13/02/2023
حەسەن لافى
168 جار بینراوە

مانگ گەرم رەمەزان لە شار قودس

ئەو هیزە ک ئسرائیل وەکارى هاوردگە لە ململانى دڕندەترە، و دویاخریش هیز زیاتر خویناویتر و رادیکاڵیتر بوود، هەر لەوەر ئەوەیش بایەسە لەبان گشت فلستینییگ هیز خوەیان وەهیز بکەن ئەرا وەرپەرچدانەوەى پەلامار ئسرائیلى.

مانگ رەمەزان پیرووز ئمساڵیش جوور دوو ساڵ گوزەیشت وەل پشووەیل ئاینى یەهوودیەیل بڕیەید و لەو ماوەیشە نیشتەجیکریاگەیل ئایینى زایۆنى هەوڵ پتەوکردن هەڵکوتانیان دەن ئەرا ناو مزگفت ئەقسا.

لە هەمان وەخت نیشتەجیکریاگەیل دابەشکردن شوون و وەختەیلیش فەرز کەن لەناو حەوشەیل مزگفت ئەقساى شەریف، و بانگەوازەیلیگ لە کۆمەڵەیلیگ دوبارە بنیاتنەرەوەى هەیکەڵ زایۆنى بەرزەو بوود ئەرا زیایکردن مەردمى لەوەر هەڵکوتان ئەرا ناو مزگفت ئەقسا لەڕوێ شمارە و جوورەوە لە ئمساڵ، و لە هەمان وەختیش باسیش لە وەناوبردن شەمعدان یەهوودى کریەید ئەرا ئاهەنگاسزى عەید ئەلئەنوار(حانوکا)لەناو حەوشەیل مزگفت ئەقسا. 

هەرچەنى ک بلنگەشەیل ئایینى زایۆنى و باڵ تەهویدکردنى جوور کۆمەڵەیل بنیاتناین هەیکەڵ تازە نیە، و گشت ساڵیگ دوبارەوە بوود، وەلێ ئمساڵ هووکارەیل جیاجیایگ هەن و لە حاڵەت وەرتەنگکردنەوە و گرژى زیاى کەن لە مانگ رەمەزان ئایند، ک شمارەى فرەیگ لە شیەوکەرەیل سیاسى و ئەمنى لەناو ئسرائیل و لە دەیشتى داواى وشدارى کردن لە تەقینەوەى بارودوخەگە لەناو شار قودس لە مانگ رەمەزان، و لەگرنگترین ئەو هووکارەیلیشە:

یەکەم، پاڵناین بەرز و متمانەى گەوراى ئایینى زایۆنى ک وەدەس هات لەئەنجام سەرکەفتنى لە هەڵوژاردنەیل ئى دویاخرە لە ئسرائیل، ک هەریەک لە بتسلال سیمۆتریتش و ئیتمار بن غەفیر وزیرن لە حکومەت و کابینت ئسرائیلى هاورد و دویاى ئەوەیش هس وە ئەوە کرد پەردەیگ سیاسى و قایم هەس ئەرا ئایینى زایۆنى لەوەر تەهویکردن زیاتریگ لە مزگفت ئەقسا و قودس وەگشتى.

دویەم، گرتنەدەس وەزارەت ئاسایش نەتەوەیى لەلایەن ئیتمار بن غەفیر ک وەرپرسە لە پۆلیس ئسرائیلى و یەکەیل پاسەوان مەرزەیل، وەیەیش ئایاش لەناوخود شار قودس کەفیدە ژیر دەسڵات بن غەفیر.

سێیەم، زیایبوین خەت مقاومە لە کنار خوەرئاوا و قودس، و بەرزبوینەوەى وەردەوامى پرووسەیل فیداکارى فلستینى، و جەختکردنەوەى غەزە لەبان مەسەلەى یەکێتى مەیدانەیل و یەکێتى وەرنگاربوینەوەى فلستینیەیل لە حاڵەتیگ ک ئسرائیل خەتەیل قرمز بشکنید لە قودس و لە کنار خوەرئاوا.

چوارەم، لەوەرگرتن نەزریەى(ئەگەر وە هیز چارەسەر نەوى وە هیز زیاتر چارەسەر بوود)لەلایەن حکومەت هاوپمان نەتانیاهۆ – بن غەفیر – سیمۆتریتش، دژ وە تویڕەیى فلستینى لە سیاسەتەیل دەوڵەت داگیرکار.

پەنجم، بارودوخ ناوخوەیى ئسرائیلى، و یزایبوین ململانى یەهوودى – یەهوودى لەبان ناسنامەى "ئسرائیل" و رژیمە فەرمانڕەواگەى، لە ئەنجام پلان راسکردنەوەى دادوەرى ک یەریف لیفین وەزیر دادوەرى هەوڵ جیوەجیکردنى دەید وەپشتگیرى نەتانیاهۆ ک بویە هووکار بەرپارکردن حاڵەتیگ لە گرژى تونیگ لەناو کۆمەڵگاى ئسرائیلى و دەسوەپیکردن خوەینیشانداین دژ وە حکومەت ئسرائیلى وە دریژایى 6 هەفتەى وەردەوام و شمارەى خوەینیشاندەرەیل رەسیە زیاتر لە 100 هەزار خوەینیشاندەر.

دویاخریش، ئایا ئەقڵ ئەمنى و سەربازى ئسرائیلى تویەنید ستۆپیگ لە وەردەم تونڕەوى پیک بارید ک ئاستە سیاسیەگەى لەلایگ و تونڕەوى کۆمەڵگاگەیش لەلایگ ترەوە بوود، یا دەزگاە سەربازى کاریگەر بوود لە فشارەیلیگ لەبان ئاست سیاسى، و هەوڵ جیوەجیکردن ریڕەوەیل سیاسى دەید؟ وەلێ لەگشت حاڵەتیگ، ئیمە چەوەڕى وادەیگ کەیم وەل مانگ گەرم رەمەزان لە شار قودر، ک وازە ئەرا گشت بژاردەیلیگ.

Copyright © 2017 Eshraqtv all rights reserved Created by AVESTA GROUP