ئى تيرۆريستيل.. وخت لناوبردندان هات
خاون نزريت وه ئامانجگرتن بيتاوانيل هوڵ چه دن وپى بڕسن له ڕى حزام و سياريل مينڕيژكرياگ؟ وه داخ فريگ ئوانه هوڵ ئوه دن ئى كردويل دڕندانه ناو بنن وه كاريل جيهادى، ييش له وختيگ جيهاد بريئه له ئوانه.
ئايا داگيركريل بيگانه له وڵات دوئاوان وه كوشتن عشوائى و لناوبردن مللت رافدين دركرين؟ ئايا ئه‌وانه متمانى مردم وه دس هاوردنه و مردم مووم سركفتن ئرايان دمدانه و چپڵه ئرايان كوشتن و هڵهڵه كيشن ئرايان؟ ئايا متمانى چينيگ كۆمڵايتى يا تايفيگ وه دس هاوردنه له وانور رشانن خوين مردمان تر؟ ئايا وه شيويگ تمام دسڵات گرتنه بان شاريگ يا ئاواييگ يا خاكيگ كه كسيگ نتوينيد نزاع للى بكا يا لليان نزيكو بووگ؟ ئايا موسڵمان تازه له ئايينيل تر كسب كردنه؟
با ئوانه مراجعت خويان بكن و جواو ئى پرسياريله بينو ئگر مجاهد راسكانيين، يا تنيا سياسيين.... ئنجا له مرجيل كار جيهادى و له مرجيل گشت كاريگ سياسى ئوسه كه خاون مسلگه مراجعت منهج و كارى بكيگ له ناونى وختيل تا بزانن له كاملا غڵت كردن و له كوورا تويشهاتن و غڵتيليان چس تا دوير للى بگرن و مرزيان چنيگه تا پيوس بوون وپيو، يا كار ئوانه كه تاريف غڵتيليان دن ئرا ديان ساڵ تا كفتنه ژير ويرانى، ئايا پرسيار له خويان نيكن ئرا ئيسه محاربه كرين للاين عراقيل و له نواى گشتنيانيش پياويل كار شرافتدار ئازاد نيشتمانپروريل عراق؟
خاون سياريل و حزاميل مينڕيژكرياگ ئرا چه دسڵات نگرتنه بان عراق و نيش لبان وژيگ للى مگر تنيا وه شارياگ و گشت وختيگيش لتى جيواز خويان كن و للى وان و شماريان كمو بووگ.
عراقييل مللتيگ خاون تاريخ پڕ حزارتن، كه نيتوان گلو بخون ئرا عفونت تاريخ و ئاينديش نيخيده گرو وه نفامى و تونڕويل تاڵيبان نيكيده قدوه و خوى دامزرنر حزارت ئنسانه و هر ئويش فرز حزارت كرد تنانت لبان ئو داگيركريليشه كه هاتنه‌سه ناو خاكى له رووژگاريل جياجيا.
خاون سياريل مينڕيژكرياگ بخت ياوريان نيه دس بگرنه بان نفت عراق تا وپى بنيات دوڵتگيان بكن. عراقييل نفت جوير فرستيگ توان ئرا هڵسيان و بنيات دوڵت تازه و حزارى لور تعويزكردن ئوگ له دسيان چيه له سردميل تيركى.
خاون سياريل و حزاميل مينڕيژكرياگ رزايت و متمانى هاووڵاتييل وه دس ناوردنه و ئعجاب وپيان نوينه و چپڵه ئرايان نكوتياگه، ئويش لور هووكاريگ فره ئاسايى كه عراقييل خوشيان لليان نيايد و رازى نين لليان و چپڵه ئرا ئو كسيله نيكوتن كه سدان هزار له پياويل خێرمن و ژن و مناڵيان كوشتنه له ميدانيل گشتى و له مزگفت و له بازاڕيل.
قوربانى چپڵه ئرا جلاد نيكوتيگ و ئو بكوشيله هويچ ئمتيازيگ نيرن، ول ئويشا سياريل مينڕيژكرياگ ئو تاوانباريله ئازا نوينه قوربانيه‌يلى له‌ى چينه هڵوژنيد نك لو تايفگه، چوينكه گشت عراقييل كرده يكيگ له ئستشهاد و قوربانييل له عراق بوين نك له چينيگ دياريكرياگ، عراقيليش باوڕ وه ئوه ديرن ك نيشتمانيت حرسيگه لبان نيشتمان وه گشتى نك بشيگ للى و حرسه لبان گيان هاووڵاتييل نك رشانن خوينيان.
لباره‌ى ئسلاميش ئوسه كه ئسلام دين كوشتن نيه، بڵكم دين ژيانه، بهيشتيش ماواى بكوشيل و گنكاريل نيه، بڵكم ئرا ئوانس ك خوداێ تعالا لبانيان فرمايش كرد:(وَعِبَادُ الرَّحْمَن الَّذِينَ يَمْشُونَ عَلَى الأَرْضِ هَوْنًا وَإِذَا خَاطَبَهُمُ الْجَاهِلُونَ قَالُوا سَلامًا)..... و(وَالَّذِينَ لا يَدْعُونَ مَعَ اللَّهِ إِلَهًا آخَرَ وَلا يَقْتُلُونَ النَّفْسَ الَّتِي حَرَّمَ اللَّهُ إِلا بِالْحَقِّ وَلا يَزْنُونَ وَمَنْ يَفْعَلْ ذَلِكَ يَلْقَ أَثَامًا و يُضَاعَفْ لَهُ الْعَذَابُ يَوْمَ الْقِيَامَةِ وَيَخْلُدْ فِيهِ مُهَانًا) و ((الَّذِينَ إِذَا ذُكِّرُوا بِآيَاتِ رَبِّهِمْ لَمْ يَخِرُّوا عَلَيْهَا صُمًّا وَعُمْيَانًا) و(الَّذِينَ لا يَشْهَدُونَ الزُّورَ وَإِذَا مَرُّوا بِاللَّغْوِ مَرُّوا كِرَامًا)....
ئى تيرۆريستيل هرچنيگ ئسلوبدان جواروجور بووگ له كوشتن و غدر و تهجير و گرتن و رخوبردن و دزى و تاڵان و رنگدان و مزهبليدان هرچنى بووگ چ ريكخرياگ دياريكرياگ يا ميليشيا يا چتيل جياجيا، نيتوينين 30 مليۆن كس بكوشين و مللت عراق يكه يكه لناودان بن و كووتايى وپيدان تيرن.
د. يوسف السعيدي