دویا وتار"خوداحافیزى"!
وتار سەرۆک فلستینى مەحمود عەباس ک خوەنستەوەى لە کۆمەڵەى گشتى نەتەوەیل یەکگرتگ"مێزەگە قەڵبەو نەکرد"، وەلێ هاتنەوەى شەرمەزارییگ گرتە خوەى ئەرا بەغزیگ ناوچەى حەرام ک دەسڵات فلستینى واز لەلى هاورد لە مەوقەى ئمزاکردن ریککەفتنەیل ئۆسلۆ لە ئەیلول(سپتەمبەر)ساڵ 1993، ک شایەد کەمیگ لە لەهجەگە ئاڵشتکرد، وەلێ عبرەت هەمیشە وە کردەوە مینید، رووژ دویاتر و جیوەجیکردن لەبان خاک، ئەوەسە ک دویریەو خەیم وە نورستن ئەرا ئەزموونەیلمان وەل وتارەیل سەرۆک وەرین، و بریارەیل هەردوگ ئەنجومەن ناوەندى نیشتمانى فلستینى ک لەپشتى بوى، و باوەڕمان ئەوە بوى هەڵەیم ک گشت هاوسەنگییش ئاڵشت کەید و مەسەلەگە خەیدەوە بان ریگەى دروس.
شمارەیگ ویستگەى سەرەکى و تازە هەن، دەرکەفت لە وتار سەرۆک عەباس ک ئاڵشتکارى نەزەرى گرنگى دەرخەن و بایەسە تەفرنجیان بیەیم لەوەر هەوڵیگ ئەرا خوەندنەوەى ئایندە:
یەکەم: پەیوەسبوین وە رینمایى ئەلهاشمى لەبان پیرووزیەیل ئسلامى و مەسیحیەت لە شار قودس داگیرکریاگ، یەیش یەکەمجارە سەرۆک فلستینى و ریکخریاگ رزگاریخواز وەى رینمایەیلە پابەند بوون، و جوور ئى چەشنە تەوزیحکردنیشە لەبان سەکوو ناودەوڵەتى، ئەى چە رویدا؟
دویەم: داواکارى ئەرا جیوەجیکردن هەردوگ بڕیار نەتەوەیل یەکگرتگ شمارە 181(دابەشکردن)و شمارە 194(ماف گلەوخواردن دەسوەجى ئەرا فلستینیەیل)، دویاى فەرامووشکردنیگ وەئەنقەز ئەرا ماوەى سى ساڵ گوزەیشت.
سێیەم: جەخت لەوە کە "ئسرائیل" دەوڵەتیگ فەسڵ رەگەزییە، و پرسیار کریەید: ئەراچە کۆمەڵگاى ناودەوڵەتى سزاى نیەید؟ مەسەلەگە لەورا بوى، ئەرا ئامادەیى دەسوەجى ئەرا دانیشتن وەلیا؟
چوارەم: جەختکردنەوەى لەبان ریککەفتنەیل ئۆسلۆ راس نییە لەبان زەوى واقع وە هووکار ناپەندبوینى "ئسرائیل" وەپى، و پاشیلکردن فرەیگ لە خاکەیل داگیرکریاگ، یەیش وە کردەیى ماناى هەڵوەشانەوەى دەسڵاتە ک لەبانى بنەماى دامەزریا، ئەى دى ئەراچە وە ئاشکرا باسى نیەکەید و خوەیشى هەڕەشە وەپى کرد لە "وتار مووڵەت" ک وتەى لەبان هەمان سەکوو لەساڵ گوزەیشت؟
پەنجم: هەڕەشە وە گەردین لەشوون وەسیلەیل تر ئەرا وەرگرتن ماف فلستینیەیل، چوینکە بڕیاریگ لە بریارەیل نەتەوەیل یەکگرتگ جیوەجى نەکردگە، وەلێ نارەەشناییگ زیاى کرد لەبان ئى هەڕەشە مەوقەى جەخت لەوە کرد ک روێ لە وەکارهاوردن چەک نیەکەید، و نەیش تون وتیژى، و قەوڵیش دا روێ وەڕوێ تیرۆر بوودەوە وەل کۆمەڵگاى ناودەوڵەتى و داوایش کرد مقەیەتى بکریەێد.
شەشەم: چگن ئەرا دادگاى تاوانەیل ناودەوڵەتى ئەرا دادگاییکردن تاوانبارەیل جەنگ ئسرائیلى ک کوشتار دەهەق وە مللەت فلستینى ئەنجام دان و هیمانیش وەردەوامن ، و پرسیاریش تاکەى؟
هەفتەم: پیشکەشکردن داواکاریى ئەندامێتى تەواویگ ئەرا دەوڵەت فلستین لە نەتەوەیل یەکگرتگ و ریکخریاگەیلى، لە تەحەدایگ ئاشکرا ئەرا داواکاریەیل ئەمریکى و ئسرائیلى ک رى لەبان ئى گامە نەکەن.
شایەد یەیش وتار"خوداحافیزى" بود ئەرا سەرۆک عەباس، و قویلترین گوزارش بووى لەى جوورە لەبان حاڵەت شکست و نائومیدییگ ک لەتى ژیەید، و پیشکەشکردن"عەرزەحاڵ"یگ ئەرا کۆمەڵگاى ناودەوڵەتى لەبان سەکوو کۆمەڵەى گشتى، و سەربار تومەتبارکردنى وە گرتنەوەر دو پەیمانەیى جیوەجى نیەود مەوقەى ک بریارەیل پەیوەسن وە تەلئەبیب، وەلێ وتارەگە پڕ بوى لە درز و کەلین، و نیەکەفیدە ئاست بارودوخ شکستەوە ک سەرۆک و مللەتەگەى و دەسڵاتەگەی لەتى ژیەید لەئەنجام شکست گرەوەیلی لەبان ئاشتى وەل هاوبەشە ئسرائیلیەگانى، و پیشکەشکردن بەدیل جیا و کردەیى، و گلەوخواردن ئەرا مقاومەى داگیرکارى وەگشت شیوازەیلى، هاوشیوەى ئەوەگ سەرۆک یاسر عەرەفات کردەى دویاى رەسینى لەوەختەیل دیریگ ئەرا هەمان ئەنجام دویاى دانیشتنەیل کامپ دەیڤد فلستینى و تواس لەڕى گلەوخواردنى ئەرا مقاومە و راپەڕین چەکدارى قورتار فرەیگ لە سومعەت و میرات و تەوبە لە گوناهەیلى بکەید. وەل وازهاوردنى لە ریککەفتنەیل ئۆسلۆ، ک یەیش لەیوا لە ئسرائیلیەیل کرد تیرۆرى بکەن.
سەرۆک عەباس لە وتارەگەى مقاومە وە تیرۆر گوزارش کرد، مەوقەى ک قەوڵدا روى وەڕوێ بوودەوە وەل کۆمەڵگاى ناودەوڵەتى، و قەوڵدا روێ لە چەک و تون وتیژى نەکەید، یەیش خەیدەمان وەردەم پرسیاریگى: چەن ئەو بەدیلەیلە ک گەردیدە شوونى ئەرا وەرگرتن ماف فلستینیەیل دویاى شکست بژاردەى دانیشتن ئۆسلەوى لەحاڵەت شکست گشت بژاردەیل تر ک گشت مللەتەیل داگیرکریاگ لەبان ریگەى گام نان؟
ئەوەگ رویداو روێ دەید لە نابلس و جونەین وەرجە رووژەیلیگ لە قایلبوین هیزەیل ئەمنى فلستینى وە مەرجەیل ئملائەیل ئسرائیلى، و دەسگیرکردن راونریاگەیل و مقاومەکارەیل و دەسگیر بڕیگ لەلیان، زوورم ئەو باسەیلە ک لەوتارەگەى عەباس هات تائیسە تەقنیدەوە، ئمجا هەڵوەشانەوەى هەماهەنگى ئەمنى وتەى جیاکەریگە، و ریگەداینە وە گلەوخواردن یا وەچەواشەوە ئەرا داوڕیان لە رامەڵڵا و یەیش پێوەرە ئەرا پەیمانەى جدییەت پەیامەگەى و چوینیتى سووزداریى دەوڵەت داگیرکار وەلیا.
هەڕەشەیل سەرۆک عەباس ک وارد وتارەیلیە، وەبى چنگڕ و دگان هات، و شایەد لەوەیش زیاتر نەود لەوەر ئەوەگ هاوار ژانیگە لە بازاڕ عوکاز ناونەتەوەیى، و ئومیدەواریم وە هەڵە نەچویم.