25/09/2023
ئەحمەد درزى
188 جار بینراوە

سوریا و چین وشدارى وەردەوامە

ئاشکراسە ک سیاسەتەیل چین وە وشدارییە، وەتایبەت دویاى ئاشکراکردن ئمزاى ریککەفتن هاوبەش ستراتیجى، ک قەوڵنامەى چینى ئەرا مقەیەتیکردن ئاسایش سوریا پتەوتر کەید.

سەردانەگەى سەرۆک بەشار ئەسەد ئەرا چین لە یەکیگ لە سەختترین قۆناغەیل جەنگ سوریا بوى، ک زیاتر لە دوانزە ساڵە وەردەوامە، وەتایبەت لەلایەن ئابوورى سەختەوە، هەرلەیوا فشارەیل لەبان گەوراترین چینەیل سووری، ک 94% تپیەڕکەید، یەیش سەربار ئمزاکردن ریککەفتن هاوبەش ستراتیجى ناونى هەردوگ وڵات، وریایى زاڵ بوى دویاى ئەوەگ سووریەیل هەواڵ ئەو هاوبەشی ستراتیجییە وەپیان رەسى.

سەربار ئەو پەیوەندى کویەن ناونى سوریا و چینە، ئەو پاڵپشتى سوریا ئەرا پەیوەسبوین چین وە نەتەوەیل یەکگرتگ، جیگرەوەى چین لە ساڵ 1049، ریگە وەرەو ژویەر نەگرتە وەر بیجگ لەوەگ لەو ماوە ک لەناونى 1966 ئەرا 1970 دریژەو بوى، دویاى ئەوەگ لە کەمترین مەرز داوەزى، وەتایبەت دویاى جیوەجى نەکردن ریککەفتنتەیل ئمزاکریاگ ناونى هەردوگ وڵات، و نیاز چین ئەرا فراوانکردن پەیوەندیەیل جیاجیا وەل "ئسرائیل"، و پشتبەسانن وە بەندەر حەیفا جوور ناوەندیگ دەریایى لە خوەرهەڵات دەریاى ناوڕاس، وەک جیگرەوەیگ ئەرا بەندەر تەرتوس، ک چین لەڕیگەیەوە ئومیدەوارە بویدە ئەو ناوەندە، وەل چوارەچیوە جوگرافییەگەى.

وەل دەسوەپیکردن جەنگ لە سوریا، پەکین هس وە ئەوە کرد ک ئاسایش وڵاتەگەى ئامانجە، بیجگ لە مۆسکۆ و تەهران ک ئەو سێ پایتەختەن ک وە تونى وەل سوریایا وسیانە، لە هەمان وەخت هس وە ئەوە کرد ک جەنگ سوریا بوودە ئامانج و بوودە هووکار دابەشبوینیگ گەورە، لەڕوێ سیاسى و کۆمەڵایەتییەوە، و پاراستن سوریا، ک گریەیگ جیوپۆلەتیکى پیک تیەرید، و فرە گرنگە لە پرۆژەیل جەهانى، و هەوەجە وە مقەیەتیکردن دیرید لە دەیشتەوە، وە نەداین شەرعیەت ناودەوڵەتى وە دەسدریژى، وە وەکارهاوردن ڤیتۆى خوەى لە ئەنجومەن ئاسایش هەشت جار وەل مۆسکۆ.

باوەتەگە تەنیا پشت وە پاراستن دەرەکى نەوەساوێد، بەڵکوو خواست ئەوە بوى لە ناوەوە مقەیەتى لەلى بکریاتاد، و یەیش تەنیا وە لاوردن مەهانەى خوەرئاوایى، وە ئەنجامداین خاسسازى سیاسى روێ بەید، لەرێگەى ئەوەگ ناو لەلى نا نیشتنەوەیگ نزم، و وەپرسیارێتى یەکەم کەفیدە گەردن دیمەشق ک لە بانەوە ئەرا خوارەوە دەس وەپى بکەید، وەلی کاردانەوەى ئى ئامووژگارییە چین وەپى دڵخوەش نەوى، یەیش لەیوا کرد لە مەلەف سوریا دویرەو بکەفید، و ئەرا پتەوکردن سیاسەت وەردەوام وریایى، و مەرزدارکردن خوەى وە پشتیوانى  سیاسى دەرەکى، و مراجعەتکردن ئەمنى فایلەیل ئیگۆر، ک لە ئاوایەیل باکوور لازقییە، و ئیدلب و ئاوایەیل حەلەب جیگیرن.

دویاین گامەیل چین، وە داوەتکردن بەشار ئەسەد، سەرۆک کۆمار سوریا ئەرا بەشداریکردن لە وازیەیل ئاسیایى، لەژیر رووشنایى تونبوینەوەى ململانى ناودەوڵەتى بوى لەبان هەیکەڵ ئەو ئەو رژیمە ک بڕیارە ئاڵشت بکریەید، هەرلەیوا گرنگی جیۆپۆلەتیکی سوریا لە ناوچەی خوەرئاوای ئاسیا، وە تایبەت دویای ئمزاکردن پڕووژەی “ئیسرائیلی” ئەمریکی، ک کار کەید ئەرا پەیوەسکردنى، لەریگەى وشکانى و دەریاییەوە، لە ناونى هندستانن ئیمارات، سعودیە، ئوردن، "ئسرائیل"، قوبرس و وڵاتەیل یەکێتى ئەوروپا، وەل هەڕەشەى ئەوە ک گەورایى لەلى خوڕید ئەرا پرووژەى دەسپیشخەرى و شاڵ و ریگە، و وەردەوامى فشارەیل ئەمریکا لەبان "ئسرائیل" وە مەرام ریگریکردن لە چین لە وەرهاوردن لە بەندەر حەیفا.

Copyright © 2017 Eshraqtv all rights reserved Created by AVESTA GROUP