عراق و سعوديه
جوير ئوگ له عراق معارز ئرا علاقات ول سعوديه هس، له سعودييش وه همان جوير معارز هس ئرا دامزرانن علاقت ئاسايى ول عراق، ئنجا هر يكيگ لليانيش هجت و سبب و مترسى خوى ديريد.
تيم معارز له هردوگ وڵات نيگرانن و مسلت جيوجيكردن علاقات و وازكردن سفارت و باڵويزخانيل ئختراقه ئرا ناوخويى، كه شايت سعوديه جوير كيشمكيش نفوز ئيران تماشاى قزيگه بكيد و شايت عراقيش جوير توازنيگ ئرا دويرخستن شڕ كيشمكيش لبان خاكيلمان تماشاى كيشگه بكيد.
عراقيش شايت له گوشى كموكردن ئاست ئحتقان سياسى و سوپاكردن ئعلامى تماشا بكيد ك عراق فره لرزان وه حوكم هيز وسيليل ئعلام سعودى و نزيك للى و لوانيش جوير ئه‌لعربيه، ك ئاستى فره داوزى له چو ئوسا وه شيويگ ئاشكرا له ورانور واقعيت عراقى و ئالشتبوين نسبى له مزاج گشتى.
دوياى بيس و هفت ساڵ لبان بڕيان علاقات، عراق فره ئاڵشت بوى و فريش لبان سعويه رد بوى و ييش دركفت ئرايان ك سرچويل معلوماتيان لبان عراق له سرچويليگ مسيس و تايفى و ئنتقايى و ناواقعى بوينه، يا له سرچويليگ وه ئاست پله چوار.
هاوساى عراق داوريان ليمان و ئيميش ليان داوريايم يك لشوون يك و جنگ ول گشتيان كرديم و دخاڵت و داگير وردواميان كرديم، ولى راسى جوگرافى ئوسا و ئيسيش قايمترين هقيقت و دوڵتيل هاوسايش بايد تا ئبد هاوسا بمينن و علاقاتمان ول توركيا و ئيران و وڵاتيل عربى يا ئوسه علاقت جنگ وردوامه يا ئاشتى وردوام.
ئنجا وه حوكم هقيقت جوگرافى، ئمريكيل له لاين خويان ئوه زانستن كه عراق و ئيران دو هاوساى هميشن جوير ئوگ عراق و سعوديه دو هاوساى هميشن.
فرق خترناك ئوسه كه گشت هاوساييل عراق سيستم مركزى ديرن و يكيتى بريار و سرانيگ نتويى حوكمى كن.
عبدالهادي مهودر