13/08/2022
حسنى محەلى
303 جار بینراوە

ئەردۆغان و ئەسەد.. هویچ ئاشتەواییگ نییە مەگەر وە مەرجەیل ئەو!

بڕیگ لەگشت ووشە یا رستەیگ یا گوزارەیگ کە لەلایەن هەر لایەنیگ تورکییەوە دەربچوود و تەنانەت ئەگەر رووژنامەیگ بى ئەهمیەت دڵسووز ئەردۆغانیش بوود، گەشبینییگ فرە دوینێد لە ئەگەرەیل ئاشتەوایى تورکى – سوورى، ک ئەردۆغان لەو وەختەوە رەتیکردەوە ک وەپى وتریەێد پرووسەى ئاستانە، ک لایەنیگ بنەڕەتى و سەرەکى بوى لە رویداگەیل قەیران سوورى لەڕوى ناوخوەیى و دەرەکى و وە ئعتراف هاوبەش رووسى و ئیرانى.

وەل ئەوەیشا ئەردۆغان لایەن گرنتر بوى لە جەم هساوەیل خوەرئاوا وەتایبەت لە سوریا لەوەختیگەو وەناو "وەهار عەرەبى"، و ئەویش وە پشتگیرى لە واشنتۆن و پایتەختەیل خوەرئاوا و رژیمەیل عەرەبى پەیوەندیدار وەل خوەرئاوا، بەڵکوو ئسرائیلیش.

ئى پشتگیرى خوەرئاوا – عەرەبى، و رەزایەت رووسى – ئیرانى بەسە وەنسبەت ئەرا ئەردۆغان ئەرا وەرداومبوینى لە سیاسەتەیل ناسریاگى لە سوریا، باوەڕیشى ئەوەسە ک زوورم مللەت سوریا هان وەلیا، یەیش هەمیشە باسى کەێد و دوبارەیەوە کەێد خوەى و وەزیرەیل لەناونى ماوەیگ و ماوەیگتر، و ئاشکراى کردنە ک تورکیا موراعات کەێد و دەسمیەت 9 ملیۆن سوورى کەێد، 4 ملیۆن لەلیان لە تورکیا و 5 ملیۆنیش لە سوریا.

ئەو خوەى خاس زانێد ک گشت هاوکیشەیگ هەرێمى و ناودەوڵەتى لەوانەیش جەنگ لە ئۆکرانیا و گرژى ناونى چین و ئەمریکا، و وەردەوامى پیلان عەرەبى – ئسرائیلى ئەرا بان سوریا و ئیران، لە بەرژەوەندى خوەى و هساوەیل تایبەتیە لە سوریا، و رەسانەى عیراق و لیبیا و ناوچەى عەرەبى وەگشتى.

هەر لەوەر ئەوەیش بەرژەوەندیەیل هاوبەش و سەخت لەناونى مۆسکۆ و ئەنقەرە، و هساوەیل جیاجیا لەناونى تەهران و ئەنقەرە، و سەرکەفتن ئى دویایینە لە بیدەنگکردن پایتەختەیل عەرەبى لە دژى لەبارەى سوریا، ئەوساو ئیسەیش بەسە وەنسبەت ئەرا ئەردۆغان تا وەردەوام بوود لە هەڵویست وەئەنقەزى لە سوریا، دویاى سەرکەفتنى لە تەکتیکەیل زیرەکى، لە مەوقع وەرگرییەوە جیواز بوى ئەرا پەلامارداین.

ئمجا دویاى ئەوەگ مۆسکۆ و تەهران و لایەنەیل تر فشار خەنە بانى ئەرا پابەندبوین وە قەوڵەیلى لە ریککەفتنەیل سوتشى و مۆسکۆ و لووتکەیل ئیرانى – رووسى – تورکى، و وساننەوەى پشتگیرى لە"ئەلنوسرە"، و خوەیکیشانەوە لەو خاکەیلە ک هیزەیل تورکى زاڵن لەبانى و 9% لە رویوەر سوریا پیک تیەرن، ئەردوغان سەرکەفت لە ئاڵشتکردن ئى هاوکیشە لە بەرژەوەندى خوەى، ئەویش دویاى ئەوەگ هەڕەى مەندنەوە کرد جاریگتر لە باکوور سوریا وە مەهانەى راوناین تیرۆریستەیل، و مەقسەد لەلیان یەکەیل پاسەوان مللەت کورد، باڵ سوریاى پارت کارگەرەیل کوردستان تورکى.

ئەوە بوى مۆسکۆ و تەهران و ئەوانەگ هان وەلیانا داوا لە ئەردۆغان کەن ئیجوورە تەوغلکردنیگ نەکەێد، دویاى ئەوەگ گشت ملەفەیل ئیدلب و پەیوەندى ئەندامێتى ناونى ئەردوغان و فەسەیلەیل چەکدار سوورى فەرامووش کرد ک جەمیەو کرد وەلیا لەژیر پەرچەم وەناو "سوپاى نیشتمانى سوورى"، ک لەئەنقەرە لە ئەیلولسپتەمبەر 2019 دامەزریا، ک هویچ کەسیگ لەناوچەگەو لە دەیشتى و لەوانەیش روسیا و ئیران و پایتەختەیل عەرەبى داوا لە ئەردۆغان نەکرد هیزەیل تورکى لە سوریا بکیشێدەوە(یەیش ئەوەسە ک هەمیشە دوپات کریەێد لە پابەندبوینى وە سەروەخوەیى و سەروەرى و یەکگرتگى خاکەگەى).

هویچ کەسیگ باس لە وجوود مەترسیدار"ئەلنوسرە" نیەکەێد وەل توخمەیل دەرەکى لە ئیدلب و بارودەخ لەتى بویەسە واقعیگ پراکتیکى ک گشتى وەشیوەیگ راسەوخۆ یا ناڕاسەوخۆ ناسریەنەوە و گشت ئەوانەیش بەس بوى ئەرا ئەردۆغان کە سەرکەفتگ بوى لە تونکردنەوەى کۆنترۆڵ خوەى لەبان ئۆپۆزسیۆن سیاسى و چەکدارى و ئاڵشتکردن هاوکیشەیل سوریا و ئویشێد، سەرۆک پۆتن داواى ئاشتەوایى وەل سەرۆک ئەسەد کەێد.

یەیش ئەو چشتەسە ک میدیایەیل تورکیا جارجاریگ وەرەو نوا بەنەى جوور ئەوەگ خوەى تواێدەى وە دەیشت و ناو بویشێد ک ئەسەد خوەى تەسلیمى کردگە و مەرجەیلى ئەرا ئاشتەوایى قەبوڵ کردگە، وەلێ ئەو خوەى رەتیەو کەێد و ئەو کارە بکەێد.

Copyright © 2017 Eshraqtv all rights reserved Created by AVESTA GROUP