16/08/2023
عیماد ئەلحەتەبە
168 جار بینراوە

جەنگ کەفتەوە

لەو سەردەمەوە جەنگ فرە بویە و وەچەواشەى خواستەیلمان زوورمیان لە دژ وڵاتەگەمان رویدانە و زوورم قوربانیەیلیش لەناو برایەیلمان بوین و تەنانەت بڕیگ لەوانەیش ک رووژگاریگ وەل ئیمە وازى کردنە لە قوربانیەیل ئەو جەنگەیلە بوین.

وازییگ ک لەسەردەم مناڵى ئەنجامى دەیم، بازنەیگ کیشایم و دابەشى کردیایم لەبان سێگووشە، و لە هەر سێگووشەیگ ناوى وڵاتیگ نویسایم، و یەکیگ لە ئیمەیش ئویشید جەنگەگە رویداگە و ناو وڵاتەگە تیەرید، هەر لەوەر ئەویەش گشتیان تاو دەن و ئەوەگ لە سێگووشەى ئەو وڵاتە وسیاگە مینیدەوە و هاوار کەید بوسیە بایەسە مەسافەى ناونى یەکیگ لە وازیزانەیل وە شمارەى گامەیل مەزەنە بکریەید، وازیزانەگە دانەید. فرەجاریش هەڵوژاردنەگە کەفتە بان فلستین و ئەمریکا، چوینکە ئومید خواستیم جەنگەگە لە فلستین روێ بەید ئەرا رزگارکردنى، یا لە ئەمریکا ئەرا شکستى.

لە سەرەتاى سەروەخوەیى لەتلەتکریاگ وڵاتەگەمانەوە، ئەزرەتەیل فرەیگ داشتیایم، چوینکە وە گوورەى پرووژەى کۆلۆنیالیزمەیل بوى، لەدژ هەر پرووژەیگ ک هەوڵ روێ وەڕوێ بوینەوەى میرات کۆلۆنیالیزم و پەسەنکردن بژاردەى نەتەوەیى دەید، ک گرنگترینیان سەروەرى و سەروەخوەیى و بریار نیشتنانى بوى.

دویاین جەنگ ئیمە جەنگ وەناو "وەهار عەرەبى بوى"، مەوقەى ک زەوى لەدژ ئیمە گردەوە بوى و کۆلۆنیالیزم وەدەس خوەى و دەس کەسەیلیگ لە ئیمە، زوورم ئەو چشتەیلە ک لە سیاسەت ئابوورى هاوردویمنەى دەس، لەناوبرد.

ئیمە دى هووز و مەزەو و ئایین نییم و بنگەیل و سەربازەیل کۆلۆنیالیستەیل گلەوخواردنە ئەرا ئەوەگ ویرانکارى لە وڵاتەگەمان بکەن و هویچ چشتیگ لە سەروەخوەییمان نەمەندگە بیجگە لە رووژیگ یادکردنەوە ک گشت ساڵیگ یادى کەیمنەوە.

دەوڵەمەنترین وڵاتەگەمان لە بارودوخیگ ناڕەحەتى ئابوورى ژیەن و هەوەجەیل هاوولاتیەیل وە زەحمەت بەس کەن.

تەنانەت لەو حاڵەتەیلیشە ک هیزەیل مقاومە تویەنستن وەرگەى دوشمن داگیرکار بگرن یا شکست وەپى بارن، خوەیان دینەوە ک روێ وەڕوی هەڵمەتەیل گووشەگیرکردنیان و بویچگکردنەوەى سەرکەفتنیان بوینەسەوە.

ئەیەسە ک هاتە تویش مقاومەى فلستینیەیل لە وەخت داگیرکردن لوبنان لەساڵ 1982 و ئابڵوقەداین بەیروت و ئەوەگ وەسەر مقاومەى لوبنانى هات لە دویاى ئازادکردن باشوور و جەنگ تەمووز 2006، جوور ئەوەگ لەهویرمان نیەچوود بەیاننامەى سعودى عەرەبى ک وازهاوردن خوەى لە مقاومە و پشتگیریکردن لە دوشمن زایۆنى ئاشکرا کرد.

یەیش دویاى شکست پرووژەى کۆلۆنیالیزم لە هەردوگ وڵات سوریا و عیراق لەبان دەس محوەر مقاومە دوبارە بویەوە.

موقاومە ئسپاتى کرد ک بارودوخ سەرکەفتن ک لەساڵ 2006 سەرهەڵدا، وەردەوام و پەرەسەندن بوى و دى بژاردەی شکست وجوود نەیرید.

دویاین جەنگ ئیمە جەنگ وەناو "وەهار عەرەبى بوى"، مەوقەى ک زەوى لەدژ ئیمە گردەوە بوى و کۆلۆنیالیزم وەدەس خوەى و دەس کەسەیلیگ لە ئیمە، زوورم ئەو چشتەیلە ک لە سیاسەت ئابوورى هاوردویمنەى دەس، لەناوبرد.

Copyright © 2017 Eshraqtv all rights reserved Created by AVESTA GROUP