شيعه ى عراق و تيڵى روژيل ئاينده
كار ريككفتن حزبوڵلا ول داعش ئاشكراى دركردن داعش كرد ئرا دراوردنيان له عرسال ئرا البوكمال و ناوچيل تر سوريا، و ئاشكراى شرخ گورايگ كرد له نسيج شيعه و دو محور للى كفتو كه روخسار ئفتراق دس وپيكرد له ناونيان وه‌ه ئاشكرا، محور يكم هس وه ئوه كيد كه موئامريگ گورا لبان شيعه هس كه نيمى مردن بان زوى وه سرۆكايتى ئمريكا و ئسرائيل و فرنسا و ئنگلترا و سعوديه و دوڵتيل خليج و دوڵتيل تر للى بشدارن و خوازن ئيران له وجوود لاون و هر همان دوڵتن كه توان حزبوڵڵايش له باشوور لوبنان و حوكم علوى له سوريا و حوسييل له يمن و شيعه له بحرين نيلن ول ريككفتن سرى ول دوڵتيل خليج لور ئاڵشتكردن حوكم شيعى له عراق و دراوردنى لژير دسڵات ئيرانى، كه ئى محوريشه ليوا كرد هس وه ئوه بكن ك مستهدفن و ول ئيران و لوبنان و حوسييل و سورييل هانه ناو يك مركب و كزكردن و لاوردن هركاميان جوور گاميگه ئرا رسين وه ئو باقييان، بيجگه ئويش روڵيل ئى محوره باوريان ئوسه هاوكارييگ ول مردمان تر شيعه مستهدف بووگ له خارج و بايسه حشد مقيتى له چك خوى بكيگ تا بووگه وسيليگ ئرا مقيتيكردن له وجوودى جوور ئوگ حزبوڵڵاى لوبنانى مقيتى له خوى كرد وه چك ئويش وه ئو باوڕه كه ئويشيگ: زعيف مقيتى خوى له كسيل تر نيكيگ مگر وه تسليمبوين ئرا مرجيليان.
محوريگيش خوى كسايتيل عراقى و سركرديل ئنجومن باڵا و زوورم سركرديل تر حشد دوينيدو، لور ئوگيش سيد سيستانى موقفيگ وسيت ديريد، هر لور ئويش ئيران هاته بان ئى خته ئرا پياكردن زمينيگ مرجعيه له ناو عراق پشتگيرى لى ئتجاهه بكيگ وه قوت له جياى ولايت فقيه له ئيران.
ئرا محور دويميش ، باوڕ ئوسه شيعه ى عراق مستهدف نين، بلكم ئيان خويان خنه ناو ئو مستهدفيله جوور ئيران و لوبنان و سوريا و يمن و سڵامت تريش ئوسه شيعه‌ى عراق خوى دوير بخيد لى كيشمكيشه.
هر لور ئويش بايسه لبان شيعه و سنى و مرجعيات ئايينى مراجعه ى حسابات خويان بكن و ئگر هڵويستيگيش عراقى بوى جوور زمانت گشتيان لبانى ريك بكفن و ئى هڵويستيشه نيشتمانى بووگ و گشت چينيل مللت عراقى بگريده خوى وبى جياوازى تا خوين دويرو بخن و يكێتى عراقى و مردمگى مقيتيكردياگ بووگ و مقيتى له باقى جايڵ جوانيلمان بكيم و دى بسه جنگ و كاولكارى و تايفى و چويچيان.
عدنان الشريفى