نوڕستن خاسسازى
له وڵاتگه كسيگ نيه نوڕستن تماميگ ئرا خاسسازى داشتووگ و جيوجى بكيگ. ييش وجوود داوت فريگ ئرا خاسسازى نيخيگه دروو و ول ئويشا وجوود گاميل جياجيايش ليرا و لورا نيخيگه دروو.
ولێ ئوگ دياره له چوارچيوى حكومت و ئاڵشتكارى و وزيريلى و تنانت دعواتيليگ لى مجاله دنگيان كپو بوى و رووشنايى لتى نمند دوياى خريكبوينمان وه ئازادكردن و هاوردنوى خاكيل داگيركرياێ له وڵاتگمان له ورجه داعش.
ول ئويشا پيشبينى ئوه نيكرييگ گلو بخورييگ ئرا نغمه ى خاسسازى دوياى داعش و هڵوژاردنيل گشتى كه نزيكو بويه و پرووژيل خاسسازييش له حاڵ حازر دويا خريانه.
چشتيگيش ئاساييه ئى فرسته ئرا هاوردنوى تكفير وه نوڕستن گشتگيرى ئرا خاسسازى و هر لور ئويش داوا له پيونديداريل كرييد فكر جددى بكن له باوتى و تحقيقيگ ئرا راسى و جديت بكن له داوت ئرا خاسسازى.
نوڕستن خاسسازى گشتگيرى خوى له گڕخواردن له دور سێ كليمه دوينيگ، ك ئوانيش پيكهاتنه له: فرد، كومڵگا، دوڵت.
لبان ئاست فرد، ئى پرووژى خاسسازى گشتگيره هوڵ تريبيت فرديل ديد تا بوونه هاووڵاتى و تربيت هاووڵاتييل ئاسايى تا بوونه هاووڵاتييل كارا، ييش موهمت وزارت پرورده س له بنڕت، كه منتڵق تربيه مدرسه بويه و هر لور ئويش پرووژى خاسسازى برناميگ تربوى كفيل خيده روى وه برهم هاووڵاتى كار له چوارچيوى دورى دراسى تماميگ.
لبان ئاست كومڵايتييش، ئى پرووژى ئسڵاحيه هوڵ بنيات كۆمڵگايگ خاس دروس ديد، مجتمع خاسيش سيستميگه مونسف له هاوكارى ناونى هاووڵاتييل ئازاد و يكسان. ئى تعريفيشه له نويسانن جۆن راولز فيلسوف كووچكردگ ئمريكى هاتگه.
له خاسسازى دوڵتيش، پرووژى خاسسازى لور خاتر بنيات دوڵت حزارى تازيگ كار كيگ. ئى دوڵتيشه پيكهاتگه له چوارچيوى حزارييش كه پيكهاتگه له پنج عونسر: ئادميزاد، وخت، تبيعت، زانست، كار.
ييش بيجگه برهمهاور ژيان خاسيش ئرا ئادميزاد ك ئازادى و عدالت و يكسانى و ئاسايش و خوشاڵى سفتيليگن له حزارت و سيتميلى، ول ئويشا دوڵت حزارى لبان مواتنه و ديموكراسيت و ياسا و دزگاييل و زانست تازه پشت بساگه.
ئليرايش بايسه ئشارت وه ئوه بكيم كه محوريل خاسسازى و شوونواريليشى پيكهاتنه له: هاووڵاتى فعال، كومڵگاى خاس، دوڵت تازى حزارى.
له همان وختيش ئگر خواست لبان دعوات خاسسازى برهمداريگيش بووگ، ئو لى حاڵته بايسه روى لو هرسێ محوريله بكرييگ تا هوڵ و تقلاى ئنسان عراقى گوم نوگ كه ديد و نوڕستن قورتاربوين ديريگ.
محمد عبد الجبار الشبوط