بغدا پاريس 2017
لى وختيله كاريل سردان رسمى موهم دس وپيكرد ك حيدر عبادى سرۆك ئنجومن وزيريل ئنجامى دا ئرا پاريس، ئى رووژيشه پڕ بووگ له ديدار و دانيشتن و گفتگوو ناونى عراق و فرنسا له زياتر له ملفيگ و لوانيش هردوگ ملف ئاسايشى و ئابوورى.
ئو شانده ك ياورى سرۆك وزيريل كرد له بواريل جياجياى جوور خارجيه، ورگرى، نفت، كشتوكاڵ، پيشسازى، خونين باڵا، كووچ و كووچبريل، هيئىت وبرهاوردن، راويژكار ئاسايش نيشتمانى، ماناى ئوسه كه وزيريل عراقى له تخسساته باس ول نزيريل فرنسييان كن له بواريل هاوكارى له ناونى هردوگ وڵات.
فرنسا خسوسيت خوى ديريگ له علاقتى و هاوكاريكردنى ول عراق لور چن هووكاريگ، لوانيش: وڵاتيگه ئۆرپى كه زياتر زرد وپى رسيه، ول ئويشا فرنسا تويش كردويليگ تيرۆريستييش هات له شاريل جياجيايگ كه زاكرت ئۆرپى ئحتفاز وپى كيگ و له هويرو نيچوگ ئرا ديان ساڵ تر جوير پلاماريل شارل ابدو، پلاماريل پاريس وردوام له تشرين دويم 2015 و 2016 تا رسيه كردويل تيرۆريستى له نزيك شانزلزيه.
فره‌نسا له نواى ئو وڵاته‌يليسه ك داواى هاوكارى ول عراق و پشتگيركردنى كرد له جنگى دژ تيرۆر، هر له پاريسيشو ورجه دوساڵ كۆنگرى ناودوڵتى دسوپيكرد لبارى ئاشتى و ئاسايش له عراق كه زياتر له 30 دوڵت ئمزا لتى كردن لبان وسيقيگ پشتگيرى تماميگ ئرا عراق له روى وه روى بوينوى تيرۆر و بتوكردن ئاسايش و سقامگيريگى و يكێتيه نيشتمانيگى.
ماناى ئوسه ئيمه و فرنسييل جوير ئوگ ول دوڵتيل جهان وه گشتى روى وه روى دوشمنيگ هاوبش بويمنو كه عراق جنگ وليا كيگ وه گشت هيز و ئازايتييگ.
ييش ئوسه كه خرييگه روى لبان مێز گفتگوو عبادى – ماكرون، ول ئويشا ملفيل ئقتسادى و ئستسمارى و پشتگيرى تسليح هيزيل عراقى بووگه موهمترين باسيل كه علاقات عراقى و فرنسى گاميگ ورو نوا بيگ.
هيمان عراق هوجه ئرا پشتگيرى فريگ كۆمڵگاى ناودوڵتى ديريگ له هوڵ ئرا ئاودانكردنوى ناوچيل ئازادكرياگ له ژير دسڵات ريكخرياگ تيرۆريستى داعش و هاوردنوى ژيان ئرا ئى ناوچيله.
ييش بيجگه خاسوكردن ژيرخان رووشنهويرى و تربوى و ئنسانى لتى و بيجگه ژيرخان ئابوورى ك هوجه وه توانايگ فره ديريگ له تواناى عراق زياتر ك تشغيلى نكرياويگ له ساڵيل جنگ و تيرۆر و قيران ئابوورى له ريڕو پڕ متمانيگ ئرا بنيات و تيكڵبوينن وه جهان پيشكفتگ له روى حزارى و تكنۆلۆجى.
عباس عبود سالم