مردم خيرومن ئوانن هوڵ خير دن
خێر زووان يكوگرتنه، نريت و مبدئيليگه كه ئادميزاد لبانى را تييد جوور عداڵت و ئازادى و يكسانى. وكارهاوردن كلمه ى خێر له قورئان جاريگ وه ماناى (خێر بكه)و جاريگيش وه وسفيگ هاتگه تنيا له مفهوم تفزيلى.
ئگريش له بنڕت تماشاى بكه‌يم كه خێر له خێركردن برياگه و ماناى ته‌فزيلى ديريد ئوه بايسه ييش بزانيم ك لى مانا تجريد كرياگه له بڕيگ سرچوه (وَإِنَّهُ لِحُبِّ الْخَيْرِ لَشَدِيدٌ. (1)العاديات 8 . ييش ماناى ئوسه ك منفعت مردم و خاسيكردنه ئرايان ول بشدارى له خوشى و تنگييان و كموكردن ژان و موسيبتيان و لهو له گوراترين هوكاريل ئنفتاح دڵيل.
خودا هويچ چشتيگ درس نكرد مگر ئرا خێر موئكد و ئامانج دياريكرياگ ودى ئوسايش دڵ ئارام و ئاشتى دوينيد. پيوسبوينيش وه ئى راسييه نعمت گورايگه و ئنسانيش ك ناڵنيد له عزاو وردوام له ترس هميشيى و نگرانى نورياگيگ ژييد.
ولى وه چواشه، دوينيم ئايم موئمن راسييگ زانيد، كه ئويش ئوسه ئامانج و غاييگ هس له پشت كارگه و هر لور ئويش تويم خێر كاڵين و ئگريش نفع و سمريشى نزانستن ولى هر تويم ئاشتى كاڵين و هرچنيگيش داريشى سايكى نياشت تنيا ئوه بسه ك سايكى ديده روڵيل و نويلدان. جور ئوگ شاعر ئويشيد:
خاسى بكه با وه پيديش نزانن
خاسى گوم نيود له هر شوونيگ
خاسى هرچى رووژگاريشى دريژه‌و بوگ
ئوه چنيده ى ك تويمى خستگه
له زووان پيغمبر سڵام خودا وه دور خوى و ئال وبيتى وتگه(أحبُّ الناسِ إلى اللهِ أنْفَعُهُمْ لِلنَّاسِ، وأحبُّ الأعمالِ إلى اللهِ عزَّ وجلَّ سُرُورٌ يدْخِلُهُ على مسلمٍ، أوْ يكْشِفُ عنهُ كُرْبَةً، أوْ يقْضِي عنهُ دَيْنًا، أوْ تَطْرُدُ عنهُ جُوعًا، ولأنْ أَمْشِي مع أَخٍ لي في حاجَةٍ أحبُّ إِلَيَّ من أنْ اعْتَكِفَ في هذا المسجدِ، يعني مسجدَ المدينةِ شهرًا، ومَنْ كَفَّ غضبَهُ سترَ اللهُ عَوْرَتَهُ، ومَنْ كَظَمَ غَيْظَهُ، ولَوْ شاءَ أنْ يُمْضِيَهُ أَمْضَاهُ مَلأَ اللهُ قلبَهُ رَجَاءً يومَ القيامةِ، ومَنْ مَشَى مع أَخِيهِ في حاجَةٍ حتى تتَهَيَّأَ لهُ أَثْبَتَ اللهُ قَدَمَهُ يومَ تَزُولُ الأَقْدَامِ، وإِنَّ سُوءَ الخُلُقِ يُفْسِدُ العَمَلَ، كما يُفْسِدُ الخَلُّ العَسَلَ ).
ئرا اباذريش وتگه:
يا اباذر هركسيگ خێر بكاڵيد خێر چنيد و هركسيگ شڕ بكاڵيد شڕ چنيد و ندانت، هر كاڵينيگ جوور خوى چنيد، ئى ئامووژگاريه له پيغمبر سڵام و سلوات وه ديارى ئرا گشت كسيگه ك ئگر خێر وت خێر ژنفيد ئگريش شڕ وت شڕ ژنفيد و ئگريش كار خێر كرد وه خێر مامڵه كرييد.
وه داخ فريگ كسانيگ وه بوونى سوعت حوكمكردنيان لبان كاريليگ و نياشتن سبر له حاڵتيليگ دوينيد تويش خراوى تين و بوونه دوشمن و ئسرار لبان چشتيگ كن و دوينن دژ فايده للى كفيده و قورئان كريميش ئى راسيه زانستگه(وَ يَدْعُ الإِنْسَانُ بِالشَّرِّ دُعَاءَهُ بِالْخَيْرِ وَكَانَ الإِنْسَانُ عَجُولاً)(سورة الإسراء :11
ييش له سونتيل خوداى گوراس، ئنجا ئادميزا ك وردوامى ديده صلت رحم ئوه خوداوند عومرى دريژ كيد و ئوانيش صلت رحم بڕن خودا له عومريان كمو كيد.
ليرا خاسى بكاڵ و لورا خاسى بچن، ييش جوور ديدار بر و بحر و خوشى ژيان و جموجويل و ده‌نگ و رنگ و بوو خوشه، زووانه، درچگن خور جوانه لبان زوى پاك، نوير شوكيانه كون خفتگ هڵسنيد، رووشنايى و تيشك دمو سووه كون پاكو كيد له دويكڵان، خودايش له قورئان له سورت ئال عومران له ئايت 104 فرمايش كردگه ( وَلْتَكُن مِّنكُمْ أُمَّةٌ يَدْعُونَ إِلَى الْخَيْرِ وَيَأْمُرُونَ بِالْمَعْرُوفِ وَيَنْهَوْنَ عَنِ الْمُنكَرِ وَأُوْلَـئِكَ هُمُ الْمُفْلِحُون )
عبد الخالق الفلاح