13/03/2023
محەمەد جرادات
162 جار بینراوە

"حەماس" و بەرزبوینەوەى وەرنگاربوینەوە لە کنار خوەرئاوا

لە وەخت بەرزبوینەوەى وەرنگاربوینەوە لە کنار خوەرئاوا، داگیرکار ئسرائیلى ناو " گورگەیل تاک" چەسپانەى قەى گشت جیوەجیکارەیل کردەی خوەیبەخشى، ئەویش دویاى "تونێل ئازادى" و دەسوەپیکردن "کەتیبەى جنەین" و دویاى ئەوەیش "لانەى شیرەیل" لە نابلس، لەشاى نەوین زەمانەتەیل ئەمنى پەیوەس لەناونى جیوەجیکار و هەر فەسیلیگ فلستسنى، سەربار جیگیرکردن حاڵەتیگ لە وەرنگاربوینەوەى لەلایەن داگیرکارەوە لە جنەین و دویاخریش لە نابلس.

بزووتنەوەى "حەماس" جى سەرسامبوین بوى ئەرا گشتلایگ لەى هەفتە، و لەڕى باڵە سەربازیەگەى"کەتیبەیل عزەدین ئەلقەسام"و لەخوەیگرتن فەرمى هەردوگ پرووسەیل حوارە و "تەلئەبیب" ک لەماوەى دو هەفتەى گوزەیشت کەفتنەوە.

داگیرکار ئسرائیلى لە ساڵ 2022 نزیکەى 30 کوشیاگ دا لەناونى سەرباز و نیشتەجیکریاگ لە پرووسەیل خوەیبەخشى، و لە سەرەتاى ساڵ 2023، داگیرکار دگان وە کوشیان پانزە ئسرائیلى نا، دویاى ئەوەیش کوشیان 40 کەس تر.

داگیرکار وەو جوورە باس کردیاد ئەو سەربازەیلە لە رویداگەیل جیاجیایگ کوشیانە، ریزبەندى ئى کردەوەى خوەیبەخشیە لە دەسوەپیکردن پرووسەى حەومشەوە هات، دویاى ئەوەیش شەپۆل پرووسەیل بئر ئەلسەبع و ئەلخزێرە و "بەنى براک" و "دیزنجوف" و "ئیلعاد"، لەشوون ئەوەیش "ئەرئیل" دوجار، و تەقینەوە دووانیەگەى قودس، و وەربەس شەعفات دوجار، و هەرسێ پرووسەیل قودس، تا هەردوگ پەلامار حوارە و ئەریحا، و پەلامار "تەلئەبیب" لەى دویاخرە.

داگیرکار زەرەد هیزەیل سەربازیەگەى شاریدەوە، لە زوورم روێ وەڕوێ بوینەوەیل جنەین و نابلس و ئەریحا، وەلێ دگان وە کوشیان ئەفسەر یەکەى ئەلیەمام نەعوم راز لە جنەین نا، ئەویش لەلایەن کەتیبەى جینەین، و بیجگى دگانناینى وە کوشیان سەرباز عیدان باروخ لە نزیک دیر شەرەف لە پرووسەی "لانەی شیرەیل".

لە کووتایى مەسەلەگە، ئنتماى ریکخستنەیل فرەیگ لە جیوەجیکار ئەو پرووسەیلە ئاشکرا کەید، پرووسەى "حەومش" و پرووسەى "ئیعاد" ئەرا نموونە، و کوشیان پەنج نیشتەجیکریاگ لەتیان لەبان دەس جایەڵەیل لە جنەین و دویاخریش دەسگیرکردنیان ک گشت ئەوانە سەر وە جیهاد ئسلامیین، وەلێ جیوەجیکار پرووسەى یەکەم "ئەرئیل" ک لەتى پاسەوان ئەمن ئسرائیلى کوشیا، سەر وە حەماسن، وەلێ ئەوە دەڵەک هویچکام لە "جیهاد" یا "حەماس" نەیا بگرنەى خوەیان وەشیوەیگ فەرمى.

ئایا ئى ئعلان فەرمیە ئەرا حەماس لە چوارچیوەى وەرپرچدانەوەس ئەرا کوشتارگەى ئسرائیلى، و ئشارەتیگە ئەرا تیکەڵبوین تەواوى لە وەرنگاربوینەوە، وەتایبەت ک حەماس وە تەواوەتى تیکەڵ بوى لە وەرنگاربوینەوەیل کنار خوەرئاوا، و لەوەرجە گشتیانش بزووتنەوەى جیهاد ئسلامى وەل بڕیگ لە دامەزریاگەیل بزووتنەوەى فەتح، یا ئایا مەسەلەگە پەیوەسە وە گویڕانکاریەیل مەیدانەگە؟ یا شایەد شایستەیگ ناوخوەیى ریکخریاگى بوود؟

بزووتنەوەى "حەماس" هووکارە بوى لەبان سیاسەت دویاخستن لە وەرنگاربوینەوەى ئالشتکاریەیل ستراتیجى لە مەیدان فلستیمى، یەیش ئەوە بوى ک دەرکەفت لەوەر دەسوەپیکردنى، دویاى بەرزبوینەوەى رویداگەیل لە غەزە لە مانگ تشرین یەکەم/ ئوکتۆبەر 1987 وەل واین فراوان لە زیندان ناوەندى غەزە، ک کوچک راپەرین یەکەم کەفتە جموجویل و ئى دویاخستنیشە لە شوون بەرپابوین راپەڕین ئەقسایش کەفتە وەرچەو، و دوبارەوە کریا لەوەخت بەرزبوینەوەى وەرنگاربوینەوەیش لە کنار خوەرئاوا.

Copyright © 2017 Eshraqtv all rights reserved Created by AVESTA GROUP