30/04/2022
وەلید ئەلقتەتى
224 جار بینراوە

رووژ قودس و بازنەى سەرکەفتن!

مانگ رەمەزان ئیسەى و گوزەیشت، زیایبوینیگ لە پەلامارەیل ئسرائیلى ئەرا بان مزگفت ئەقسا و شار قودس وەخوەیەو دى لەڕێ هیزەیل داگیرکار و نیشتەجیکریاگەیل، لە هەوڵەیلیگ دوارەکریاێ لەوەر دەستگرتن وەبانى لەڕوێ ئایینى و دابەشکردنى لەڕوێ وەخت و شوون، دویاى ئەوەگ ئسرائیل لەڕوى سەربازییەو دەسڵات گرتە بانى لە شکەست و نەکبەى دویەم.

 

لە وەرانوەر، روى وەڕوێ بوینەوەى پاڵەوانێتى فەلەستینى ئەرا ئى پەلامارەیلە ئامادە بوى وەگشت هیزیگەو وەدریژایى مانگ موبارەک، یەیش لەیوا کرد ئەقسا بوودە سەرچەوەیگ کیشمەکیش وەل داگیرکار، و قودسیش ناوەند کیشمەکیش وەل قەوارەى زایۆنى، تا قودس و ئەقسا کوڵترەو بوون لە کیشمەکیش لەبان فەلەستین و فەلەستین بکەفێدە کیشەى ناونى نەتەوە و خوەرئاوا و لەناونى موستەزعەفەیل و موستەکبرەیل و لەناونى هەق و ناهەق...

 

ئەیەسەجەوهەر ماناى رووژ قودس جەهانى ک ئیمام ئایەتوڵڵا خومەینى – خودا رەحمەتى بکەێد –  رابەر شۆڕش ئسلامى و دامەزرنەر کۆمار ئسلامى لە ئیران جوانتریەو کرد تا روخسار سەرکەفتن ئایندە ئەرا ئومەت دابنەێد هەناى ک تەواو بوود - لەڕى ماناى رووژ جەهانى قودس – بازنەى سەرکەفتن.

 

فکرەى ئیمام تووڵەکار دەسکردە داناین بازنەى سەرکەفتن لەوەختیگ ک قودس و فەلەستین ئامادە بوى لە ئیران شۆرش، لەڕى ئامادەبوینى لە فکر سەرکردەگەى ک هاوپەیمانى رژیم پاشایەتى وەل قەوارەى زایۆنى وە گرنگترین هووکارەیل کیشمەکیش شەرعى زانست لە رژیم حوکم شا محەمەد رەزا پەهلەوى و هانداین لەبان شۆڕش لە دژى، دى ئەوە ئیمام فەلەستین وە قەزیەى موسڵمانەیل زانست و ئازادکردنى لەژیر دەس زایۆنى ئەرکیگ شەرعیە لەبان نەتەوەى ئسلامى و قەوارەى زایۆنییش وە خەتەر یەکەم زانست لەبان موسڵمانەیل و باوەڕى ئەوە بوى ک غودەیگ سەرەتانییە و بایەسە بنبڕ بکریەێد و لاوریەێد لە وجوود.

 

ئى ئامادەبوینە ئاڵشت بوى ئەرا ریڕەویگ کردەیى و سیاسەتیگ چەسپیاێ ئەرا ئیران دەوڵەت، دى فەلەستین چیە ناو قویلایى مەشروعیەت شۆڕش و ناسنامەى کۆمار، هەر لەوەر ئەوەیش پشگیرى فەلەستین و کیشەو مقاومە بویە ئەرکیگ ئایینى و ئەخلاقى و ئنسانى و کۆمار بالیۆزخانەى ئسرائیل کردە باڵیۆزخانەى فەلەستین جوور نیشانەیگ ئەرا ئازادکردنى لە ئایندە و دروشم"ئمڕوو ئیران و سوو فەلەستین" بەرزەو کرد و لەناوخود پاسەوان شۆڕش "هیز قودس" دامەزران ئەرا پشتگیرى لە مقاومەى فەلەستینى. ئمجا ئعلان"رووژ جەهانى قودس" رابەر کۆمار ئیمام خومەینى وەو سیاقە هات ئەرا هاوکارى وەل ئەقسا و قودس و فەلەستین و جەخت لەبان پابەندبوین وە رزگارکردنى کریا.  

 

ئبداع رووژ جەهانى قودس لە دویایین جومعەى مانگ رەمەزان موبارک جوور ختامیگ ئەرا مانگ عبادەت و نزیکەوبوین و پاکبوینەوە، ئامانجى ئەوەس ک گشت موسڵمانیگ لە جەهان یاد قودس بکەێد، تا بوودە قوبڵەى یەکەم لە گرنگى و جیهاد، جوور ئەوەگ قوبڵەى یەکەم بوى لە عبادەت و نماز و تا بوودە قەزیەى مەرکەزى موسڵمانەیل جوور محوەر کیشمەکیش حزارى لەناونى نەتەوە و خوەرئاوا، جوور ئەوەگ وەجهەى یەکەم موسڵمانەیل بوى لە دەیشت جەزیرەى عەرەبى لە سەردەم پەیغەمبەر(سڵام و سەڵاوات وەدەور سەرى).

 

ئى ئبداعە ماناى وەردەوامە ناڕەزایى نەتەوەس لە وجوود قەوارەى زایۆنى لە قودس و جوور خەنجەریگ لە دڵى و ماناى وەردەوامى ئنکار ئومەتە لە شەرعیەت قەوارەو ئاساییبوینەوە وەلیا و ماناى وەردەوامى گرفت ئەرا قەوارەى وجوودى و حەتمى نەمەندنیە لە وجوود و ماناى وەیادخستن وەردەوامیگە لە سروشت کیشمەکیش لەبان زەوى و تاریخ و روایەت وەل قەوارەى زایۆنى جوور سەر نەیزە ئەرا پرووژەى داگیرکارى خوەرئاواى دژ وە پرووژەى نەهزەت نەتەوە و یەکێتى و سەروەخوەیى و ئازادیەگەى.

 

رووژ جەهانى قودس گشت رووژەیل جیهاد و مقاومەس ک قودس و فەلەستین لەتى ئامادەس لە ناوەند کیشمەکیش و روی وەڕوى بوینەوە و ئامادەس لە سەرچەوەى ئیمان و هووش و وژدان. هەناى ک گشت رووژەیل نەتەوە رووژەیل قودسە و نەتوە لە فەلەستین نزیکەو بوود تا بوودە خاکى و گشى لە ئەکناف بەیتولقودس و هەناى ک وەخت و شوون ئومەت لە قودس و فەلەستین نزیکەو بوون و مقەیەتى کەید لە وەردەوامى رووژ قودس، ئەوە ماناى ئەوەسە مزگفت ئەقسا "هارهابیت" نیە و قودس نەیودە"ئۆرشەلیم" و فەلەستین نیەودە ئیسرائیل، ماناى ئەوەسە ئومەت وە وەعد ئاخرە وەعد بلفۆر ئاڵشت نیەود و لە پرووژەى رزگارییەو نیەودە پرووژەى ئاساییکردنەوە و لە محوەر مقاومە نیەودە محوەر مساومە.

 

زینگەوکردن رووژ قودس ماناى ئەوەسە ئومەت پەرچەم خوەى تەسلیمکردن بەرزەو نیەکەێد و نیەواێد وەرانوەر دوشمنى و هەر مینێد تا بنبڕکردن داگیرکار و بژاردەى جیهاد و مقاومە قەدەر ئومەت و ئەو خوینەسە ک لەناو رووح و دەمارى رێ کەێد و وەلیا حەیەویەت ئومەت و هەڵسانەوە و شۆڕش و عزەت و کەرامەتى زینگەو بوود.

 

وەلید ئەلقتەتى

Copyright © 2017 Eshraqtv all rights reserved Created by AVESTA GROUP