عراق دڵ سێگوشى سعوديه و توركيا و ئيران
ريكفتنيگ جهانى ئرا رتوكردن راپرسى كوردستان ئنجام گرت، ئويش له ئاكام رتوكردن هرێمى و ناوچيى، ول وسانن رى و شوون ئرا نواگيرى له دابشكردن عراق، كه شايت موهمترينيان له سعوديه و ئيران و توركيا بووگ.
يا وه مانايگتر ئى دوڵتيله ريككفتن لبان هاوبشييگ وبى ميز گفتگوو، ول ئاشكراكردن متشتركات گوراتر و فرتر له خاڵيل ناكوكى و شعوكردن وه ئوگ مترسى لبان عراق هڕشيگه ئرا ئاسايشيان له ئى وختيله.
ئيران توينست ئقناع توركيا بكيگ له ختر راپرسى، توركيايش وه تونى راپرسى رتو كرد و وه گشت جووريگيش هڕشه كرد و لوانيش هڕشى سربازى، له همان وخت سعودييش وفديگ پايبرز كلكرد ئرا قناعت هاوردن وه‌ه كورد واز له راپرسى بارن.
ئى هڵويستيله دوياى داوڕيان و ناكوكى له هويروڕا له زوورم ملفات جاريگتر يكو گرتن، دياره كه ساڵيل دوياى 2003 فره نازگتره، لوانيش پيوس وه عراق، كه هيزه‌يل ركابر شيويانه يكاو ئياكه هوڵ خستن ئواكه ديگ.
هيزيل هر يكيگ لليان خاڵيگ كز گوراوه كيگ و گومان شك فريگ كفتسه ناونيان، ييش وه پشتبسانن لبان سرچويل و مكينيل ئعلام كه هميشه خوازيارن زياتر گڕ بينه ئاگرگه.
شايت مردمانيگ رازى نون له رژيم سياسى عراقى، يا نزيكو بوين توركيا له سعوديه زياتر له ئيران، ولێ داوڕيان له زوورم ملفات ناونى ئيران و سعوديه و زوورم ئى دوڵتيليشه پشتگيرى گرووپيل سياسى عراقى كردن و ئاكاميشى ئوه بوى عراق بويه ميدان كيشمكيش و خاڵ دسوپيكردن ترۆر جهانى ئرا باقى وڵاتيل تر جهان و ئو دوڵتيله.
دوياى سێ ساڵ له هاتن داعش و داگيركردن خاكيل فريگ له عراق و سورياو دوياى كردويل فريگ و سركفتن عراقى و گلوخواردنى ئرا سيستم ناودوڵتى، دى ئو دوڵتيله يقين پيا كردن كه تيرۆر هويچ كس نخيگه لا.
ريكه‌فتن ئى هرسێ دوڵتيله ماناى تراجع بڕيگى له پروژيل دابشكردن و شعوريگ للى وه ئوگ ئگر رويدا ئوه روى كيگه باقى ناوچگيش جوير لافاو و ئى دوڵتيليشه له ناوچگه زياتر كاريگرى لليان ديريگ و تجروبى عراقيش له نواگيرى له تقسيم و جنگ ئهلى و دژه تيرۆر خاسترين بنمايگه ئرا ئى دوڵتيله تا هوير له خويان بكن و بنيشنه يكو تا بزانن عراق چوين رفتار كرد دژ تيرۆر وه هيز ئاسايشى و مردمگى.
قناعت ئى دوڵتيله تنيا لبان ختر راپرسى و تقسيم عراق نيوسيد، بڵكوو بڕيگى توقع ئويش كيگ جنگيگ جهانى بايگه وجوود و كاريگرى خراويش لبان ناوچگه داشتووگ.
تجروبيليش ئسپات ئوه كردن ك زوعف عراق ماناى شيويان ناوچگه ديريد، قناعتيش للاى هاوساييلى پيا كرد ك ئگر جاريگتر كيشمكيش پيا بووگ، ئوه نبايد يكىوه بكرييگ يا كوتايى وپى بارييگ، برژوندى ناوچگيش ئوسه هوير وڕاى ناونى دوڵتيل نزيكو بكه‌ن و ميدان عراق بوگه گفتگووكردن و له همان وخت عراق نزيكترين جسريگه ئرا توركيا و له شوون ئويش ئۆرپا و خليج و بحر عرب و ئاسيا و عراق تواناى وه‌دسگرتن زمام موبادره ديرگ ئرا دروسكردن علاقتيگ تكاملى له ناونى دوڵتيل ناوچگه.
واثق الجابري