بێرنى و پۆتین!

بێرنی ساندەرس، خوەوەى وەوە ناسنێد ک"کەسیگ سەروەخوەیەو لەوانەسە ک دریژترین ماوە لە تاریخ گۆنگرس وڵاتەیل یەکگرتگ خزمەت کردنە"،

وەل ئەوەیشا کاندید سەرۆکایەتى بوى وە شەعبیەت فراوانیگەوە، وەلێ دەرفەت نەیاشت، چوینکە تەمویل خاسیگ ئەرا هەڵمەتە هەڵوژاردنیەگەى وەدەس ناورد.

بێرنى لە دیمانەیگ لە تەلەفزیۆن"فۆکس نیوز"وت: ئەوەگ ئاگاداردان لەلى کەم چشتیگە فرە نەژنەفتینەسەى لە ویتگەیل فۆکس یا سى ئێن ئێن یا بى سى و واشنتۆن پۆست، یا چشتییگ بژنەفینەى لەڕاسى لە هۆلەیل کۆنگرس.

دویاى ئەوەیش دەسکردە باسکردن بارودوخ ئابوورى و کۆمەلایەتى و بژیوى و تەندروستى لە وڵاتەیل یەکگرتگ، و ئەوە دەرخست ک هەردوگ چین کارگەر و ناوڕاس لە مەینەتى گەورایگ ژیەن، ک 70 ملیۆن ئەمریکى وەبى دەسەوەر تەندروستى ژیەێد لە دەوڵەمەنترین وڵاتیگ لەبان زەوى، وەلێ دو کەس گەوراترین سەرمایە دیرن ک کەێدە 40% سەرمایەى ئەمریکیەیل، و ریژەى 1% ئەمریکیەیلیش زیاتر دیرن لەو قاعدەى مللییە و ریژەگەى 92% لە مەردمە، لە هەمان وەخت سەرۆکەیل جیوەجیکار کۆمپانیایەیل گەورایش 350 ئەوەى کارگەرەیلیان وەدەس تیەرن.

بێرنى پرسید"یە ماناى چەس؟" لە جواو وت:"ئەیە ماناى ئەوەسە ئیمە بایەسە کووتایى ئەرا رژیم سیاسى گەناتەکار  دابنەیم ک لەتى دارایى فرەیگ ئەرا هەڵوژاردنەیل سینێد".

وەى قسەیل دویاییە، بێرنى باس لە گەوهەر سیستەم دیموکراتى کرد ک وڵاتەیل یەکگرتگ هەوڵ دەێد تەعمیمى لەبان گشت جەهان بکەێد، ک ئەویش سیستەمیگە وەردەوام لەبان سەندن زمەت و داین رشبەت و حوکمکردن وە دارایى وە دەرئەنجام هەڵوژاردنەیل و نوێنەرەیل مللەت و وەدەوڵەت لە هەر شوونیگ.

ى نموونەیشە وڵاتەیل یەکگرتگ جیوەجیى کەێد لە هەر وڵاتیگ ک کار لەبان "خاسسازیى"کەێد دویاى "داگیرکردنى"، جوور ئەوەگ لە ئەفغانستان و عیراق و لیبیا کردەى، و لە هەر وڵاتیگ ک تویەنست ئیرادە و هەژموون خوەى لەتى زاڵ بکەێد جوور وڵاتەیل ئەوروپى ك حكوکەتەیلیان لەیوا دیارن ک گووش لە وڵاتەیل یەکگرتگ گرن و تەنانەت هەرچەنى زەرەدیش بوود ئەرا بەرژەوەندى وڵاتەیلیان، جوور ئەوەگ ئیشە روێ دەێد لە سزایەیل لەبان روسیا.

 گرنگى قسەیل بێرنى لە وەخت دیاریکریاگیش تیەێد، چوینکە لەوەختیگە گشت جەهان لەبان ئى گووشەى زەویە پرسیارەیلیان خەنە ڕوێ، ک تا وەختەیل نزیکیگ موحەڕەم یا قەیەغەکریاگ بوى، یا قابل وە پەسەنکردن نەوى لەبان مێز. گرنگى قسەیل بێرنى لەوەسە ک وەئاشکرا باس لە رژیم سەرمایەدارى نەک هەر ئیسەى وڵاتەیل یەکگرتگ، بەڵکوو لە یەکێتى ئەوروپا و خوەرئاواو لایەنگرەیلیانیش کرد.

لەى دیدەوە، لەیەکترازیان چەمگ و ستراتیجى لەناونى ئەوەگ بێرنى لە فۆکس نیوز وتەى فرە کوڵ بوى، وەلێ فرە گرنگ بوى و قسە دریژەگەى بۆتین لەبارەى دید ستراتیجى روسیاوە ئەرا بارودوخ جەهانى و بارودووخ روسیا لەى هەلومەرجە ک وت: پرس و پرسکاریەیل فرەیگ لە گوزارەى ئمڕوو هەس، ئەویش لەوەر ئەو درووەیلە ک هیمان خوەرئاوا لەتى ژیەید و هەوڵ دەێد لەبان لایەنەیل تر بچەسپنێدەى، ئمجا وەل ئەوەگ پەلاماریگ سیبرانى ک شایەد سەعاتیگ بۆتین دویاخست لە وتن قسەیلى لە دیدار ئابوورى ناودەوڵەتى لە سانت بترسپۆرگ، وەلێ وە روخساریگ پڕ لە متمانەوە چیە بان سەکوو و وەقسەیلیگ مانادار ک پەیامیگ خاس داشت نەک هەر ئەرا روسیا، بەڵکوو ئەرا گشت ئنسانیەت و دەسکردە قسەیلى و وت"خوازم دید روسیا ئەرادان باس بکەم"، یەیش گوزارەیش گەوهەرییە و گرنگى پرووسەى سەربازى تایبەت لە ئۆکرانیا و پایەى شییەو کەێد و خەێدەى چوارچیوەى راس و تەنگیگ تاڕادەیگ، چوینکە دیدەگە ئەوەسە ک بۆتین چارەسەر بارودوخیگ نیگەرانکەر کەێد لە جەهان و مکوڕبوینى ئەرا رابەراییکردن ریگەى راسکردنەوەى ئى بارودوخە تەنانەت ئەگەر دەیەیگ یا دو دەیەیش دریژە بکیشێد، چوینکە ئەرکەگە ئەرا ئنسانیەت و ئایندەى فرە گرنگە.

وتارەگەى بۆتین لە دیدار بترسپۆرگ ئابوورى لە 17 / 6 / 2022، شایستەى خوەندنەوە و خوەنینە لەگشت دەوڵەتەیل نیازدار ئەرا رویداین ئاڵشتکارى راسکانى لە بەرژەوەندى مللەتەگەى و مللەتەیل جەهان وەگشتى.