کەمپ جنەین دڵنیایى دەیدە گشتلایگ لە بژارەى مقاومە
جاریگتر کەمپ فیداکاریى جنەین ک سازش نیەکەید، و لە مردن هەڵسیدەوە، پیشڕەوى کەید وە خوین خوەیەوە لەبان سینەى و خوەى وەل ریڕەو راس و بى پیچەگەى فلستین ناسانگە، ک ئامانجەیلى تیەریک داپووشریاگ نین و روخسار و راسیەیل بشاریدەوە.
کەمپ جنەین، ک کریەید وە "فیداکار" تاریف بکریەید، لە وەخت جەنگە قارەمانێتییەگەیەوە لەساڵ 2002، ک لەتى وە سەختى زەخمدار بویە و دویاتر لە مردن هەڵسیدەوە، ئیسەیش ئەوەسە وە زینگى دەرکەفید و هەر چەکیگ لە وەردەسە کیشید و روێ وەڕوێ کەرەستەى سەربازى ویرانکەر بوودەوە ک زایۆنى دوشمنکار دیریدەى.
تا دویا وەختەیل رووژ دویەم دوشمنکارانە ئەرا بانى وەگشت جوورە چەکەیلیگ زەمینى و ئاسمانى، هەر سەبردارەو خوەیگرە و چەوەڕى بەیاننامەیل ناڕەزایەتى نەرم نیەکەید، و ئیدانەى درووکانى ک گوزارەیل درووکانى لەتى دوبارەوە کریەید، ک مللەتەگەمان لەگشت جەنگەیلیگ ئەزموونى کردگە.
کەمپ فیداکارى، کەمپ جنەین کویەن قارەمانێتى، پڕە وە زەخم و ئسپاتى کەید لە مەیدان، و داوا لە ئەهل مەسەلەگە کەید ک زانستیان وە ریگەیگ هەڵە چینە، و وەڕیکردن خەفتنەوە لە پشت وەهمەیل (ئاشتى ئازایەیل)، هەڵسن لە خەو دویاى سى ساڵ لە خەڵەتیان ئەمریکى، و وەردەوامى قەوارەى زایۆنى لە دەسگرتن وەبان باقى خاکەیل تر فلستینى، و داناین فلستینى لەوەردەم دو بژاردە، بخوە و قسە مەکە هەرچى وەپید دەیم، یا زیندانى و مەرگ و ویرانکردن ماڵەگەد ئەگەر مقاومە بکەید!
کەمپ فیداکارى، کەمپ قارەمان جنەین، ریگەیگ ئەرا گوزەرکردن ئەرا فلستینیەیل لەو چەقبەسانە دوینیدەوە ک مەسەلەى فلستین وەپى چیەسە ناویەوە و لەڕیگەى رزگاری وەردەوام بوود لەوەختیگ خوینەگەى وە شانازییەوە رشنید و لەلیداین لە قەوارەى زایۆنى و ئەو نیشتەجیکریاگەیلە، و کالین متمانە لە دڵ ئەو فلستینیەیلە ک دى وەقسەى زانیارى نیەخەڵەتیەن، و وەهم گرەوکردن لەبان رەسیە وە دەوڵەتیگ فلستینى.
سێ دەیەسە دروو و وەهم و خەڵتانن بەسە، ک دەیان ساڵ زیندان و تیرۆرکردنن، تاڵانکردن موڵک و ماڵ و زەوى و ئاو و وەپیداین پویل داگیرکارى وە رزگارکردن لە خەرجیەیلى، وە جووریگ ک وەک داگیرکارییگ پەنج ئەسارەیى ئاسوودو و سوودبەخش تاریف کریا، لەوەختیگ ک مللەتەگەمان زەرەد کەید و قەزیەى ئیمە لەدەس دەید.
نەتانیاهۆ لە سەرەتاوە دژ ئۆسلۆ بوى، مەوقەى ک ئاشکراى کەید ک بایەسە فکرەى دەوڵەت فلستینى لەسەر و مەژگ هەر فلستینییگ هەڵکەندریەید، ئەوە هویچ چشت تازەیگ نیارید و تەنیا کەسیگ نییە ک ئى قەناعەتە ها دەسیەوە.
گشت سەرکردەیل زایۆنى دژ دەوڵەتیگن ئەرا فلستینیەیل، سەروەخوەى و وەتەواوەتى سەروەرى داشتوود، وەلێ بەشیگ لە فلستینیەیل هیمان لە خەفتن وەردەوامن و لەوەر کورت نوڕستن بەرژەوەندى یا نەتویەنستنیان لە پەیڕەوکردن بژاردەى کەمپ فیداکارى جنەین.
فلستین، و تەنانەت کەمپ جنەین، رازى نیەود لە هەر عەرەبیگ و موسڵمانیگ لادەر بوود لە بژاردەى مقاومە.
دوشمن ئەگەر ماڵەیل کەمپ جنەینیش ویران بکەید، وەلێ نیەتویەنید ئەقڵ و دەروین و گیان مقاومەتکاریان ویران بکەید لەگشت فلستین، چوینکە مادام فلستین داگیرکریاگە ئەوە ئاگر مقاومە هەر گڕە، و بژاردەیشى وە بژاردەى کەمپ جنەین مینید.