، به‌ڵكم چشتيگه زينگ و گشتلايگ به‌شدارى له نه‌فوه‌رگرتنى كه‌ن.
ئه‌وه‌يش دقه‌ت شيه‌وكردن ئقتصادى له وه‌خته‌يل زه‌مه‌نى كوڵ و نيمچه كوڵيگ جياوه كه‌يد، له وه‌ختيگه ته‌بيعه‌ت كيشه‌يل ژينگه هه‌وه‌جه‌ى قودره‌ت كه‌يد له‌بان ئعتبارناين وه ئاكامه‌يل دريژماوه، هه‌ر له‌وه‌ر يه‌يش دوينيم جياكه‌ر وه‌ختى ناونى سه‌به‌ب و نه‌تيجه له كيشه‌يل ژينگه‌يى شايه‌ت دريژه‌و بوود ئه‌را ده‌يان ساڵ.
د . على حاتم القريشى