05/05/2022
بوسەینە شەعبان
273 جار بینراوە

کى واقع خوەنید.. کی دروسى کەێد؟

لەوەر هەست کرزى و بیهیزى ک زاڵە لەبان زوورم شیکارى و خوەنیەوەیل عەرەبى، فەلەستینیەیل وسیەن و پەرچەم فەلەستین نەنە سینە لەوەرانوەر ستەمکارترین هیز داگیرکار ک تیرۆریستەیل نیشتەجیکریاێ کردەسە پشت و پەنا ئەرا رخەوبردن خاون خاک و تاریخ و لە ریشگەو بنبڕیان کەێد و دەسڵاتیش گرێد بان پیرووزى و زێد و ماوا و خاکەیلیان ک خوداى پەروەردگار هەڵوژانەى ئەرا ئەوەگ مەڵوەن مەسیج سڵام خودا لەلى بوود، و سەرچەوەى ئیسرا و معراج، و بوودە خاکیگ ئەرا ژیان و ئاشتى و دووسى.

لەیرا پرسیار ئەوەسە ئاساییکارەیل و ئەوانەگ خوازیار ئاساییبوینەوەن و ئەوانەکیش سەر خوەیان وەرانوەر داگیرکار داچەمنن و ئەو کەسەیلە ک تەماى وەدەسهاوردن رەزایەتى و کاریگەرییان دیرن خوەیان وەتەنى لەبارەى خاسەوکردن پەیوەندیەیلیان وەل دەوڵەتەیل تر و له زانستى تەکنیک ئەو تێکبشکیەێد، هس وە چە کەن؟ هس وە چە کەن و دوینن ک ژن و پیاوەیل تەحەداى هەڕەشە وە مەرگ کەن، و سەربەرز وسیەن و ترسیان لە مناى کەس نییە و لەبان مەینەتى بیدەنگ نیەون و گووش وە گولـلە نیەن و ئسپاتى کەن ک شاییستەى ئەو چشتەیلەنە ک خودا وەپیان داسەى لەبان ئى خاکە. قاچاخچیەیل هس وە چە کەن لە وەختیگ متابعەى هەوڵ ئەو ئەسیرەیلە کەن ک کەلەبچە کریانە و نیەوان لە خوەراک دوشمن بخوەن و مقاومەى کەن وە گوشت زینگ و مەعیدەى پەتى خوەیان، وەلێ دوینێد ئاساییکارەیل ملیارەها دۆلار خەرج کەن ئەرا سەندن چەک ک نە قەوێ کەێد و نەیش شوون ورسگى گرێد، ئەویش لە نەوین باوەڕ راسەقینە وە قەزیەگە و ئیرادەى هەق لە ئەنجامداین و دەسدریژى ئەرا بان پیرووزیەیلێ؟؟

کام واقعیگە ک ترسنوکەیل رفیاگ باس لەلى کەن و ئیمەیش رووژانە شایەتیدەر ئیرادەیگ پتەو بويم ك لە زگ مقاومە پەیا بوود و شایەتیدەر مللەتیگیم لە هویرەو نیەچوود و هەقەیلیگ هویچ وەختیگ نیەمرن و ئسپاتى کەێد ئەرا ئەوانەک ک گومان دیرن گەوراەیل مرن و بویچگەیل لە هویرەو بریەن ئەوە بزانن ک وە تەواوى هەڵەن و هیمان ئەو خەڕگە نیەناسن ک ئەیانە لەلى دروس کریانە و هویچ وەختیگیش نیەزانن ماناى چەس ئادەمیزاد قەبول نەکەێد بژیەێد و زینگ بوون وە کەرامەت خوەى و خاکەگەى و میرات باوگ و پباپیرەى و ئایندەى نەوەیلى. ئەوان ماناى قوربانى و قیمەت شەهیدبوین نیەزانن، هەر لەوەر ئەوەیش نەبایەد ئەو هووکارەیلە بزانن ک ئەوان وەپى تەحەدى مەرگ کەن لەوەر مقەیەتیکردن لە کەرامەتیان. دیمەن سەربازەیل داگیرکار رزبەسیاى وە چەکەو، لە پشتیانیشەو یمەن تیرۆریستەیل زایۆنى رەگەزپەرس لەوەردەم رەتڵەیلیگ لە نمازخوەنەیل ک هویچ چەکیگ وەپیان نییە بیجگە گوزارش بیدەنگ و نوڕستنیان ک دڵ و ئەقڵ داگیرکارەیل شکنێد و وەپیان ئویشد ئیمە خاوەن ئى خاکەیمە و ئیوەیش ستەمکار و عاقیەبەتیش ئەرا باوەڕدارەیلە، وەعد خودایش هەقە و ئیمەیم  میراتگر ئى خاکە، ئیمەیم ئیمام و میراتگرەیل.

خوەنینەوەى واقع و فامستنى پشت وەو بنەما بەسێد ک باوەڕد چەنیگە وە قەزیەگە و سەبرد چەنگە لەو کاردانەوەیلە ک توان لەگشت ستوینەیل ژیاند پەخشى بکەن، ئمجا جەنگەگە تەنیا سەربازى نییە، بەڵکوو جەنگ چەکدارکردنە وە ئیمانیش و جەنگ سبات و وقاومەس و وەرپەرچدانەوەى وەهمە ک کاڵنەى لەگشت بوارەیل ژیانمان، لەبان قوەتیان و لاوازیمان، لەبان هووکارەیل بەرزبوین و نزمیمان، وەو جوورە جەنگەگە بەنەو وەرجە ئەوەگ دەس وەپى بکەێد و فکرەیل درووکانى فرووشنە کەمئەقڵەل ک لە بنەڕەتەو ناڵنن وەدەس هسەیلیگ ناتەواو.

دو رويداگ ئمڕوو هەوەجە وە خوەنینەویان کەیم لە واقعمان، مقاومەى پاڵەوانێتى مللەت فەلەستینى لە روێ وەڕوێ بوینەوەى دڕندەترین جوورەیل داگیرکارىى و تیرۆر لە سەدەى بیس و یەک، و مقاومەى روسیا لە روێ وەڕوێ بوينەوەى وەئامانج گرتن خوەرئاوا، وەل وەکارهاردن گشت کەرەسەیل ئابوورى و سەربازى و ئعلامى و تیرۆریستى ئەرا ئەوەگ ئیمان روسیا لەدەس بیەێد و شکەست وە همەت جەنگاوەرەیل بارێد و قەناعەت وەپیان بکریەێد ک سەرکەفتن لەبان خوەرئاوا درووە، وەلێ ئیمە حاڵ حازر هایمنە کوورا دویاى دو مانگ لە دەسوەپیکردن پرووسەى سەربازى رووسى لە ئۆکرانیا؟ خوەرئاوایش ها کوورا؟ و روسيا ها كوورا لە تەراوزى پڕ دقەت؟

ئەوەگ ئمڕوو خاوەن قەزیەیل راسکانى هەوەجەى کەن، لە عەرەب و رووس و چینى و گشت موستەزعەفەیل لەبان خاک، فرەترە لە سەبر و سبپات و خوەنینەوەى واقع وە باوەڕ و عەزیمەتەو، دویر لە شیوانن و دروو ک دوشمنەیلمان تیەرنەى کار وە دریژایى سەدەیلیگ ئەرا ئەوەگ ژیر دەسەیان بویمن و ئەرا ئەوەگ خێر و بێر و سەرچەوەیل ئایندەمان بدزن، با گشتمان لە هویرمان بوود ک واقع ئیمە دروسى کەیم، نەک کەسەیل تر.

Copyright © 2017 Eshraqtv all rights reserved Created by AVESTA GROUP